Euskal Enplegu Zerbitzuak aurpegi-errekonozimenduan eta hatz-markan oinarritutako softwarea du, Indra aholkularitza-enpresak egina, erakunde publiko horrentzako kontratuak manipulatzeagatik isuna jaso duen berbera.
Aztarnak eta aurpegiak kontrolatzeko ekipoen sinadura da Gertek, EAJko hainbat pertsona ezagunek kudeatua, eta aholkularitza legala norengandik jasoko eta Joanes Labayen, Eusko Jaurlaritzako aholkulari polemikoa da aholkularia, Eusko Legebiltzarreko presidentearekin ezkonduta dagoena.
Urte honen hasieran, Berri-Otxoak kolektiboak salatu zuen Ertzaintza sartzen ari zela Diru Sarrerak Bermatzeko Errenta, Pentsio Osagarria edo Enplegu Pizgarriak jasotzen zituzten 50.000 familiaren etxeetara (DSBE edo RGI, hau da, Renta de Garantía de Ingresos, Complemento de Pensiones eta Incentivos al Empleo).
Eta “epailearen agindurik edo lege-babesik gabe” sartzen ziren etxe guztietara, “eskaeraren edo prestazioaren titularraren benetako bizilekua” dela ziurtatzeko aitzakiarekin. Kolektiboak jarduera polizial hori lotzen du laguntza publikoak jasotzen dituztenen datu biometrikoen kapturarekin.
Jaurlaritzaren Kontseiluak apirilean onartutako Enpleguaren Euskal Legearen Proiektuak aipatzen du hitzez hitz gizarte-zerbitzuen “datifikazio-prozesua”, zerbitzuen erabiltzaileak eta prestazioen onuradunak identifikatzerakoan “autentifikazio-prozedura” ezartzea, zehazki “sistema biometrikoen” bitartez.
Salaketak badu bere zentzua, izan ere gobernuak 1,3 milioi euro gastatu baititu azken bost urteetan. 2019an, Lanbideren enkarguz, Izenpe ziurtapen eta zerbitzuen enpresa publikoak 440.000 euroren truke azpikontratatu zuen “herritarrak identifikatzeko eredu biometrikoen kudeaketa ahalbidetuko duen sistema baten eraikitzea”.
Ehunka mila euro gastatu dira laguntzen hartzailea kriminalizatzeko
Identifikazio-sistema hori garatzeko aukeratutako aholkularitza-enpresa Indra da, kartel batean parte hartzeagatik zigortua, 2021ean Euskadin kontratazio publikoan kolusiozko praktikak egiteagatik Lanbideren bi kontraturekin. Sistema horrek “aurpegi-ezaugarriak eta hatz-marken ezaugarri zehatzak” jasotzen zituen, “gutxienez 500.000 erabiltzailerentzat”. Bestela esanda, kontratazio publikoaren legea sistematikoki saihestu duen aholkularitza-enpresa bat da esleipenduna, ustez lege hori bera betetzen ez dutenak zigortzen dituen software bat eraikitzeaz arduratzen dena.
….eta dirutza hori gastu sozial moduan kontabilizatuko dute gainera.
Batzuk aberasteko besteak pobretu behar. bai ala bai.