Nire lagun Emeren ustez, haurrak ekarri eta hazteak berekin eta halabeharrez dakar komunitatearen sostengua eta babesa. Bizitzako beste gertakari eta prozesu batzuek dakarten bezala. Giza-senak gure sorrera prehistorikotik izatez eta naturalki egin duen hori da kolektiboaren sostengu instintiboa eta berezkoa, gainerako ugaztun askorena bezala.
Komunitatea artifizialdua, krisi sakonean eta desintegrazio bidean dagoenetik (giza-harremanak, familia egiturak, tribua, auzoa, herria, belaunaldi arteko elkartasuna eta elkar-laguntza), ama hori administrazioaren menpeko bihurtu da.
Edo bihurtu dute apropos. Hamaika ikusitakoak garenetik ez baita ideia zoroa, estatu- eta korporazio-aparatuekiko menpekotasun hori jendea errazago gobernatzeko propio deliberatua dela. Gizarte hautsi dependientea aise gobernatzen da bere behar naturalak berdintzera interes usteleko agente oportunistak agertzen direlarik.
Kontua da gizaki eta herritar osoa interdependentea eta kolaboratzailea dela berez, ez dagoela osotasunik indibidualitate erabatekoan: gizakia, gizartean da gizaki. Banakoaren indibiduazioak, nolabaiteko gizarterik batere gabe, alienazioa du destinu.
Eta sistemak hori ongi baliatzen jakin du. Dominazio-sistema bera mantentzeko soilik ordea. Dauzkan bitarteko guzti-guztiekin gainera: hasi finantza-sistematik eta lanaren kontzepzioraino, giza izatearen eta harremanen dekonstrukziotik pasaz, eta kontzeptu, termino eta ideien jabetze eta perbertsio akulturatzaileraino.
Erne, gezurra ari du zarra-zarra, egia itxurarekin baina. Izaki pentsantearentzat inoiz baino zailagoa da fresko mantentzea ganbara. Baina gu gurera, egunero gure egitez eraikitzen dugun horretara.
Aaron Russo zinegileak esandakoak orain dela 22 urte egindako elkarrizketa batean, bere laguna Nicholas Rockefeller-ek esan zionari buruz:
https://www.youtube.com/watch?v=pBQdDRij874
Oso interesgarria, Aitor, eskerrik asko. “Liberazio” deitzea emakumeen lana merkatu kapitalistan sartzeari…, pentsatzekoa zen ez zela oso gauza zuzena, ez lehen eta ez orain. Gainera, beti egin dute lan emakumeek, beti, inor haiek “liberatzera” etorri aurretik ere bai.
Hala ere, Aaron Russoren hitzek terminologia aldetik arazo handi bat dute: “sozialismo” eta “komunismo” deitzea kapitalismo purua besterik ez denari. Ez dakit ‘liberal’ horiek ze ameskeria dituzten buruan, baina kapitalismorik ez dago Estaturik gabe. Beraz, ez gaitzatela nahastu.
Haizea eta Ihintza: ni zuen tribu edo komunitatean biziko nintzateke. Eta egia da, gezurra zarra-zarra ari du eta emakumeek beti-beti egin izan dute lan, ez makala, gainera. Besarkada goxo bat zuentzat.
Hemen bada hausnargairik. Plater aurresukaldatumikrouhinduetatik haratago.
Eskertzeko hitzak dira Haizea, egia galantak. Behin lagun batek nekez entzuten diren hitzak esan zizkidan; “ekarri haurrak, zainduko ditugu eta…”, eta ez zait ahaztu, ez ahaztuko.
Lau urte bete dira aitaren zaintzaren amaiera ostean “Elkartasunerako egunak” idatzi nuela.
https://zuzeu.eus/euskal-herria/elkartasunerako-egunak/
Artikulu ederra idatzi zenuena, Aitor… oso ona!!!👏👏👏
Eta bai, lemak eta hitz maiztuak gorabehera, nahiko despistatuta gabiltzala uste dut, krisi sistemiko honetatik sistemak salba gaitzakeelakoan edo… Sistemak inor “zainduko” duelakoan edo… inguruan asko dira, itxuraz, hala uste bide dutenak.