Hara Herribiltzak zabaldu duen agiria:
Pirineo Atlantikoetako Kontseilu Nagusiak eta Donibane Garaziko Herriko Etxeak entzungor egiten dutenez, euskarari dagokion tokia emaiteko auzolanari lotu gatzaizkio: agorrilaren 9ko ekintzari (ikus: http://independentea.eus/euskaraz-bizitzeko-lehenik-eta-nagusiki-euskaraz/) jarraipena emanez, euskarari lehentasuna emaiteko, Donibane Garaziko sarrera berri batean herriaren izenaren bide bazterreko taulen toki aldaketa egin dugu. Auzolan honen denboran hamar bat jendarme bertaratu dira eta gelditzea eskatu digute, baina gure lana bururaino eraman dugu.
Bestalde, euskaltzale guziak irailaren 8an, ostegunez, 17:30etan, Donibane Garaziko merkatuan elgarretaratzera deitzen ditugu.
Egun eta toki horretan, 18:00etan, Eusko Jaurlaritzak, Euskal Elkargoak eta Donibane Garaziko Herriko Etxeak, Euskal Diasporaren Eguna antolatzen dute.
Elgarretaratzean, erakunde hauek euskarari lehentasuna eta nagusitasuna ez diotela emaiten, eta ondorioz desagertzera kondenatzen dutela, salatuko dugu. Horren azken froga: agorrilaren 9an tokiz aldatu genituen taulak, berriki berriz tokiz aldatu dituzte, frantsesezko izena berriz gainean ezarriz eta euskarazkoa azpian! Alta, diaspora euskal egiten duena, euskara da!
Lehenik eta nagusiki euskaraz!
Ofizializazioa Orain!
Herribiltza
Donibane Garazi, 2022.09.03
