Aurrez aurreko sare sozialak

Borroka fronte askoren aurrean gaude, batzuk mendeetakoak, beste batzuk hamarkadatakoak eta beste batzuk berriak, eta ezin gara gizabanako bakoitza fronte guztietan aldi berean egon. Gutxi gara, eta erdiak kezkatuago daude garrantzirik gabeko gaiekin, zoritxarrez. Jende gehiago bilduko bagina ere, fronte guztietan ezingo litzateke aldi berean egon, baina, kudeatzerakoan, fronte batzuetan eta besteetan banatuago egongo litzateke jende hori, behintzat. Gero manifestazio batera fronte guztietako jendea joango litzateke.

Hori 80ko hamarkadan gertatu zen. Hamarkada hori goraipatzea ez zait gustatzen, gauza onak baina baita izugarriak ere egon baitziren. Edonola ere, zerbait egon bazen, herri-ekimena izan zen, eta fronte ezberdinak estali ziren. Esaterako, mugimendu antimilitarista bat, ekologista bat eta amnistiaren aldeko beste bat zeuden, adibide batzuk jartzearren. Mugimendu bakoitza autonomoa zen eta bere kabuz, libreki funtzionatzen zuen. Baina bazegoen lotura bat, batasun bat. Jende horrek guztiak etsai berbera zuen amankomunean. Beraz, ez zen arraroa manifestazio ekologista batean antimilitaristak, euskararen defendatzaileak, amnistiaren aldarrikatzaileak edo beste mugimendu batzuetakoak elkartzea, eta alderantziz.

Mugimendu bakoitza autonomoa zen eta bere kabuz, libreki funtzionatzen zuen. Baina bazegoen lotura bat, batasun bat

Zirkulu horretan, mobilizazioez gain, ekintza ludikoak ere egiten ziren, jendea ez higatzeko, hala nola, jaiak eta kontzertuak. Hor ere pertsona desberdinen arteko lotura bat sortzen zen, beste fronteetako jendea ezagutuz eta elkarrekin gozatuz. Hitz egiten zen, sare hori ehuntzen zen, eta abar. Hori bai zela sare sozial bat. 

Kontuan izan behar da aktiboa izan daitekeela bat, eta zure aletxoa fronte batean edo batzuetan jar dezakezula, adibidez, Bizitza plataformakoa derrigorrean izan gabe. Bizitza ez da disidentzia osoa. Bestalde, talde autonomo bakoitzak, gero, Bizitzaren deialdi batekin edo batzuekin bat egin dezake, uste duelako, plataforma horrek egiten duen guztiarekin ados ez egonda ere, adierazpen zehatz bat, edo mobilizazio jakin baten leloa eta salaketa, egokiak direla eta babestu egin behar direla. Lankidetza bat egon daiteke plataforma bati makurtu gabe, edo hegoak mozten dizkizun zuzendaritza bati.

Hezur-haragizko sareen sare bat ehuntzen saiatu behar dugu, eta ahal bezainbeste fronte ireki

 Jende guztia animatzen dut ekimenak abiarazi ditzan, taldeak osa ditzan (ez naiz ingurune digitaleko sare birtualez ari) eta aktiboa izan dadin. Bizitza plataformaren bidez egin dezakezue, hala iritziz gero, edo plataformatik kanpo ere bai. Bakoitzak ahal duena egiten badu, ez du beti mundu guztiak intentsitate berarekin ekarpena egin ahal izango, hainbat baldintzarengatik, baina hezur-haragizko sareen sare bat ehuntzen saiatu behar dugu, eta ahal bezainbeste fronte ireki. Lau urtean behin botoa ematera joateko eta erantzukizun guztiak erakunde politiko baten esku uzteko ohitura txarra dago. Eta badirudi Bizitza plataformarekin errepikatu egiten dela hori; jendeak Bizitzaren esku uzten du ardura eta zenbait pertsonak hainbat gauza proposatzen dizkiote plataformari, beraiek ekimena hartu beharrean. Hala ere, agintea hartu gabe eta talde autonomoak osatuz, jende gehiagok bat egitea bermatzen da, txertatuek eta fededunek geoingeniaritzaren aurkako fronte autonomo batean parte har dezaketelako, adibide bat jartzearren.

Hala izan zen 80ko hamarkadan, eta jende desberdinak aurrekaririk gabeko mugimendu sozial bat eratu zuen, paradigma asko aldatu zituena. Beti bezala, ziztadaka suntsitu zuten, baita poliziaren errepresioaren bidez eta hain agerikoak ez ziren beste errepresio batzuen bidez ere. Orduan ziztadak disidenteen aldean erori ziren; oraingoan, ordea, tragazionisten aldean erori dira, eta hori, agian, botila erdi-betea bezala ikusiko dugu… Kortatu taldeak 80ko hamarkadan zioen bezala: kalera, oinez ibiltzera, ordua da-eta!!!