Nabarralde elkarteak urteak daramatza gure memoria kolektiboa berreskuratzeko eta ezagutzeko ahaleginean. Elkarte horren zale naizen aldetik, prentsa-ohar honen bidez hitzaldi ziklo baten berri ematera nator.
Prentsa-oharra:
“Bizkaiaren memoria galdua” hitzaldi zikloa
ZERGATIK ANTOLATZEN DUGU HITZALDI ZIKLO HAU?
Nafarroa eta Bizkaia, Bizkaia eta Nafarroa. Elkar ulertu beharko luketen bi kontzeptu historiko; historian zehar, aldiz, pendulu baten antzera etengabean elkarrengandik hurbildu eta urrundu egin direnak. Zer gertaera historikok markatu dute harreman hori? Zein izan da Bizkaiaren parte-hartzea euskal historian zehar planteatu edo garatu diren proiektu politiko anitzetan? Nola ulertzen ditugu gaur egun “Foruak”, eta zer eginkizun izan dute gure bilakaera historikoan?
Soilik gure iraganaz jabetuz gero gure etorkizunaren jabe izango garelako, Bizkaian gure historia berreskuratzeko ahalegina egin nahi dugu, hitzaldi nahiz mahai inguru sorta baten bitartez. Ikuspuntu nahiz arlo ezberdinetatik abiatuta, gure gaurko errealitate kultural, sozial nahiz politikoaren erroak gogorarazteko.
Hitzaldi guztiak 2024ko apiriletik azarora bitartean izango dira, Bilboko “La Bolsa” Gizarte Etxean (Pilota/Pelota, 10 – BILBO).
EGITARAUA:
- Apirilak 25, osteguna – 19:00. Hitzaldia (gazteleraz). Iñaki Sagredo: “El sistema defensivo navarro en Bizkaia”
- Maiatzak 23, osteguna – 19:00. Hitzaldia (euskaraz). Aitzol Altuna: “Bizkaia eta Bilbo Nafarroako Erresuman”
- Irailak 26, osteguna – 19:00. Hitzaldia (gazteleraz). Odón Ulibarrena: “Trayectoria del Derecho a Decidir de los nativos pirenaicos”
- Urriak 24, osteguna – 19:00. Hitzaldia (euskaraz). Joseba Agirrezkuenaga: “Euskal Gobernu eta Estatu foralaren sorrera eta egituraketa, “Irurac bat” (1800-1877)”
- Azaroak 23, larunbata – 11:00. Mahai-ingurua. “Zuzenbide Piriniarra, Bizkaiko eta Nafarroako foruen jatorria”. Mahai-inguruaren ondoren bazkari bat antolatuko da. Bazkaldu nahi izatekotan, izena eman behar da.
Bazkarirako izen-ematea eta informazio gehiago hemen:
