Evaristo Páramos

Hemen da Mundu Ordena Berria

Garai bateko ‘heroiek’ gaur egun pairatzen dugunaz zer esango luketen geure buruari galdezka ari ginela, hara non agertu diren Evaristo Páramosen adierazpenak. Kantari arabarrak, ohikoa duen moduan, aho-bizarrik gabe hitz egin du bizi dugun egoeraren inguruan.

6

Patrik Unzurrunzaga Garate

Datu informatikoen transkribatzailea eta PunKiA. Algorta

Koroa Biluzik 2020ko uztailean Algortan osatu zen lagun taldea gara, eta gaur egun bizi dugun pandemia delako honen aitzakian gertatzen ari diren eskubide eta askatasunen murrizketak izan ditugu hizpide, eta, bereziki, ezkertiar eta abertzaletzat ditugun alderdi politikoek zein prentsak murrizketa horien aurrean izan duten jarrera eta mantendu duten isiltasun kezkagarria.

Horrelako egoera baten aurrean egin zitekeenari buruz aritu gara, gurea bezalako herri batek bere eskubideen aldeko borrokan martxan jarri ohi dituen ekimenei azaleko begiratu bat ematearekin batera, desobedientzia zibilarekin eta intsumisioaren mugimenduarekin bizi izandakoa eta horrek gurean utzitakoa berriro ere astintzera iritsi arte. ‘Cojon Prieto y Los Huajalotes’ musika taldearen ‘Insumisión’ abestiaren noten erritmoan eta garai haietako hainbat borrokaren soinu banda izan zirenak gogoan, atzoko talde eta heroiek gaurko honetan zer esango luketen galdetzen genion geure buruari, eta hara non, ustekabean eta pozarren, aurkitu dugun Evaristo Páramos, ‘La Polla Records’ eta ‘Gatillazo’ talde mitikoen parte eta partaide, ederki ohituak gaituen moduan eta beste modu batean ezin zitekeen bezala, mobida honi guztiari buruz bere iritzia argi eta garbi, aho-bizarrik gabe zabaltzen.

Batetik, Argentinako Pogo Radio irratiko Con Vos irratsaioan joan den urrian egin zioten telefono bidezko elkarrizketan entzun ahal izan dugu Evaristo. Bestetik, Mariskal Rock aldizkarian 2020ko azaroaren 19an Jason Cenadorrek eginiko elkarrizketan irakurri ahal izan dugu.

Evaristoren hitzetan, gertatzen ari den honek guztiak botereak txoria hartu eta orain askatuko ez eta guri, herritar guztioi, lepoa estutzen jarraituko duenaren itxura du. Oso ondo prestatuta dagoen zerbait dela dio, izan ere, kasualitatez ez da ezer gertatzen. Kaltea eragitea helburu duten mugimeduak ikusten ditu boteredunen aldetik. Min egiten badakite, eta gaixotasunak helburu horrekin erabil ditzaketela pentsatzea ez zaio batere arrotza gertatzen, hor baitugu, esaterako, gripea, urteroko kontu amaigabea. Beldur da ez ote den hau guztia ahulenak erditik kentzeko kontu bat.

Giltzaperatu egin gaituzte, baina, esklabuen modura, lanera huts egiterik ez genuen. Lanerako bidean korrika zihoanik ere ikusi du, kirola egiteko beste modurik ezean. Gazteek ez dutela musukorik erabiltzen eta elkarrekin egoteari utzi ez diotela… Eta zer nahi dugu, bada? Irten, harremanak izan… Gazteek zer egingo dute, bada? Gogorra egiten ari zaio guztia Evaristori. Alabatxo bat ere badu ondoan, eta krudela dela dio haurrei egiten ari zaiena. Nola adierazi, bizitokia behe-solairu batean duzunean, kalera ezin zaitezkeela atera, edo gainerako haurrekin ezin zarela egon? Latza!

Ezerezetik agertu den gaixotasuna izan eta egoerari probetxua atera diotelako edo gaixotasuna gurera beraiek ekarri dutelako, honen guztiaren atzetik botere handiko jendea dagoela uste du, izan ere, lasai asko lur jota utz ditzakete herrialde oso bateko turismoa, ekonomia, hegaldi-konpainiak… Diru asko dutenen gainetik dagoen jendea dela dirudi, eta, ezagututakoak ezagututa, guztia aurrez prestatua zegoenaren antza hartzen dio.

