Hiru printzipio: espabila, ez egin kasu inori eta egin behar duzuna egizu

Eliteak herritarren kontra

Aspaldi da pandemia ostean ekonomiaz zertxobait dakien lagun-ezagun batek honakoa esan zidanetik: “Eliteak herritarren kontra ari dira”, eta nik “globalki” gehituko nioke; ez dago, jada, non ezkutatu.

Arrazoiak ugariak izan daitezke, baina esaldia ontzat eta serio hartzeko motiboak ditut nik behintzat. Ikusi nahi ez duenari esango nioke, besteak beste, munduan jende gehiegitxo gaudela munduko jabeentzat, haiei jendetza hori guztiz kontrolatzea ezinezkoa gerta dakiekeelako egoera sozial nahasi eta orokortu batean. Edo mundua toki mugatua dela, erregaiak falta daitezkeela egungo kontsumoa mantentzeko eta, adimen artifizialarekin eta robotikarekin, kapitalak lehen produkziorako behar zuen lan eskua ere ia soberan duela. Hau guztia lur oparoa da aurrez aipaturiko egoera sozial nahasi eta orokortu baterako.

Nire garai bateko filosofia irakasle kuttunak ere halaxe esaten zigun, boterea duenak lan bakarra duela, boterean mantentzea alegia, eta gaur-gaurkoz hortan dabiltza buru-belarri.

Irakurtzen jarraitu nahi duenarentzat, tori bi artikulu interesgarri, munduak jabe konkreturik ba ote duen, edo haiek zertan dabiltzan eta zein intentziorekin, “usain” hartzeko. Inork hor ageri diren datuak gezurtatzen badizkit, pozik ordainduko nioke Getariako erretegi batean bi lagunentzako afaria (gonbidatuetako bat ni izango nintzateke noski): Vanguard & Backrock: ¿Dictadura mundial encubierta bajo la coartada democrática?

Nik ere bestelako mundu bat nahiko nuke, “konspiranoia” gutxiagokoa, baina kontrakorik demostratu ezean, zoritxarrez, hau da bizitzea tokatu zaiguna.

Honaino, munduan ze haize dabilen ikusi nahi ez duen horrentzat.

Eta zer esan haizea “usaindu” baina, tira, antolatzen ez den kideari? Ba, hasteko eta behin, behar zaitugula, eta bigarren, faltan hartzen zaitugula.

Oscar Terolek bideo eder batean “zure bizitza” aldatuko duten hiru printzipio aipatu zituen:

ESPABILAAAAAAAA!!!!!!

Har dezagun arnasa sakon…
EZ EGIN KASU INORIIIIII!!!!!!

Beste arnas sakon bat, loto lore eran…
ZER EGIN BEHAR DUZUN BALDIN BADAKIZU, BA EGIN EZAZU!!!!

Izan ere, espiritualtasuna eta haragia ez baitira bateraezinak. Gehiago esango nuke; gorpuztu gabeko espiritualtasunean ez dut sinesten.

Jo, baina zer egin dezaket ba nik? Ezer egin al dezakegu bada? Ba noski! Gauza piloa egin ditzakegu eta egiteke ditugu ultrafondoko lasterketa honetan: joan poliki, urrutira goaz eta!

Tori proposamen bat: zerbait egin, berdin du txikia bada ere, eta egindakoan OSPATU!!! Bizitza jardun, OSPATU eta gero deskantsu hartzeko zerbait dela uste dut, zikloa era orekatu batean errepikatzen joateko.

Jarduna, gaur egun, gure eta gure ondorengoen ASKATASUNAREN alde jardutea dela uste dut. Eta askatasuna burujabetzari dagokio, burujabetza KOLEKTIBOAri baina. Ni, zuek gabe, ez bainaiz ezer.

Kolektiboki eraiki beharko genuke, beraz, Burujabetza.

Eta ze arlotan antolatu beharko genuke?

Maslowen piramideak gure beharren hurrenkera argi uzten digu. Esango nuke hau dela munduko eliteen mapa. Beraiek berdina darabiltela esan genezake, baina menpekotasuna bultzatzeko.

Oinarrian bizirauteko behar dugun guztia dago. Hori beraien esku baldin badago, pentsa nolako panorama daukagun. Horregatik dago orain halako oldarraldia administraziotik lehen sektorearen aurka. Ba… gutako bakoitzak gure inguruko elikadura ekoizleak babesten hasi beharko genuke. Gero, kontzientzia horrekin, elkar saretzen eta ahal dela lurrak, produktoreak, produktuak eta proiektuak laguntzen jarraitu beharko genuke, lan eginez edo dirua emanez proiektu horiei.

BARATZEAK behar ditugu non-nahi! Eta gure HAZIEN zaintza!!!

