Xoxoak beleari ipurbeltz
Groteskoa: hori iruditzen zait EHbilduk eta ERCk mozal-legeaz egiten duten salerosketa. Ez zait iruditzen ez ondo ez gaizki dagoenik erreforma urardotu funsgabe baten alde ez egotea; izan ere, iruditzen zait adarjotze hutsa dela hain lege errepresiboa marketin politikoa egiteko erabiltzea, lege horrek herritarrengan zuzenean dituen ondorioak kontuan hartu gabe.
EHbildu eta ERC ustezko alderdi ezkertiar eta independentistei onartezina iruditzen zaie lege hau pairatzen duten langile, ikasle eta gainerako kolektiboei eskubideak urratzea, baina azken urteotan lege hau aplikatu digutenoi buruz, hau da, alferrikakoa, ez-eraginkorra eta mendekotasun lotsagarrienaren sinboloa den maskara erabiltzearen aurka gaudenoi aplikatu digutenean, txakurren gisan isildu dira. Gainera, askok, beren hautesle edo jarraitzaile gehiegik, mozal-legearen aplikazio hori txalotu dute, de facto onartuz ez dela legea bera gustatzen ez zaiena, baizik eta lege horren aurkako jarrera gehiago kokatzen dela legea gehien sufritzen duten eta defendatzen dituztela dioten kolektiboen begikotasuna eta botoak irabaztean. Faltsuki egiten dute hori, jakina.
Ez da legea bera gustatzen ez zaiena. Kontrako jarrera hori ustez defendatzen dituzten kolektiboen begikotasuna eta botoak irabaztean kokatzen da
Eta hiru urtez lege horren aplikazioa pairatu ondoren, muturrekoa jartzeari uko egiteagatik beren zuzeneko babesa izan duen mozal-legea jasan ondoren, covid sakrosantuaren diktadura sanitarioa babesten ez dugunon kontrako neurri gogorragoak eskatu ondoren, orain jendaurrera azaltzen dira lege horren erreforma babesteari uko eginez, erreforma hutsala dela diotelako.
Antzerkiak aurrera darrai, eta, denon begibistan dagoenez, betiko kontua gertatuko da. Alegia, gutxi gorabehera astebeteko epean, PSOEk legearen beste punturen bat aldatuko du, aurretik EHbildurekin eta ERCrekin hitzartuko duena. Eta berriro engainatuko dituzte herritar otzanak eta pentsatzeari uko egiten diotenak. Ikusaraziko diete oraingoan ez dela erreforma hain urardotua. Baina, benetan, mamirik gabeko erreforma eskandalagarria izaten jarraituko du. Benetan onargarria den aukera bakarra lege hori berehala indargabetzea baita.
Benetan onargarria den aukera bakarra lege hori berehala indargabetzea da
Baina botoaren eta autoengainuaren jokoan jarraituko dugu. Ea geure kabuz pentsatzen hasten garen eta mezu argi bat bidaltzen diegun: ez gehiago bozkatu. “Joko demokratiko iruzurtiari” abstentzioa egin diezaiogun eta egin dezagun politika herritik, erakunde ustelik gabe. Hemen ez badugu denok berdintasunean jokatzen, ez dago joko posiblerik. Ez bozkatu, baina bereziki utzi EHbildu bozkatzeari, txarrenak baitira, polizia txintxoaren papera jokatzen baitute, eta arazoaren parte baitira, eta ez konponbidearen parte.
Abstentzioa!
Groteskoa, zeharo.
Ez da inondik ere ahaztu behar, “osasun larrialdi egoera” legez kanpo dekretaturik, gobernuak (zentrala eta autonomikoak) eta beren meneko funtzionariatu guztia (poliziak batik bat) Mozal Legeaz baliatu zirela herritarren eskubideen aurkako delitu larriak egiteko, eta herritarroi 405,8 millioi euro lapurtzeko 600.000tik gora isun ilegaletan, 2020-2021ean.
