HERRIBILTZA

Independentzia eraikitzen Herri autosufizientzia

Udako topaketak Behorlegin abuztuaren 8tik 14ra: akanpalekua, aterpea, sukalde kolektiboa…

6

Irati Mujika Larreta

Ama. Burujabetzaren alde. Aramaixo

Herribiltza ekimenaren aurkezpenak egin ondoren herrialde ezberdinetan, udako topaketen egitaraua prest da. Jarraian dituzue antolaketa oharrak, behin-behineko egitarau zehatza eta eztabaiden oinarri teorikoak.

Gehienez 100 pertsonarentzako tokia izango denez, topaketetan parte hartzeko izena ahal bezain goiz eman behar da: [email protected]

Antolatzaileek gonbidapena luzatu dute nahi duenak kartela inprimatu eta nahi duen tokian ezar dezan. Uda giroan lagun, txoko eta ideia berriak ezagutu eta harremanetan sakontzeko aukera bikaina!

ANTOLAKETA

  • Topaketak Behorlegi Euskaledonian: akanpalekua, aterbea, sukalde kolektiboa, dutxak eta komun idorrak.
  • Topaketen hasiera: harrera agorrilaren 8an, astelehenez, 11:00.
  • Talde sukaldaritzarako eta garbiketarako lan txandak.
  • Goizeko zortzietan gosaria, ordu batetan bazkaria eta gaueko zortzietan afaria.
  • Gauerdi eta goizeko zortziak artean isiltasuna nahi dutenak errespetatzen.
  • Elikadura: topaketetan jateko prestatuko duguna, hurbileko giza taldean autosufizientzia maila goran ekoizten ahal diren elikagaiekin eginen dugu: artoa, arraultzeak, patata gozoa, manioka, taroa, ignama, kinoa, amaranta, ilarrak, intxaurrak, fruituak, barazkiak… eta igandean sei orduz gerrenean osoki erretako txerrikia !
  • Lehen eguneko (agorrilaren 8a, astelehena) bazkaria eta afaria, bakoitzak etxetik ekartzen. Gosarietan fruituak eskainiko ditugu.
  • Naturalki desegiten ez diren bakoitzak ekarritakoen hondakinak bakoitzak eramaten.
  • Eguraldi oso txarra balitz, teilatu pean lo egiteko aukera egongo da. Bero haundia balitz, jarduera praktikoak goizean eta teorikoak arratsaldean itzalean.
  • Herriko abereek iraganean jasandako erasoengatik, hobe txakurrik ez ekartzea. Txakurrekin datoztenen ardura da zaintzea eta beharrez lotzea.
  • Ahal duenak bizikleta ekar.
  • Badituenak, elgar eskaintzeko haziak ekar.
  • Topaketen bukaera, agorrilaren 14an, igande arratsaldean : bazkalondoan garbiketa.

EGITARAUA ETA OINARRI TEORIKOAK

Agorrilaren 8a, astelehena: MINTZATU

15:00

  • Euskararekiko Herribiltzak duen ikuspegia zehaztea helburu duen idazki proposamen honen inguruko eztabaida.
  • Herribiltzako Euskara Batzordearen sortzea. Helburua: euskararekiko Herribiltzak duen ikuspegia ezagutaraztea.
  • Herribiltzako Itzulpen Batzordearen sortzea. Helburua: Herribiltzaren bilkurentzat eta idatzientzat, edota Herribiltzak antolatzen dituen ekintzentzat, itzulpengintza bermatzea.

18:00

Euskararen aldeko ekintza sinbolikoa Donibane Garazin.

Euskara bizi dadin: Herribiltza

Euskal Herrian euskaraz bizi nahi dugu, hau da, gure eguneroko aktibitate guziak euskaraz egiteko posibilitatea ukan nahi dugu. Hizkuntza batek, bizitzeko, lurralde bat nun lehentasunez eta nagusitasunez erabiltzen den behar du. Frantziar eta Espainiar estatuen konstituzioek eta legeek, eta ondorioz beren instituzio politiko guziek, tartean Herriko Etxeek eta Udalek, Ipar Euskal Herriko Hiri Elkargoak eta Euskadiko eta Nafarroa Garaiko autonomiek, ez dute euskararen biziraupena bermatzen. Konstituzio eta lege bidegabe hauen aldatzea oso oso zaila denez, estatuen menpe diren instituzio politikoen barnetik euskararen biziraupena bermatzea ezinezkoa da, hauteskundeetan irabaziz ere. Gauzak hola, euskararen biziraupena bermatzeko, euskal herriaren konstituzioak eta legeek arautuko dituzten instituzio politiko burujabeak eraiki behar ditugu, erabakitzeko ahalmena herritarron eskuetan izaitea bermatuko dutenak, eta Frantziar eta Espainiar estatuengandik independenteak izango direnak. Herritarrak egiazki erabakitzaileak izaiteko, instituzio politikoak herritarren biltzar burujabeak izan behar dira. Horretarako, Herribiltza, Euskal Herritarren Biltzarren Elkargoa,eraikitzen ari gira.

