Juan Manuel Olarietak 2023ko azaroaren 14an Mpr21 hedabidean argitara emandako artikulua dakargu gaur hona, euskal irakurleontzat interesgarria baita. Garaiotan, medikuntzaren jardun berez noblea geroz eta militarizatuago dagoen honetan; Gaixotasun Sistema Publikoa, bata zuridun burokrata robotikoak protokolo-betetzaile huts izatera kondenatzen dituena, geroz eta ipurdi ageriago dagoenean, memoria-ariketa eta hausnarketa hauek egin beharrekoak dira.
Hona hemen Olarietaren artikuluaren itzulpena:
«Gazako ospitaleen bonbardaketa betean, The Lancet aldizkari medikoak sendagileei eskatzen die kontzientzia-azterketa bat edo, orain esaten den moduan, memoria historiko ariketa bat egiteko, lanbide horretako pofesionalentzat desatsegina den gertakari batekin: naziek egindako krimenak. Izan ere, krimen haietan medikuek eginkizun nagusi bat izan zuten.
Nazien esperientziak osasun-profesionalen ikasketa akademikoetan egon beharko luke, artikuluaren egileek proposatu dutenez. Jada aipatua dudan arrazoi batengatik, medikuei askotan etortzen zaie historia gainera: “Politikak eskala txikian egiten du medikuntzak eskala handian egiten duena”.
Hala ere, oso ezaguna da topikoa; topiko bat gehiago osasunaz ari garenean: medikuntza “ona” da (gaixotasunak sendatzen ditu), eta politika, berriz, ia beti “txarra” da. Ondorioz, osagileek korrontearen kontra maizago agertu beharko lukete. The Lancetek dioenez, jasotako aginduen aurka ere egin beharko lukete behar izanez gero, batez ere politika faxismo hutsa besterik ez baldin bada.
Pandemian populazioa masiboki txertatu zuten kontzentrazio-esparruetan bezala
The Lancetek ezkutatzen duena da pandemian hartutako neurrien aurka agertu ziren osasun-langileak errepresaliatu egin zituztela, jazarriak izan zirela, lantokietatik eta elkargo profesionaletatik kanporatu zituztela, jarduteko lizentzia kendu zitzaiela eta publikoki eta pribatuan baztertu eta barregarri utzi zituztela.
Hori ez zen herrialde nazietan bakarrik gertatu, “europar demokrazia” distiratsuetan baizik, hala nola Frantzian, Italian edo Alemanian. Pandemian populazioa masiboki txertatu zuten kontzentrazio-esparruetan bezala: gerraren amaieran, hain zuzen halakorik gerta ez zedin, ezarritako arauak lotsagabeki urratuz.
OMEk pandemiei buruzko itun bat inposatu nahi du, eta Europar Batasunak Nurembergeko Kodea indargabetzea planteatzen du
OMEk pandemiei buruzko itun bat inposatu nahi du, eta Europar Batasunak Nurembergeko Kodea indargabetzea planteatzen du, mota horretako esperimentu sasi-mediko indiskriminatuak inposatzeko. Zer proposatzen du The Lancetek: medikuen desobedientzia arau berrien aurrean ala zaharren aurrean?
Nazien krimenak, kontzentrazio-eremuen barruan eta kanpoan, ez zituzten Mengeleren tankerako “mediku estremistek” bakarrik egin, eta ez zuten “derrigortuta” jardun ere, artikuluaren egileek diotenez. Osasunaren arloko profesionalen erantzukizuna minimizatzea litzateke hori, hain zuzen ere 1945etik (gutxienez) egiten ari dena.
Ikerketa nazia ezagutza medikoaren kanonaren zati integral bihurtu zen batzuetan
Alemania nazian medikuntza ez zen pseudozientzia bat, eta ikerketa nazia, batzuetan, ezagutza medikoaren kanonaren zati integral bihurtu zen. Adibidez, tabakoak eta alkoholak gorputzean duten eraginaren gaur egungo ulermena nazien aroan egindako ikerketek bultzatu zuten.
Gaur egungo Gazako bonbardaketak medikuei axola behar izango litzaizkieke, ez soilik sionistak ospitaleak erasotzen ari direlako zauriturik egon ez dadin eta sarraskia areagotu dadin, baizik eta 100 mediku israeldarrek, pediatrak barne, hala eskatu dutelako.
Mediku horiek gainerako gerra-kriminalen patu bera jasan beharko lukete, eta gainerakoei galdetu beharko litzaieke: zer egin zenuen Gazako sarraskia eragozteko? Zer egiten dute medikuen elkargo profesionalek? Zer egiten dute osasun-arloko sindikatuek?»
Independenteko lantaldeak euskaratua.
Ume eta nerabeen sasi-txertoen aurrean (eta horren ondoriozko gain-gaixotssu zein gain-hilhortasunaren aurrean, zer daragite Medikuen Elkargo aprofesionalek?
eta zer Osasun arloko Sindikatuek?
Ez da egoki Nuremberg aktibatzea, gizateriaren aurkako krimenen erantzuleak epaitzeko?