Baliogabetuko zutela hitz eman zuten lege horixe baliatuz jarri zituzten “larrialdi egoerako” zigorren erdia, lege iruzurra eta prebarikazioa eginez. Eta maila eta joera guztietako politikari guzti-guztiek kolaboratu egin zuten, artez edo moldez, hango eta hemengo, estatu terrorismorako komunikabideen laguntza ezinbestekoarekin. Jakina, dena gure zergen diruarekin egin zuten gainera, nola bestela.
Botere abusu erabatekoa. Gaizkile arriskutsuen gobernua. Eta oraindik jendearen parte handi batek ez du ulertzen gobernuari larrialdietan oinarrizko eskubideak mugatzea erabakitzen uzten bazaio, larrialdiak asmatzea daukala eskubideak kendu nahi dizkizunean.
Azkenik, euskal politikari txotxongilo gizagaldu horiez auzo lotsa gehiegizkoa dut ezer esateko. Soilik espero dut borondate oneko jendeak ez gehiago sinestea inoiz gehiago jende-modu horri, eta inoiz ez gehiago abagunerik ematea gure aurka erabiliko duten boterea edukitzeko.
“txakurren munduan isildu ondoren…”
Hi, GURE etxeko txakurrak ez ziren isiltzen inoiz, bati AUSIKA egiten zuten, eta zenbaitetan ADAUSIKA ere.
Bakarrik puntu batean ez nago ados artikuluarekin: maskara “sinbolo” bezalal kategorizatzearekin, hain zuzen. Sinboloa ideia bat, entitate bat, kontzeptu bat… ordezkatzen duen elementua edo objektua da. Nire ustez, maskara menderakuntza ezartzeko tresna da, edozein sinbolo baino askoz ere eraginkorragoa eta beharrezkoa Sistema deitzen diogunarentzat. Maskara gure osasuna kaltetzeko erabili dute, arnasketa normalarekin hartzen dugun baino %20 oxigeno gutxiago harzen baitugu eta ikerketa zientifikoek erakutsi dutenez horrek gure organo guztiei eragiten die, gure osasun fisiko eta mentalari. Horrez gain, maskara pandemian sinesteko, beldurra eta beldurrarekin batera distantzia soziala mantentzeko erabili eta erabiltzen jarraitzen dute. Eta burutu duten manipulazio psikologiko guztia beldurrean oinarritzen da. Garrantzitsua iruditzen zait sinbolo eta tresnaren artean desberdintzen jakitea.
Gaur Gara izeneko espainol egunkarian irakurri dut EHBildu Gipuzkoan pareka dagoela PNVrekin hurrengo hauteskundetara begira. EHBildu bozkatzen jarraitzen duen baten batek irakurtzen badit, gogoratu jantzi ezberdineko txakur berberak direla besteak bezala. Horregatik gonbidatzen zaituztet , bereziki gipuzkoarrak, abstenitzera. Ea horrela herriari ilea hartzea dohainik ez dela ateratzen konturatzen diren behingoz. Hemen dago traidoreak merezi dutena bueltatzeko aukera.
Ados Ane Miren. Eskerrik asko ñabardura horrekin ekarpenak egiteagatik eta aberasteagatik.
Ez dut ulertzen zergatik EH.Bilduri aparteko kondemnazioa Plandemiaz.
Zer besterik egin zuten Komunistek, Anarkoek eta kristo guztiak?
Zergatik abstenitu behar EH.Bilduri dagokionez soilik?
Ba al da beste hoberik akaso?
Esango dodana ez da gauza bera, baina bai antzekoa. Txertobako askok baztertuak izan dira, laguntza barik eta euren seme alabek eskolara joateko arazoak euki dabez. Halan eta guztiz botoa emon dabe. Horregaz esan gura dot bide “disidente” honetan babesa gitxi dagoela eta alderdi politikoen laguntza inoiz ez .