Euskara Herribiltzan: Euskaraz bizitzeko, lehenik eta nagusiki euskaraz!

Herribiltzan edozoin hizkuntza erabil daiteke, munduko hizkuntza guziak maite ditugulako. Baina lehentasuna eta nagusitasuna euskarari emaiten diogu. Euskara ez dakitenak ikastera gomitatzen ditugu. Euskara ez dakitenentzat batzuetan ahozko zein idatzizko itzulpenak egiten ditugu, baina ez beti, eta ez baitezpada osoki. Erdaldunei, Herribiltzaren bilkurentzat eta idatzientzat, edota Herribiltzak antolatzen dituen ekintzentzat, itzulpengintzaren ardura nagusia hartzea eskatzen diegu : Herribiltzako Itzulpen Batzordean esku hartuz, lagun itzultzaileak bilkuretara edota ekintzetara ekarriz, lagun itzultzaileei idazkien itzulpena eginaraziz, itzulpenerako belarrietako materiala ekarriz… Euskal Herriko erakunde politiko, ekonomiko, sozial eta kultural gehienek, ez diote euskarari lehentasuna eta nagusitasuna emaiten, eta ondorioz gure hizkuntza heriotzera kondenatzen dute. Horregatik, euskaltzale guziak, Herribiltzako kide izaitera gomitatzen ditugu, euskarari lehentasuna eta nagusitasuna emaiten dion Euskal Herri osoko instituzioa baida.

Agorrilaren 9a, asteartea: BEROTU

9:00

  • Hurbileko giza taldearen autosufizientzia berotzekoan gaiarekiko, Herribiltzak duen ikuspegia zehaztea helburu duen idazki proposamen honen inguruko eztabaida.
  • Herribiltzako Autosufizientzia Berotzekoan Batzordearen sortzea.
  • Arbolak landatu.
  • Surako egurraren ekoizpenerako tresna ahal bezain sinpleak ekoiztu.
  • Bizitegi indibidualetan eta kolektiboetan egurrarekin sukaldatzeko eta berotzeko tresna ahal bezain sinpleak ekoiztu.

15:00

  • Surako egurraren ekoizpenerako tresnen behaketa eta erabiltzen ikastea: aizkora, trontza…
  • Egurrarekin sukaldatzeko eta berotzeko tresnen behaketa.

Hurbileko giza taldearen autosufizientzia eraikitzen berotzekoan

Zergatik berotzekoaren eskasia arriskua dugu Euskal Herrian?

Berotzeko egurra egiteko tresnak, makinak eta makina hauendako energia merkatutik datoz. Berotzeko beste energia iturriak (elektrizitatea, gasa…) eta berogailuak merkatutik datoz ere. Merkatuan ekoizpen eta banaketa arazoak baldin badira, merkatutik eskuratzen duguna eskasten ahal da. Merkatuan arazoak sortzen dituzte: gerlek, beroketa klimatikoak, pandemiek, lehengaien (ura, petrolioa, metal urriak…) eta laborantxako lurren agortzeak, kapitalismoaren barne logikak (burtsen gainbehera…), esplotazioak eragindako langileen matxinadek… Azken garaietan merkatuan gero eta arazo gehiago izan da, eta gero eta gehiago izanen direla pentsa daiteke. Berotzekoa ekoizteko bitartekoen prezioak azkarki goititu dira.

Nola berotzekoaren eskasia aurreikus dezakegu Euskal Herrian?

Bizitegi indibidualetan eta kolektiboetan egurrarekin sukaldatzeko eta berotzeko tresna ahal bezain sinpleak ekoiztu. Arbolak landa. Surako egurraren ekoizpenerako tresna ahal bezain sinpleak ekoiztu.

