Goizuetan dugu hitzordua heldu den ostiralean, martxoak 3. Gomita egin ziguten bertso-afariaren aurretik kitarra kantuan etortzeko ere. Gizaria han izanen da, giza hari musikala.
Izan ere, azken urteotan kitarra ikasten ari gara. Gogotsu. Bakarrik zain lagunekin, kitarra hartu eta argia sortzen dogu-eta kantuan!
Barikurako, azken egunotan “Gük nahi dügü” ari gara buruz ikasten. Animatzen zaituztet zuena egin dezazuen kanta eder hau.
Poz itzela hartu nuen Bitxialdian kanta pizgarri hori atera zutenean, eta are poz handiagoa Xiberoan euskarara eman zigutenean horren eder, horren dotore.
Esker mila, Etxekopartarrak eta hemen behean ageri diren gainerako lagunak!
Ostiralean Goizuetan, kantari, dantzari!
HK taldearen “Danser encore” kantorearen eüskarazko bertsionea.
Jon, Maika eta Mixel Etxekopar ; Claudine Arhancet ; Pette Jaragoyhen ; Jean-Christian Galtxetaburu.
HITZAK HEBEN Xiberoko Botzeko stüdioetan grabatürik:
GUK NAHI DUGU
Guk nahi
dugu dantzan jarraiki beti
Gogo haragiek bat egin
Denbora xaramelan bizi
Ez dok hamahiru
Guk nahi
dugu dantzan jarraiki beti
Gogo haragiek bat egin
Denbora xaramelan bizi
Txori migratzaile gaude
Ez mantso eta ez xintxo
Ez ta nihuren meneko
Goizetik arratseraino
Isiltasunaren hausteko
Gauaz teleko leihoan
Errege ona mintzo han
Gure epaia ahoan
Oldartu gira ordian
Bai bena elegantzian
la lala lala la
Guk nahi……
Lan eta lanez asean
Atestazione eskuan
Ertzokeria legean
Zorigaitz pentsatzen denari
Zorigaitzeko hi dantzari
Larderiazko neurrian
Sekuritate bidean
Konfidantxa ttutt airean
Hain beigütüe nahi han
Gatibuak kontzientzian
la lala lala la
Guk nahi….
Ez gitzaiela lotsaraz
Zentzugabekeri hartaz
Beldur saltzale haietaz
Gu larri larri ezarten
Etxek ditzagun Parisen
Gogo osagarrirako
jente naturarentako
Eri batekin argitzeko
Oldar gitin ez baratzeko
Erhokeriaren meneko
la lala lala la
( tralalakan….)
Guk nahi……
Kaddour Hadadi-ren kantua
Euskaraz : M Etxekopar
Gustatzen zait publikatzen duzuena. Berandu nabil bertso afarirako baina baraualdirako nahiko nuke apuntatu.
Espero dut aurrerantzean informazioa jasotzea. Horretarako utzi dut nire e maila.
Mila esker. Blanca
Goizuetan izan nahi nuke, eta bertso-afaritan… ene lagun INDEPENDENTEkoekin…..baina ezingo diat.
Burruntxo
Josu, Independente Lagun hori, espero dugu Goizuetan hazi eder bat landatzea, apika aurrerago fruitua emango duena Bizkaian ere, zugandik hurbilxeago.
Zorionak kantagatik. Eta azkenik ziur da: ez naiz zuen artean egongo. Bertso afari ona denei eta beti aurrera ✊💜