Kontu egin duela hiru urte baino dexente DIRU GUTXIAGO daukagula gure patriketan (hau ere kasualitatea izango da!).

Tori eskualderako eta eurotan funtzionatu nahi ez duen elikagai gunean egindako piper-kontserba eta gunearen auzolanaren emaitzak iruditan. Ospatu genuen; hurrengoan hobeto seguru, eta orain deskantsatzera…

Zer jan izanda, non lo egina eta antolatuta egonda, bizitza norekin konpartitua izanda, Maslowen lehen hiru mailak gureak dira. Ez al daude kontu hauek guztiak gure eskura? ANIMO bada!

Beste ekintza batzuk, poliki bada ere izendatzen eta gorpuzten hastekoak, hauek izan daitezke:

Ekonomia

Zor publikoa darabil gure “administrazioak” zeharka, administrazioak beti zeharka egiten baitu bere jarduna hitz politez jantzita, herritarren kontrako jardunerako. Mesedez, 2023ko errenta aitorpenean “ordaintzera” aterako zaiola uste duenak egin diezaiola orain, mesedez, intsumisio fiskalera iritsi gabe ere, DONAZIO bat abendua amaitu aurretik, Inmanentis Eliza, Bizitza, Iraun kanala, Ekai Center, Dulce Revolución edo HERRITARREN ALDE dabilen edozein elkarteri. Fundazioek edo Elizek desgrabatzen laguntzen dute. Ildo honetan gaderak dituenak galde diezagula, plazer handiz lagunduko diogu-eta.

Kontuan izan laster dirua digitalizatuko digutela, alegia, sistemak fiskalizatu eta grabatuko dituela gure transakzio guztiak (mugatu ere bai agian…). Ez al dira HERRIGINTZAKO hainbat eta hainbat proiektu finantzatu esku-diruari esker? Nola jardun dena administraziopean bada? Finantzaketarik ez duen edo Ogasunaren KARGA itotzailea jasan ezin duen oro desagertuko da, KOMERTZIO TXIKIAK TARTEAN. Horretara eta gehiagora etorri da TICKET BAI.

Lapur txikiak kartzelan eta lodikoteak libre. Galde Gipuzkoako Ogasunari AMAZONek Gipuzkoan zenbat fakturatzen duen, eta zenbat tributatzen. Eskandalagarria eta mingarria.

Esku-dirua erabiltzeko kontzientzia zabaldu eta zabaldu behar dugu, APOSTOLATUA egin esku-diruaren alde non-nahi, kentzera datozenean esna aurki gaitzaten.

Informazioa eta komunikazioak

Non-nahi zerbitzari informatikoak behar ditugu, energia sorkuntza zerbitzari horiek elikatzeko, zerbitzariak gure jakintza eta informazioa gordetzeko. Dagoena bildu, gurea SORTU, antolatu eta eskura izan dezagun. Zer geratuko da Odysee edo Telegram eta honelakoak ixten dizkigutenean? Zein izango da gertatzen denaren errelatoa? OFIZIALA? Eta nola egituratu, gorde eta zabalduko dugu gure errelatoa? Nola finantzatuko ditugu lan hauek?

Mundu digitalaren tresna horiek guztiak ere behar ditugu, baratzeak bakarrik ez zaizkigu aski.

Komunikaziorako tresna seguruak behar ditugu, gure informazioa eta bere pribatutasun digitala bermatuko digutenak. Kontu egin, baina, errealitate hau ez digula inork eskainiko eta guk geuk, herriak, egikaritu beharko dugula egikarituko bada. Pentsa Google Classroom nola sartu den gure eskola publikoan eta gure seme-alaben bizitzetan!

Bada, has gaitezen gure etxeetan ordenagailu potenteagoak jartzen, artxibo asko gordetzeko ahalmenarekin, ahalmen hori handitzeko aukerarekin, gorde interesgarria zaizuen informazio guztia, egin ezazue ZUENA eta aurrerago antolatuko dugu jakintza hori partekatzeko modua.

“Lainoak” ekar dezala euria, eta ez informazioa eraman.

Amaitzeko, kontuz langintza honetan guztian elkarrengandik banantzen gaituzten eta haiek hain sutsuki elikatzen dizkiguten -ISMOekin, proiektu hauek, haiek ezer egin gabe, barrutik suntsiarazten dituztenak sarri.

Azken hausnarketa bat: zenbat jartzen dut askatasunaren defentsan eta zenbat eskatzen/exijitzen? Ze oreka klase dago nire baitan bi mutur horien artean? Zenbat diru/denbora ematen diot zeregin honi? Desoreka sentitzen badugu, lasai, poliki-poliki. Izan gaitezen gure baitan kanpoan ikusi nahi dugun hori.