Berotzekoa Euskal Herrian ekoiztearen ondorioak

Berotzekoaren eskasia arriskua ainitz ttipitzen dugu. Berotzeko bitartekoen ekoizpenean, garraioan, erabilpenean, konpoketan, berziklapenean eta desegitean sortzen den kutsadura jendeentzat eta ingurumenarentzat ainitz guttitzen dugu. Behar duguna guhaurek gero eta gehiago ekoiztuz, beste langileen esplotazioa ttipitzen dugu. Kontsumoa ttipitzen dugu, ondorioz lehengaien agortze arriskua ttipitzen dugu, eta ondorioz munduko herritar guzientzat aski lehengai izaiteko posibilitatea haunditzen dugu. Denen osagarria hobetzen dugu.

Berotzekoa munduko herri guziek ekoiztu ahal izaiteko baldintza

Denek lurra, lehengaiak eta ekoizpen bitartekoak erabiltzeko posibilitate berdina ukan behar dugu, hau da, lurra, lehengaiak eta ekoizpen bitartekoak denentzat berdintasunez eskuragarri izan behar dira. Adibidez, bere etxea berotzeko egurra nahi duen orok, oihanetik hartzeko posibilitatea ukan behar du. Lurra, lehengaiak edota ekoizpen bitartekoak eskura dituztenen eta ez dituztenen artean harremanak garatu, dituztenek dutena emaiteko eta ez dituztenek eskas dutena hartzeko: eman eta hartu, hartu eta eman, har eta eman, harreman. Berotzeko bitartekoen prezioen goititzeak eta eskasia arriskuak arranguratzen gaituzte, baina ez gaituzte beldurtzen, eta euskal herritarren artean arriskua aurreikustea pozgarria zaigu.

Agorrilaren 10a, asteazkena: ELIKATU

9:00

  • Hurbileko giza taldearen autosufizientzia elikaduran gaiarekiko, Herribiltzak duen ikuspegia zehaztea helburu duen idazki proposamen honen inguruko eztabaida.
  • Herribiltzako Autosufizientzia Elikaduran Batzordearen sortzea.
  • Elikagaiak hurbileko giza taldean ahal bezainbat ekoiztu;
  • Elikagaiak ekoizteko bitarteko ahal bezain sinpleak erabil; tresna horiek ahal bezain hurbil ekoiztu;
  • Hazien Euskal Herriko elgar eskaintza sarea sortu.
  • Elikagaien ekoizpenerako jakitateen Euskal Herriko elgar eskaintza sarea sortu.

15:00

  • Autosufizientziarako baratzeen behaketa ;
  • Baratzerako tresnen behaketa;
  • Hazi elgar eskaintza.

18:00

Denek lurra, lehengaiak eta ekoizpen bitartekoak erabiltzeko posibilitate berdina ukaiteko elgarretaratzea Donibane Garazin.

Hurbileko giza taldearen autosufizientzia eraikitzen elikaduran

Zergatik janari eta ur edangarri eskasia arriskua dugu Euskal Herrian?

Euskal Herrian jaten dugun gehiena ez dugu Euskal Herrian ekoizten; kanpotik dator, merkatutik eskuratzen dugu. Euskal Herrian ekoizten ditugun janaria eta ur edangarria ekoizteko, nagusiki kanpoko merkatutik datozen ekoizpen bitartekoak erabiltzen ditugu: haziak, janaria abereendako, tresnak eta makinak, energia sukaldatzeko eta makinak ibilarazteko… Ekoizten dugun janaria kontserbatzeko ere, merkatutik datozen bitartekoak erabiltzen ditugu: hozgailua, hormagailua, esterilizatzeko tresnak… Merkatuan ekoizpen eta banaketa arazoak baldin badira, merkatutik eskuratzen duguna eskasten ahal da. Merkatuan arazoak sortzen dituzte: gerlek, beroketa klimatikoak, pandemiek, lehengaien (ura, petrolioa, metal urriak…) eta laborantxako lurren agortzeak, kapitalismoaren barne logikak (burtsen gainbehera…), esplotazioak eragindako langileen matxinadek… Azken garaietan merkatuan gero eta arazo gehiago izan da, eta gero eta gehiago izanen direla pentsa daiteke. Janariaren eta janaria eta ura ekoizteko bitartekoen prezioak azkarki goititu dira. Pandemia garaian saltegietan elikagai batzu eskastu dira.

Nola janari eta ur edangarri eskasia aurreikus dezakegu Euskal Herrian?

  • Jaten duguna ahal bezainbat hurbileko giza taldean ekoiztu.
  • Janaria eta ura ekoizteko bitarteko ahal bezain sinpleak erabil. Tresna horiek ahal bezain hurbil ekoiztu.
  • Haziak elgar eskaini.
  • Elikagaien ekoizpenerako jakitateak elgar eskaini.
  • Jaten ditugun abereen janaria Euskal Herrian ekoiztu.
  • Erreketako eta iturrietako uraren kalitatea zaindu.
  • Itsasoko uraren kalitatea eta arrain kopurua zaindu.