Baina nire ustez beste pandemia bat sortuko balebe, covid 19gaz hainbeste ikasita bide eraginkorragoa hartuko geunke eta egoera errazagoa izango litzateke. Hori alde batetik eta beste alde batetik gai batzuen gainean geuk eta alderdi politiko batek gauza bera pentsetan dogu eta botoa emoten badeutsagu, horrek mesede egingo deusku. Batzuok botoa emoten joango gara, beti alderdi politiko baten alde egin dogu eta jarraituko dogu. Guretzat aldatzeko berandu da. Gu ez gara Tamames.
Nik Tamames, EH BiILDU dela esango nuke.
Aupa Josu. Bai agian neurri berezian kokatu dut EHBildu. Izan daiteke nahiz eta orain dagoen joko demokratiko faltsuan, batzutan makil bat gurpilean bezala zirela uste nuelako, nahiz eta morala igotzeko bakarrik balio. Gero kaleko borrokak parez pare aurrera egiten genuela. Eta nahiz eta denborarekin gero eta gutxiago sinistu eta gehiago desanimatu, plandemia heldu zenean benetako eta azken plastazoa hartu nuen. PSOE.GALeri laguntza eskaini, eskuin muturra gelditzeko aitzakiarekin, orain arte eskuin muturra egongo ez balitz bezala PP barruan, erakunde demokratikoetan, estatuko kloaketan eta sozial mailan. Erreforma laborala eta Mozal legearekin kontrabando politikoa egin PNV bezala… Ez PNV bezala ez, PNV baino txarrago, EHBildukoek ez dute bueltan ezer lortzen, pailazoarena egitea baino. Eta azkenenean errematatzeko plandemian mozorroa guztiz jausi zaielako zentsura brutala ezarriz eta neurri gogorragoak eskatuz. Beti ingurune horretan mugitu naizenez, espektro politiko horreri bereziki zuzentzen naiz, orain ez irabazteko Gipuzkoan, Judas Iscariote txanponak moduan, eta bere astindua jaso dezaten. Hala ere ados nago zurekin, abstentzio aktiboa sistemari egin behar zaiola eta ez alderdi edo koalizio politiko konkretu batean kokatu. Espero dut zure kezka gutxi gora behera erantzunda egotea. Besarkadak eta aurrera lagun!
Hi Aitor, “danak ez dira bardiñak”, hori inoiz ere ez!
Ez etorri musu-kitarrarekin Tamames eta Bildu konparatuz?
Denborak hitz egingo du…Josu!
Une huntan EH-Bilduri botoa ez emotea PNV bultzatzea da.
Ta zein da ezberdintasuna Josu, zein? Zer lortu dute PSOE-PODEMOS gobernuari laguntzen? Zeizertarako balio izan zan du? Ta Olandemian ikusirik ikusita, niri argi geratu zait behin izan nuen konfidantza osoa, eta asken momenturarte “Fiel” izanda, lortu duten bakarra puzzlearen beste zati ustelduta direla sinistea da. Niretzat kasu apartekoa zen, eta musika ndu ez netan bozkatuko nituen bakarrak. Baina bidea aldatu dute, ta besteak bezain nazkagarriak bihurtu dira. Erregea eta espainiar ejerzitoari presupuestoa aurrera atera zen laguntzea? TAVri Gazteizen ezetza eta Madrilen herria zorabiatzen eta gezurtzen diru laguntzari baietza eman, erreforma laborala aldatzea lortu zutela esan ziguten, askenean hile hartze bat izan zen, tal beraiek gobernuari babesa kendu beharrean, Eskuin.mururraren aitzakiarekin ez zioten kendu. Mordaza legea ezetzatik, orain erreforma light bat egin nahian, eta herria tranoekin berriro zorabiatu, askenean ez dena bai dela zuen bilatu dezagun. Txertatu, txertatu eta txertatu esan zuen Otegik, Sanchezek esan zituen hitz berberak aldi berdinetan. Eta EHBILDU bezalako koalizio bat, euki badauka informatzeko bide asko. Ez badute egin, ez dutelako nahi izan da. Gauza gehiago? Presoak, zer? Barruan jarraitzen Dute, eta Euskal Herririk urrun. Lortu duten bakarra guztiak txerto nadarikatua izan da. Nire aldetik behintzat bozkatzekotan, merezi zuen bakarra Ezker Abertzalea zen. Orain iñork ez dago, herri subiratasuna gure aukera bakarra da demokrazia zuzena egiteko, eta aurrera ekiteko. Ala ere , noski, pentsatzen baduzu bozkatu behar duzula edo dela, Edo dugula dena den koalizio horretara, errespetu osoa eta eskubide osoa daukazu nire aldetik.
