ERRESISTENTZIA

Orain da unea!

Agenda horrek munduko mapatik ezabatu nahi baitu ni naizen, ordezkatzen dudan eta defendatzen dudan guztia.

2

Patrik Unzurrunzaga Garate

Datu informatikoen transkribatzailea.. Algorta

Herri batekoa naiz, Europako herri primitibo batekoa, euskal herrikoa, euskararen herrikoa. Euskara ama hizkuntza da, gaur arte bizirik dirauen Europako hizkuntzarik zaharrena. Horrek ez du zerikusirik nazionalismoekin. Nortasun kultural eta berezko hizkuntza hain antzinakoa eta paregabea duen herri baten parte izateak bultzatzen zaitu hori sentitzera eta defendatzera.

Ezkerrekoa naiz, gizaki guztientzako eskubide-berdintasunean sinesten dudalako, azalaren eta arrazaren koloreagatik bereizi gabe, klase sozialik gabe, sexuarengatik eta joera sexualarengatik bereizi gabe, eta batzuek besteen gainetiko pribilegiorik gabe.

Anarkista naiz, uste dudalako gobernatzeko modurik onena norbera dela, eta herriek beren burua gobernatzea; boterea politikarien eta beren alderdien esku utzi gabe, historiaren beraren esperientziagatik, modu batera edo bestera usteltzen direla dakigulako. Norbaitek bere buruari lapurtzen al dio? Orduan, herri batek ere ez dio bere buruari lapurtuko, ezta? Eta lapurtzea diodanean, boterea duenak bere herriarekiko egin dezakeen beste edozein bidegabekeria ere esaten ari naiz.

denok elkar ulertzeko, borroka globala delako, ez da unea, inoiz ez da unea! Berriz ere egozentrismo nazionalista espainiarra

Izan ere, 20/30 Agendaren aurkakoa naiz, euskalduna, ezkerrekoa eta anarkista naizelako, agenda horrek munduko mapatik ezabatu nahi baitu ni naizen, ordezkatzen dudan eta defendatzen dudan guztia. Horregatik, erabat ukatzen dut 20/30 Agendaren aurkako erresistentziako jende askok esatea orain euskaldun izateaz ahaztu behar dela, eta gaztelaniaz hitz egin behar dela, horrela “denok elkar ulertzen dugulako”, borroka honetan denok bat egiteko. Gainerakoak itxaron dezake, ez da unea, inoiz ez da unea! Berriz ere egozentrismo nazionalista espainiarra kasu honetan. Logika berberaz, hitz egin dezagun denok ingelesez, gaur egungo inperioaren hizkuntza baita, “denok elkar ulertzeko”, borroka globala delako… Baina dena Espainian zentratzen duzue, espainiar nazionalismo baztertzaile zaharkituarekin jarraitzen duzue, eta giza-askatasunak defendatzen dituzue? Ba al dakizue Agendaren helburuetako bat munduko herri, kultura eta hizkuntzak suntsitzea dela, guztiok beren inperioko hizkuntzan hitz egin dezagun?

Ezkerra eta eskuina Agenda aurrera daramaten ezkutuko botereen asmakizunak direla ere badiozue. Uste dut alderdi politikoen mailan eta koloretako alderdien boterean ezkerrak izan duen ondorengotza hutsal bihurtu dela. Baina herriaren subkontzientean, ezkerra eskubideen eta aniztasunen defendatzailea da, eta eskuina batzuen pribilegio gehiagoren eta besteen mendekotasunaren defendatzailea. Nahi dugun bezala dei diezaiekegu, baina bi polo horiek existitzen dira.

Beraz, utziko al didazue nik erabakitako hizkuntzan borrokatzen, erosoago gertatuko zaidan hizkuntzan, edo egoera puntualaren arabera nik erabakiko dudan hizkuntzan; ezkertiarra izaten, giza eskubideen eta berdintasunaren defendatzailea; eta anarkista, pertsonak eta herriak ahaldunduko dituen demokrazia zuzena eraikiz? Batzuek ez duzue hori nahi! Batzuek ezkerra eta eskuina berdindu nahi dituzue, hain zuzen ere salatzen zaituzten terminologia desagerraraziz, herriez hitz egin nahi ez duzuen bezala, espainiar eta frantziar nazionalismo baztertzaileen erosotasun-eremuan sentitzen zaretelako kasu honetan, herriei beren etorkizuna askatasunez erabakitzeko eta beren burua gobernatuz aske eta berdinak izateko eskubidea ukatuz.

utziko al didazue nik erabakitako hizkuntzan borrokatzen?

Bizitza osoa inposizio eta tirania ezberdinen aurka daramagunok, berdintasuna eta justizia eta benetako bakea defendatzen ez dituzten sistema jakin batzuen aurka borrokatzen eta erresistitzen, ez dugu leziorik behar, orain arte, demokrazia deritzon gezur handi honetan, bere hierarkia politiko, polizial eta militarrekin ongi bizi izan zaretenon aldetik. Apaltasun pixka bat ez litzaizueke gaizki etorriko. Bando baztertura ongi etorriak zarete, eta elkarrekiko errespetuan borroka dezagun munduko tirania eta bidegabekeria guztien aurka, gizateriarentzat salbuespenik gabeko itxaropen-txinparta bat sortuz. Gora herriak!!!

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Orain da unea!” bidalketan

  1. Orain UNEA, karaillo, noiz bestela!

    Danak ez dirá bardinak, ez horixe, ez ontasunean ez gaiztakeran.

    eta Politikaria guztiak ere EZ DIRA ELITEKOOK BEZAINBESTE OKERRAK, zuoi interesatzen zaizuen arren JENDE guztiak hala pentsetea.

    eta neuk nahi dudan hizkuntzaz gura dot bizi, noski, baina gainera, ene LEINUAK, ARBASOEK eta ARBASOEN ARBASOEK horixe agintzen didatelako.

Utzi iruzkina, izen eta abizenez

Azken artikuluak