Janaria eta ur edangarria autosufizientzian Euskal Herrian ekoiztearen ondorioak

Janari eta ur eskasia arriskua ainitz ttipitzen dugu. Janariaren eta uraren ekoizpenean eta garraioan sortzen den kutsadura jendeentzat eta ingurumenarentzat ainitz guttitzen dugu. Behar duguna guhaurek gero eta gehiago ekoiztuz, beste langileen esplotazioa ttipitzen dugu. Kontsumoa ttipitzen dugu, ondorioz lehengaien agortze arriskua ttipitzen dugu, eta ondorioz munduko herritar guzientzat aski lehengai izaiteko posibilitatea haunditzen dugu. Denen osagarria hobetzen dugu.

Janaria eta ur edangarria munduko herri guziek ekoiztu ahal izaiteko baldintza

Denek lurra, lehengaiak eta ekoizpen bitartekoak erabiltzeko posibilitate berdina ukan behar dugu, hau da, lurra, lehengaiak eta ekoizpen bitartekoak denentzat berdintasunez eskuragarri izan behar dira. Adibidez, bere elikagaiak ekoizteko lurra nahi duen orok, lurra lantzeko posibilitatea ukan behar du. Lurra, lehengaiak edota ekoizpen bitartekoak eskura dituztenen eta ez dituztenen artean harremanak garatu, dituztenek dutena emaiteko eta ez dituztenek eskas dutena hartzeko: eman eta hartu, hartu eta eman, har eta eman, harreman. Janariaren eta uraren prezioen goititzeak eta eskasia arriskuak kezkatzen gaituzte, baina ez gaituzte beldurtzen, eta euskal herritarren artean arriskua aurreikustea pozgarria zaigu.

Agorrilaren 11a, osteguna: SENDATU

9:00

  • Hurbileko giza taldearen autosufizientzia sendaketan gaiarekiko, Herribiltzak duen ikuspegia zehaztea helburu duen idazki proposamen honen inguruko eztabaida.
  • Herribiltzako Autosufizientzia Sendaketan Batzordearen sortzea.
  • gure osagarria gehiago zaindu: hobeki jan, jarduera fisikoa egin, osasun mentala zaindu, ongi arnastu, urduritasuna ttipitu…
  • sendagaiak eta sendagailuak (sendatzeko tresnak) ekoiztu.
  • hurbileko ospitale autonomoak eraiki.

15:00

  • Lan fisikoa osasungarria izaiteko, lana egiterakoan gorputza malgutzeko eta indartzeko teknikak: beroketak, gorputzaren posizioa, lan mugimendu egokiak, luzaketak…
  • Arnasketa ariketak.

Hurbileko giza taldearen autosufizientzia eraikitzen sendaketan

Zergatik sendagai eta sendagailu eskasia arriskua dugu Euskal Herrian?

Euskal Herrian behar ditugun sendagaiak eta artatzeko tresnak nagusiki kanpoko merkatutik datoz. Euskal Herrian ekoizten ditugun sendagaien ekoizteko, nagusiki kanpoko merkatutik datozen ekoizpen bitartekoak erabiltzen ditugu: landareak, produktu kimikoak, tresnak eta makinak, energia makinak ibilarazteko… Merkatuan ekoizpen eta banaketa arazoak baldin badira, merkatutik eskuratzen duguna eskasten ahal da. Merkatuan arazoak sortzen dituzte: gerlek, beroketa klimatikoak, pandemiek, lehengaien (ura, petrolioa, metal urriak…) eta laborantxako lurren agortzeak, kapitalismoaren barne logikak (burtsen gainbehera…), esplotazioak eragindako langileen matxinadek… Azken garaietan merkatuan gero eta arazo gehiago izan da, eta gero eta gehiago izanen direla pentsa daiteke. Sendagai batzuen eta arten prezioak goititu dira.

Nola sendagaien eta sendagailuen eskasia aurreikus dezakegu Euskal Herrian?

  • Gure osagarria gehiago zaindu: hobeki jan, jarduera fisikoa egin, osasun mentala zaindu, ongi arnastu, urduritasuna ttipitu…
  • Sendagaiak eta sendagailuak ekoiztu.
  • Hurbileko ospitale autonomoak sortu.