‘Konspiranoikoen’ taldean sartuko dutela ere badaki. Eta? Zu zer zara bada? Galdetzen du. ‘Negazionistak’ omen gara, garaiko naziak izan ziren moduan, nolabait holokaustoaren existentziari uko egiten ariko bagina bezala. Hitzak edonola darabiltzate, eta izugarria da nola egiten duten! Nik galdera ugari egingo nizkieke, baina hemen beraiek bakarrik dira hitz egin dezaketenak… Erantzunik ez dugu izango, ez dago adierazpen askatasunik inondik inora. Txioka egiten utziko digute, bai, baina beti ere molestatzen ez dugun bitartean. Lelotuta gauzkate.

Evaristok badaki musika munduak gaizki pasatuko duela jende pilaketak baimentzen ez diren honetan. Baina erantzunaren zain galdera ugari dauzkala argi utzi nahi izan du. Esaterako, non dira hasierako eskularruak? Prentsaurrekoetan musukoak erabili bai baina telebistako tertulietan zergatik ez dituzte erabiltzen? Martxokoa pasata bigarren olatu bat etorriko zenaren ziurtasuna izanik, etorriko zenari aurre egiteko zergatik ez dituzte mediku eta osasun zerbitzu gehiago prestatu, hori baldin bazen kontua? Galdera ugari, eta egunetik egunera galdera gehiago. Modu azkarrean mugitzen dira boteretsuak; gu zerbaiten kontra protestan ari garelarik beraiek jada beste kontu batekin hasiak dira. Honek, benetan, behartsuen sarraski baten itxura du.

Eskerrik asko, Tartalo! “Ellos dicen mierda” zuzenean, 2019 / La Polla Records

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

6 erantzun “Hemen da Mundu Ordena Berria” bidalketan

  1. Hau guzia planeatu dutenen eta euren Agendarekin jarraitzen dutenen asmoa “erabilgaitzak” zaizkien planetako biztanle gehienak despresurizatzea eta gainerakoen esplotazioaren Aroarekin amaitzea da, esklabizazioaren Arora igarotzeko.
    Desobeditzea baino gehiago, gure bila etortzea erabaki dutenak jopuntuan eta matean jartzeko gai den herri-substratu antolatu batetik datozen orientabideei obeditzea pentsatu beharko genuke.

  2. Oso gai interesgarria. Nire ustez, pandemia hau, Naomi Klausen “shock” antzera, sistema ekonomiko osoa eraldatzeko aitzakia gisa erabiltzen ari dira munduan agintzen dutenak.
    World Economic Forum-eko analisiak eta txostenak irakurri baino ez da behar konturatzeko erakunde horrek disenatutako gidoia gainerako kontinenteetako gobernuek jarraitzen dutela. Great Reset-eko ideologia berria martxan jarri dela esan daiteke.
    Eta 750.000 euroko Europako Funtsa Berriak logika eta ideologia horri segitzen dio inolako disimulurik gabe.
    Ez dakit pandemia honen jatorria naturala edo probokatua izan den, baina zalantzarik ez dago katalizadorerik onena izaten ari dela munduko botere ekonomikoek nahi duten modeloa inposatzeko. Huxley-ren Happy World ate joka dugu eta ez gara enteratu.

  3. Garbi xamar zegoNK ekonomia jaitsi eta zuzentzeko (bideratzeko) plana martxan dagoela. Gaixotasun hori aurretik zegoNan? ondoren sortu duNan? norbaitek sortu diNan? nor izan duNan? noiz arte jarraituko diNagun? gero zer etorriko duNan? sinesmenetan erori eta gu obsesionatzeko galderak dituNK, pertsonalki gehienok behintzat inoiz jakiterik izango ez dizkiNagunak nahiz eta suposatzera iritzi gaitezken!!
    Hala ere, hona hemen detaile oso garrantzitsu bat: energia iturri fosilen ekoizpena gainbeheran zegoNK, alegia, egia txiki bat idatziko diNan ondorenean… gaur 100 litro petrolio, gas eta ikatz bazaukaNagu gastatzeko moduan bihar 99 gastatu ahal izango dizkiNagu, etzi 98, etzidamu 97… urte gutxi barru 50 izango dituNK, beste urte gutxi barru 25, beste urte gutxi barru 15, 12, 10, 9, 7… hau 80 urtetara iritsiko diren 60 urteko denek ondo ezagutuko diNate, 50 urteko denek asko, 40 urteko denek izugarri, 30 urteko denek ikaragarri… pairatuko diNate, 20 urtekoek, 10ekoek, gaur jaio direnek PETROLIOAREN eta GAINONTZEKO ENERGIA FOSILEN GAINBEHERAREN ARO deituko zieteNK eta Koronabirusaz inor gogoratuko al duNK 80 urte barru? Gaixotasun formatuan ezetz esango niNake!!

Utzi iruzkina, izen eta abizenez

Azken artikuluak