Abuztuaren 9ko ekintzaren segida: Euskarari lehentasuna emaiteko, Donibane Garaziko sarrera berri batean, herriaren izenaren bide bazterreko taulen toki aldaketa eginen dugu: Lehenik eta nagusiki euskaraz!
Pirineo Atlantikoetako Kontseilu Nagusiak eta Donibane Garaziko Herriko Etxeak entzungor egiten dutenez, euskarari dagokion tokia emaiteko auzolanari lotzen gatzaizkio: Ofizializazioa Orain!
Euskaltzale guzier, ongi etorri!
Herribiltza
Abuztuaren 9ko ekintza
https://www.argia.eus/albistea/euskara-lehenestearen-aldeko-ekintza-burutu-dute-donibane-garazin
Gure eskaeraren mamia eta kronologia
Lehendik argitaratutakoa irakurri.
Agorrilaren 9an, Pirineo Atlantikoetako departamenduko Kontseilu Nagusia eta Donibane Garaziko Herriko etxea ez direnez gurekin harremanetan sartu, euskarari dagokion tokia emaiteko lanari lotu gatzaio. Donibane Garaziko sarreran, herriaren izenaren taulak tokiz aldatu eta gainean euskarazkoa eta azpian frantsesezkoa ezarri ditugu.
Agorrilaren 16an, Donibane Garaziko herriko etxeari eta Pirineo Atlantikoetako departamenduko Kontseilu Nagusiari ondoko mezua igorri diegu:
Joan den ekainaren 19an igorri ginizuen eskaerari ez diguzuenez erantzun, euskarari dagokion tokia emaiteko lanari lotu gatzaio. Agorrilaren 9an, Donibane Garaziko sarreran, herriaren izenaren taulak tokiz aldatu eta gainean euskarazkoa eta azpian frantsesezkoa ezarri ditugu.
Berriz ere eskatzen dizuegu, Ipar Euskal Herriko bideetan, herrien sarreran, herrien izenaren ahozkera euskaraz eta frantsesez berdina edo berdintsua delarik, bakarrik euskarazko idazkeraren taula uztea, eta ahozkera edota izena ezberdinak direlarik, gainean euskarazkoa eta azpian frantsesezkoa ezartzea.
Eskaera honetaz elgarrekin mintza giten, bilkura bat egitea proposatzen dizuegu.
Zuen erantzunaren zai, har itzazue gure agurrik euskaltzaleenak.