Sendagaiak eta sendagailuak Euskal Herrian ekoiztearen ondorioak

Sendagaien eta sendagailuen eskasia arriskua ainitz ttipitzen dugu. Sendagaien eta sendagailuen ekoizpenean, garraioan, erabilpenean, berziklapenean eta desegitean sortzen den kutsadura jendeentzat eta ingurumenarentzat ainitz guttitzen dugu. Behar duguna guhaurek gero eta gehiago ekoiztuz, beste langileen esplotazioa ttipitzen dugu. Kontsumoa ttipitzen dugu, ondorioz lehengaien agortze arriskua ttipitzen dugu, eta ondorioz munduko herritar guzientzat aski lehengai izaiteko posibilitatea haunditzen dugu. Denen osagarria hobetzen dugu.

Sendagaiak eta sendagailuak munduko herri guziek ekoiztu ahal izaiteko baldintza

Denek lurra, lehengaiak eta ekoizpen bitartekoak erabiltzeko posibilitate berdina ukan behar dugu, hau da, lurra, lehengaiak eta ekoizpen bitartekoak denentzat berdintasunez eskuragarri izan behar dira. Adibidez, sendabelarrak erein nahi dituen orok, lurra lantzeko posibilitatea ukan behar du. Lurra, lehengaiak edota ekoizpen bitartekoak eskura dituztenen eta ez dituztenen artean harremanak garatu, dituztenek dutena emaiteko eta ez dituztenek eskas dutena hartzeko: eman eta hartu, hartu eta eman, har eta eman, harreman. Sendagaien eta arten prezioen goititzeak eta eskasia arriskuak arranguratzen gaituzte, baina ez gaituzte beldurtzen, eta euskal herritarren artean arriskua aurreikustea pozgarria zaigu.

Agorrilaren 12a, ostirala: GARRAIATU

9:00

  • Hurbileko giza taldearen autosufizientzia garraioan gaiarekiko, Herribiltzak duen ikuspegia zehaztea helburu duen idazki proposamen honen inguruko eztabaida.
  • Herribiltzako Autosufizientzia Garraioan Batzordearen sortzea.
  • Garraiobide ahal bezain sinpleak Euskal Herrian ekoiztu:
  • Zapatagintza 
  • Zaldien eta astoen hurbileko hazkuntza eta garraiorako tresnen ekoizpena 
  • Orgen ekoizpena 
  • Bizikleten ekoizpena eta konponketa

15:00

  • Bizikleten konpontzeko tailerra.

18:00

  • Bizikletendako bideak eskatzeko, Garaziko itzulia bizikletaz.

Hurbileko giza taldearen autosufizientzia eraikitzen garraioan

Zergatik garraiobide eskasia arriskua dugu Euskal Herrian?

Euskal Herrian erabiltzen ditugun garraiobide gehienak ez ditugu Euskal Herrian ekoizten, kanpotik datoz, merkatutik eskuratzen ditugu: oinetakoak, bizikletak, autoak… Euskal Herrian ekoizten ditugun garraiobideak (autobusak, treinak…) ekoizteko, nagusiki kanpoko merkatutik datozen ekoizpen bitartekoak erabiltzen ditugu: lehengaiak, makinak, makinak ibilarazteko energia… Erabiltzen ditugun garraiobideak ibilarazteko ere, kanpoko merkatutik datorren energia erabiltzen dugu: petrolioa, elektrizitatea… Merkatuan ekoizpen eta banaketa arazoak baldin badira, merkatutik eskuratzen duguna eskasten ahal da. Merkatuan arazoak sortzen dituzte: gerlek, beroketa klimatikoak, pandemiek, lehengaien (ura, petrolioa, metal urriak…) eta laborantxako lurren agortzeak, kapitalismoaren barne logikak (burtsen gainbehera…), esplotazioak eragindako langileen matxinadek… Azken garaietan merkatuan gero eta arazo gehiago izan da, eta gero eta gehiago izanen direla pentsa daiteke. Garraiobideen eta garraiobideak ekoizteko eta ibilarazteko bitartekoen prezioak azkarki goititu dira. Lehengai batzu eta energi iturri batzu eskasten ari dira.

Nola garraiobide eskasia aurreikus dezakegu Euskal Herrian?

Garraiobide ahal bezain sinpleak Euskal Herrian ekoiztu:

  • Zapatagintza ;
  • Zaldien eta astoen hurbileko hazkuntza eta garraiorako tresnen ekoizpena ;
  • Orgen ekoizpena ;
  • Bizikleten ekoizpena eta konponketa.

