Enekoren artikulu honen jatorria txio haria da, 2026.01.11koa, Joxemi Campilloren Zertarako behar dugu Kontseilua? artikuluari buruzkoa.
Artikulu zorrotz bezain interesgarria.
Kontseiluaren jarduera orokorra porrot hutsa izan da. Euskara heriotzetik gertuago dago normalizaziotik baino. Ez die erantzun egokirik eman urteotako erronkei eta bere ekimen hoberenak ere zapuztuta utzi ditu.
Ez du deus esan oligarkia antieuskaldunak bultzaturiko erdaldunen immigrazio masibo berriaz. Alderantziz, “aniztasunaren” amarrua irentsi eta birproduzitu du.
Ez du deus egin euskaldunon natalitate apala altxatu eta berezko euskaldunen portzentaia igotzeko.
Borroka ideologikoan nazio askapena alboratu eta instituzio kolonialekin elkarlana lehenetsi du PNV zurituz eta Bildu-ren araberako perfil baxua bultzatuz.
Teknologia berrien arloko lana ikaragarri eskasa izan da. Pantailak, aplikazioak, kanalak,… euskaraz izan daitezen euskaltzaleek beraien kabuz antolatu behar izan dute askoz baliabide gutxiago izanik.
Eta enpresa, taberna eta zerbitzuen euskalduntze-ekimena ezerezean utzi du. Taberna ia guztiak “Bidean” edo “Zerbitzua euskaraz” ziurtagiria izatetik, zerbitzari erdaldunak jarri eta euskararen arrastorik ez izatera igaro dira Kontseiluaren erabateko utzikeriaz.
“Bidean” edo “Zerbitzua euskaraz” ziurtagiria izatetik, zerbitzari erdaldunak jarri eta euskararen arrastorik ez izatera igaro dira
Kontseiluari egindako kritika zorrotz hori erabat zuzena da nire ustez. Korrikaz eta bereziki ikastolen jaietaz dioena nabartuko nuke nik, ikastolak erasopean egonik haien aldeko ekimenak oinarrizkoak baitira.
Euskal Herrian ezinezkoa da abertzalea edo euskaltzalea eta aldi berean neoliberal globalista izatea. Kontraesana gero eta nabariagoa da. Eta gaur egun beren buruari abertzale deitzen dioten alderdi politiko eta sindikatuak erabat neoliberalak eta globalistak dira beren jardunean. Globalizaziaoak ez du onartzen tokian tokiko hizkuntzarik, euskararik, ez euskaldunik, ez eta herri jabetzako ikastolarik, kooperatibarik. Ekonomia neoliberalak emakumearen laneratze prozesuari esker iraun zuen mendebaldean, jaiotze tasaren murrizteari esker, emakumezkoen eskulan merkeari esker. Eta gaur etorkinen eskulan merkeari esker. Ondorioz, gaur ezker abertzaleak zein eskuin abertzaleak Euskal Herrian bizi duen kontraesanik handiena neoliberal globalista eta abertzalea izatea da, ezinezkoa dena praktikan.
Norentzat eta noren eskutik ari dira Ikastolak lanean (besteak beste)?
Hobe ez galdetu, ez? Hobe ez jakin?
Euskal sasi-buruzagitzak “ideologi bakar baten” dabiltza. Ezker-eskuin jokoan eta liga berean……Eta euskaldun gehienak liga faltsu honen “fededunak” dira.
Iritziak eta espiritu kritikoa zentsuratuz uste dugu aurreraka goazela. Ez dugu iritzi sendorik. Propagandan bizi gara.
Kontseiluarengandik zerbait gehiago espero zen…..eta?
Benetako ligan gabiltza…. Bainan futbolean bezela, alderantziz jokatuz. Borroka hitza nonahi eta euskal herritar sendorik???
Badugu zertaz jabetu, bainan 46 azken urte hauetako inertzia oztopo dugu. Eta ez dakigu!!!!
Aspaldikoa da beste aukera baten beharra, ez soilik arlo politikoan, eremu ideologiko eta kulturalean ere, Veleiako auzia gogoratu.
Ia noizko gorpuzten den.
Kontseiluaren Miribillako ekitaldian immigranteak euskaratik integratzeko neurri urgenteak eskatu zituen Idurre Eskisabelek. Hori bai.
Gainontzekoan, “aniztasuna” deitzen duten horren fartsa iruzur bat gehiago da, “tolerantzia”, “bakea”, “ekologiko”, “inklusibo” eta beste hainbat hitz usteldu dizkiguten bezala aspaldi honetan… “ezker” moketero eta kolonrintxizalearentzako tranpa dialektiko-ideologiko hutsa, bai… eta tranpa ideala dirudi, jokaldi borobila, egokiro eta itxuraz gustu handiz irensten baitute.
Inditex multinazionalarentzat Txinan fabrikatutako eta Zaran saldutako Che Guevararen erretratudun elastikoa janztea iraultzarekin nahastea bezalako zerbait da… Inperio neoliberalaren enegarren amarrua.
La Pollak zioen: si eres joven y rebelde, Coca Cola te comprende! …eta horrela gaude.
Esandakoaren beste adibide bat:
https://x.com/GoldmanSachs/status/747834825831292928
Etorkinak euskaraz integratzearen arazoa da gaur egun bertako herritar gehiegi euskeraz jakinda, ez dute euskaraz hitz egiten. Orduan, nola eskatu zerbait datorrenari guk ez badugu egiten? Pertsona bat gizartean integratzen da, entzuten eta ikusten duenaren arabera. Euskara entzungo balu, biziraupen hutsagatik ikasiko luke euskara, eta gaztelania entzuten badu, gaztelaniaz hitz egiten du, eta Egun on, Kaixo, Eskerrik asko eta aupa Athletic bakarrik esaten dela ikusten badu, hori eta kito. Nik esango nuke euskal gizarte autoktonoa bera integratu behar dela euskarara. Orduan gainerakoak eboluzionatu egingo luke bere kabuz. Baina arazo bat dago: gora ETA asko, independentzia asko, abertzale asko, baina… euskaraz hitz egiten ez badugu, eta horrek egiten gaitu euskaldun, Oskorrik kantatzen zuen bezala, Euskara da euskaldun egiten gaituena, non geldituko gara? D ereduarekin ez da nahikoa gero hitz egiten ez bada. Beraz, hainbeste urtez idiotarena egin ondoren (hau autokritika bat da), bada garaia horretaz jabetzen garenok ahal dugun guztia hitz egiteko. Eta, era berean, klase politikoarekin edo gabe, euskara zein garrantzitsua den kontzientziatzeko kanpainak bultzatzea, bai harribitxi historiko gisa, bai identitateak ematen digulako, bai gainerako guztiak ezer balio ez duelako euskararik gabe. Hau ulertzen ez badugu, itzali eta goazen.