EHEren ekintza hasi da gaur, euskararen egunean, Baionako Euskal Museoan.
Aldarrikapena argia da:
‘Linguae Vasconum Primitiae’ liburuak Euskal Herrian egon behar du.
Museoko zuzendariak bere azalpenak eman ditu: bera bere lana egiten ari dela, objektu historiko bat kontserbatu nahi duela, Etxepareren liburuaren erabilpen politikoa egiten ari dela, aldarrikapena zilegi dela baina berak ezin duela erantzunik eman…
Euskalgintzako kideak museoan egongo dira dagokion administrazio-agintaritzak (Bibliothèque Nationale de France) erantzun bat eman arte, baita gaua bertan eman behar badute ere.
Euskalgintzak Linguae Vasconum Primitiae Euskal Herrian egon dadila galdegin dio Bibliothèque Nationale de Franceri.
‘Linguae Vasconum Primitiae‘ liburua ezaguna dugun lehen euskal liburu inprimatua da. Latinezko izenburua du eta «Euskaldunen hizkuntzaren hastapenak» esan nahi du. 1545ean argitaratua, Bernat Etxeparek idatzia. Etxeparek lehen euskal idazlea izatearen kontzientzia nabaria zuen, eta horren jakitun ageri da liburuan, izenburutik bertatik hasita.
«Libertatia nola baita gauzetako hoberena…»
Etxepare Lizeoko ikasleek museoko kanpoaldean elkarretaratzea egin dute barruko okupazioak iraun bitartean.
Aldarrikapena azaltzen museoko zuzendariari.
Libertatia nola baita gauzetako hoberena…
Euskara Europaren nortasun agirietako bat da, eta ederrena!
Ihintza, mila esker barri emotearren! Zertan da kontua? Azken ordukorik?
Hainbat orduz luzatu den eserialdiaren ondoren, Baionako Euskal Museoko zuzendariak eta Jean René Etxegarai Euskal Hirigune Elkargoaren Lehendakariak hitz eman dute frantses estatuko ordezkariek eta euskalgintzakoek hamar egunen buruan bilkura egingo dutela, ‘Linguae Vasconum Primitiae’ Euskal Herrian geratzeaz eztabaidatzeko. Konpromiso hori hartu dute, beraz.
https://x.com/EHEbizi/status/1996289907002642832