Garraiobideak Euskal Herrian ekoiztearen ondorioak

Garraiobide eskasia arriskua ainitz ttipitzen dugu. Garraiobideen ekoizpenean eta erabilpenean sortzen den kutsadura jendeentzat eta ingurumenarentzat ainitz guttitzen dugu. Behar duguna guhaurek gero eta gehiago ekoiztuz, beste langileen esplotazioa ttipitzen dugu. Kontsumoa ttipitzen dugu, ondorioz lehengaien agortze arriskua ttipitzen dugu, eta ondorioz munduko herritar guzientzat aski lehengai izaiteko posibilitatea haunditzen dugu. Denen osagarria hobetzen dugu.

Garraiobideak munduko herri guziek ekoiztu ahal izaiteko baldintza

Denek lurra, lehengaiak eta ekoizpen bitartekoak erabiltzeko posibilitate berdina ukan behar dugu, hau da, lurra, lehengaiak eta ekoizpen bitartekoak denentzat berdintasunez eskuragarri izan behar dira. Adibidez, garraiorako zaldien hazkuntzarako lurra nahi duen orok, lurra erabiltzeko posibilitatea ukan behar du. Lurra, lehengaiak edota ekoizpen bitartekoak eskura dituztenen eta ez dituztenen artean harremanak garatu, dituztenek dutena emaiteko eta ez dituztenek eskas dutena hartzeko: eman eta hartu, hartu eta eman, har eta eman, harreman. Garraiobideen prezioen goititzeak eta eskasia arriskuak kezkatzen gaituzte, baina ez gaituzte beldurtzen, eta euskal herritarren artean arriskua aurreikustea pozgarria zaigu.

Agorrilaren 13a, larunbata: ANTOLATU

9:00

  • Hurbileko giza taldearen autosufizientzia eraikitzen antolaketan.
  • Txiapaseko herri zapatisten autogobernuaz Herribiltzak duen ikuspegia zehaztu.
  • Kurdistango herrien Konfederalismo Demokratikoaz Herribiltzak duen ikuspegia zehaztu.
  • Herribiltzaren izaera zehaztea helburu duten idazki proposamenen inguruko eztabaida.

15:00

  • Herri zapatisten eta Herribiltzaren arteko harremanetarako Batzordearen sortzea.
  • Kurdistango herri autonomoen eta Herribiltzaren arteko harremanetarako batzordearen sortzea.
  • Herribiltzako Komunikazio batzordearen sortzea. Helburua : barne eta kanpo komunikazioa.
  • Barne komunikazioa: web orria.
  • Kanpo komunikazioa: aktualitateari lotuz, Herribiltzaren beharra aldarrikatu eta jendarteko erakundeei Herribiltza ezagutarazi.
  • Herribiltzaren Hiritik Herrira Batzordearen sortzea. Helburua : munduaren oreka ekologikorako, hirietatik herri autosufizienteetara jende ainitz bizitzera joan behar litzatekeenez, hiritarrak herrietara bizitzera joaiteko baldintzak sortu.
  • Herrialdeka bildu eta Herrialdeetako Biltzarrak sortu.

Independentzia eraikitzen!

Frantziar eta Espainiar estatuen konstituzioek eta legeek, eta ondorioz beren instituzio politiko guziek, tartean Herriko Etxeek eta Udalek, Ipar Euskal Herriko Hiri Elkargoak eta Euskadiko eta Nafarroa Garaiko autonomiek, ez diote euskal herritarren, frantziarren, espainiarren eta munduko herritarren egoera sozial eta ekologiko kezkagarriari alternatibarik eraikitzen; bereziki, ez dute bermatzen:

  • Herritarrak egiazki erabakitzaileak izaitea;
  • Genero ezberdinetako jendeen botere berdintasuna;
  • Langileen pobrezia eza eta esplotazio eza;
  • Hizkuntza ainiztasuna.

Konstituzio eta lege bidegabe hauen aldatzea oso oso zaila denez, estatuen menpe diren instituzio politikoen barnetik euskal herritarron nahi eta beharrak asetzea ezinezkoa da, hauteskundeetan irabaziz ere.

Gauzak hola, gure nahi eta beharrak asetzeko, euskal herriaren konstituzioak eta legeek arautuko dituzten instituzio politiko burujabeak gu haurek eraiki behar ditugu, erabakitzeko ahalmena herritarron eskuetan izaitea bermatuko dutenak, eta Frantziar eta Espainiar estatuengandik independenteak izango direnak. Herritarrak egiazki erabakitzaileak izaiteko, instituzio politikoak herritarren biltzar burujabeak izan behar dira. Horretarako, Herribiltza, Euskal Herritarren Biltzarren Elkargoa, eraikitzen ari gira.

