Jarridazu baso bete haurren burezur hauts
hautsitako promesak errazago
loditzen baitira oroimena finkatu ez dutenen
odolean.
Jarridazu plater bete ostutako zentzu komun,
hoztutako iraultzak zotz,
hortzen artean ideia hari deserosorik
geratu ez dakidan,
gonbidatuak baititut afaltzera.
Bapo jan barik larrutan ezin egin
eta horren aitzakian lortu dut
santutasuna.
Postrerako jarridazu, beraz,
kikara bete zelibatu literario,
libertario ez, bai publizitario,
iragarri barik zertarako gure kalbario.
Sukaldaritza ez da ba kultura unibertsalari
eraiki diogun monumenturik jasoena?
Elkar janez elkarren bazka
saltsa on batek ezin estal dezakeenik ez da.
Lotsa ere emultsionatzen da pil-pilean
su egokian jarrita
bere kadentzia asmatzen diogunean.
Jarridazu azpil bete arau antzu.
Jarridazu…
/ ihintza
Asel Luzarraga
Euskal idazle anarkista. Mundaka
Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >
Honen harira
Ikasmahaia. Ilustrazioa: Alfonso Alvarez
'Segurtasun' neurriak hezkuntzan
Utzi haurrak bakean!
/ Yumikrum
ez haur eta ez atso
Barriro be desagertu idatzia neukana.
Elkar Jan ondorengo burugaraunen saltsa pil.pilean, Asel anarko.mando mundakako irudimentsua.
Euskal Sukaldaritzarako
Errezeta barria.
Baina ez, eskerrik asko.
Gurago diat ELITE.kide inportante baten burugaraunen Jan eta haren indar.botera nireganatu, Kretako Labirintoan ZEZENOS MINOTAUROAREKIN egiten eben moduan.