Herribiltza, Euskal Herritarren Biltzarren Elkargoa eraikitzen

Herribiltza, Euskal Herritarren Biltzarren (batzarren, asanbladen) Elkargoa (federazioa), euskal herritarron biziei buruz erabakitzeko boterea egiazkiz gure eskuetan izaitea bermatu nahi duen Euskal Herri osoko erakundea (instituzioa) da, egiazko demokrazia bermatu nahi duena beraz. Herribiltzan edozoin hizkuntza erabil daiteke, baina lehentasuna eta nagusitasuna euskarari emaiten diogu. Oinarrizko Biltzarra, herri, auzo, eraikin edo karrika baten auzotar hamarkada batzuek osatzen dute. Biltzarrak, auzotar adingabe bat noiz biltzarkide bilakatzen ahal den erabakitzen du.

Biltzarran, kideen biziei, beharrei, nahiei, pozei, bihozminei eta arazoei buruzko eztabaidak egiten dira, eta biziko arlo guzietan gure nahiak eta beharrak gu haurek asetzeko, ekintza politiko, poetiko, ekologiko, sozial, kultural eta ekonomikoak gauzatzeko erabakiak hartzen dira.

Biltzarrak, biltzarkideen arteko adostasuna lortzeko ahaleginak egiten ditu. Lortzen ez duelarik, erabaki bat biltzarkide guziei behartzeko, erabakiak guttienez esku hartzaileen bi herenen onespena behar du.

Biltzarrak, bere erabakiak gauzatzeko, nahi duten biltzarkideei egin behar zehatzak agintzen dizkie. Egin behar zehatza, biltzarrarentzat erabaki batzuk hartzea izan daiteke, baina soilik premiazko egoeretan edo jokoan dena ez delarik garrantzi haundikoa edota itzuliezina.

Agindurik gabe ere, biltzarkideek bi bilkuren artean biltzarrarentzat erabaki batzuk har ditzazkete, baina soilik premiagatik edo jokoan dena ez delarik garrantzi haundikoa edota itzuliezina.

Arazo bat ezin delarik Oinarrizko Biltzarran konpondu edota jokoan denak Oinarrizko Biltzarraren lurraldea gainditzen duelarik, lurralde zabalagoko (haran, herri haundi edo hiriko auzo) Oinarrizko Biltzarren artean elkarlana egiten da. Elkarlana, zuzenki oinarrizko biltzarren artean egiten da edota Oinarrizko Biltzarrak elkartzen dituen Lehen Hedadurako Biltzarren Biltzarran.

Oinarrizko Biltzarrek, Lehen Hedadurako Biltzarren Biltzarrerako guttienez bi bozeramaile hautatzen dituzte, ahalaz genero eta belaunaldi ezberdinetakoak. Oinarrizko Biltzarrak, bozeramaileak aldizkatzeko ahaleginak egiten ditu eta edozein unetan alda ditzake. Bozeramaileek, Oinarrizko Biltzarraren boza (erabakiak) Biltzarren Biltzarrera eramaiten dute, eta Biltzarren Biltzarraren boza (proposamenak) Oinarrizko Biltzarrera eramaiten dute. Erabakitzeko boterea beraz, lurralde hedadura txikieneko biltzarran gelditzen da beti.

Lehen Hedadurako Biltzarren Biltzarra, Oinarrizko Biltzarren bozeramaile hamarkada batzuek osatzen dute; biltzarkideen arteko adostasuna lortzeko ahaleginak egiten ditu. Lortzen ez duelarik, proposamen bat Oinarrizko Biltzarrei egiteko, proposamenak guttienez esku hartzaileen bi herenen onespena behar du.

Arazo bat ezin delarik Lehen Hedadurako Biltzarren Biltzarran konpondu edota jokoan denak biltzar honen lurraldea gainditzen duelarik, lurralde zabalagoko (eskualde edo hiri) Oinarrizko Biltzarren artean elkarlana egiten da. Elkarlana, zuzenki lurralde zabalagoko Oinarrizko Biltzarren artean egiten da, edo lurralde zabalagoko Oinarrizko Biltzarrak elkartzen dituen Bigarren Hedadurako Biltzarren Biltzarran.

Bigarren Hedadurako Biltzarren Biltzarra, Oinarrizko Biltzarren bozeramaile hamarkada batzuek osatzen dute. Finkatutako bozeramaile kopuruaren arabera, Oinarrizko Biltzar bakoitzak hautatu behar dituen bozeramaile kopurua finkatzen da.

Euskal Herriko Biltzarren Biltzarrerarte, Oinarrizko Biltzarren arteko elkarlana, Oinarrizko Biltzarrak elkartzen dituzten hedadura gero eta zabalagoetako biltzarren biltzarretan (hirugarrenekoa, laugarrenekoa…) egiten da.

Herribiltzak eraikitzen duen jendartearen oinarri sozial eta ekonomikoak hauek dira:

  • Genero ezberdinetako jendeen botere berdintasuna izaitea;
  • Langileen esplotaziorik ez izaitea; lankidetzazko eta elgar laguntzazko harreman sozialak izaitea;
  • Bizitzeko behar ditugun gauzak ukaiteko posibilitate berdina ukaitea denek: bizitegia, jantziak, elikagaiak, energia, sendagaiak…

Biltzarren eta batzordeen ibilmoldea

Batzordeak

Batzordeak biltzarrentzat proposamen egileak dira, ez erabakitzaileak, eta biltzarren ibilmolde berdina dute.

Lurralde hedadura ezberdinetako batzordeen arteko elkarlana, lurralde hedadura ezberdinetako biltzarren arteko elkarlana bezala egiten da.

Batzorde bat, denei irekia izan daiteke edo sortzen dutenek nori ireki erabaki dezakete, hurbiltasunez (afinitatez) osatutako batzordeak eraginkorragoak izan daitezkelako.

Biltzarren eta batzordeen bilkuren eraginkortasunerako, denen ardura da:

  • Finkatutako egitarauaren ordutegia errespetatzea
  • Bakoitzak erraiten duena eztabaidagaiari hertsiki lotua izan behar dela gogoratzea.

Herribiltza eraikitzeko urratsak

1) Egitasmo honi batu nahi duten norbanakoei eta Euskal Herrian jada existitzen diren nahi duten biltzarrei, Herribiltzako kideak izaiteko gomita luza.

2) Euskal Herriko lurralde hedadura guzietan, ber unean biltzarrak sortu: herri, auzo, eraikin, karrika, haran, herri haundi, hiriko auzo, eskualde, hiri, herrialde eta Euskal Herria. Biltzar bat bi lagunen artean abia daiteke.

3) Euskal Herriko lurralde hedadura guzietan, biziko arlo guzietan gure nahiak eta beharrak gu haurek asetzeko batzordeak sortu: lana, bizitegia, energia, elikadura, lurra, osagarria, zaintza, justizia, autodefentsa, hezkuntza, ingurumena…

4) Batzorde guzi hauek hunkitzen dituzten arloetan Herribiltzatik kanpo jada lanean dihardutenak (elkarteetan, alderdietan, mugimenduetan, instituzioetan…), Herribiltzaren batzordeetako eta biltzarretako kide izaitera gomita.

Agorrilaren 14a, igandea: OSPATU

9:00

Aitzineko sei egunen laburpena.

13:00

Herri bazkaria: sei orduz gerrenean osoki erretako txerrikia.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

6 erantzun “Independentzia eraikitzen Herri autosufizientzia” bidalketan

  1. Horra etorkizun duin baterako abiapuntua. Hemen dago gakoa. Eraiki dezagun bizitza gure burmuin eta eskuekin!

  2. Eta Gure arbasoen pentsaera islatzea eta barneratzea lortzen duguna Sistematik aparteko mundu.alternatiba global horretan.

    Adibidez,. LEINUA
    ABASOLOA Leinuaren heredadea (soloa…);

    JENTILITATEA (Leinuen Batura); et.abar

  3. adibidez, Euskal pentsaera aberatsean,

    ABA/AMA, LEINUA Bera da,

    AITAZ/AYTE, “tribua”, bereber AIT, guantxe ATXA.

    AMA, AITA erroek EZ DUTE GENERORIK, ezta GIZA… ez BESTE eZeinek ere.

    ESNE +ZI.ENE (ene esnea, ene ditietako isuria.. .)

    etc

  4. BEHORLEGI

    BEH.ORO.en.LEH.an.EGI

    …BEHE.ORO.en.LEA.an. HEGI

    “ORI MENDIKO BEHE HEGIAKO ESPARRUA” Edo “HEGIAKO (an.HEGIA) beheko Esparrua (BEHE.LEH.”

  5. Otorramont”ORI MENDIKO (ORO.en) BEHEKO ESPARRUA (EH.LEH.anua)

    Cf. OROS/ORO (gr.) “mendia”

    ANUA (mediterranio), “montorra”

Utzi iruzkina, izen eta abizenez

Azken artikuluak