Zuzentzaileak hitzak aldatu ditu. 😡
Nire iritziz, haustekundeetan eta sistema instituzionalean parte hartzen duten alderdi guztiek eta bakoitzak, sisteman bere botere kuota lortzea du helburu. Hori errepresentazio sistemari esker egiten dute, gutako bakoitzaren erabakitzeko eta ekiteko boterea delegatu (praktikan, eman edo utzi) egiten diegulako, afera publikoetan zuzeneko partehartzea ekidinez.
Hori horrela, nire ustez sistema bera da antidemokratikoa. Ohituta gaude, baina poliki pentsatuta, amarru baldar eta agerikoa da: zure botoa (eta seguaski zure abstentzioa ere bai) zeure aurka erabiltzeko aukera ematen diezu, sistema bera horrelaxe diseinatuta dagoelako.
Sistema elektoral eta instituzionala kontrairaultzailea da berez. Piramidala, korruptoa eta tranpatia jatorrian, kapitalaren interesak babesturik mantentzeko, hauteskundeetan gertatzen dena gertatzen dela ere.
Horretarako eta herritarrak kontrolpean mantentzeko, sektore eta ikuskera guztiek eduki beharra dute errepresentatuak eta babestuak izatearen inpresioa, bestela botere oligarkiko jerarkiko hori kolokan jar daitekeelako.
Bestalde, politika instituzionalean parte hartzen duen orok, nire iritzian salbuespenik gabe, gezurra esaten dute jakinaren gainean edo ezjakintasunez: edo aurrez dakite iradokitzen edo hitz ematen dutena ez dutela beteko, edo ez dakite ezin dutela bete sistema burokratiko horren diseinua ezagutzen edo gogoratzen ez dutelako, eta hartara gizaki kabal batek ezin du ez dakien zerbaitez afirmaziorik egin, are gutxiago bere jendeari.
Lastozko gizakiek botoak lortzeko limurtu egiten dute berez ilusiorako eta borondate onerako joera duen jendearen gehiengoa, eta aldi berean boterearen permanentzia arriskuan jar dezaketen herritar-sentipenak eta ekimenak bideratzen eta boteregabetzen dira marko kontrolagarri batera. Herritarren proportzio esanguratsu bat zinikoa, koldarra, alferra, mediokrea eta ezjakina izateak egiten du gainerakoa.
Halaber, jende askok promesetan sinetsi beharra dauka, salbatuko dituen norbait dagoenaren itxaropena izan behar du, eta modu horretan bere bizitzaren eta egoeraren ardura hartzeari uko egiten dio, ekintza zuzenerako aukera guztiak itxiz. Era guztietako gobernu jerarkikoak gauza berean oinarritzen dira, guztiak: ezker-eskuin, nazionalista-globalista, sozialista-neoliberal… Ideologiak ideologia, Estatuaren logika berbera da alde guztietan.
Nire ustez ez dago pertsona duinik sistema burokratiko ustel horretan parte hartzeko prest. Historiak hamaikatxo aldiz irakatsi digu hori ezin dela barrutik edo hauteskundeekin aldatu, botereak bere defentsarako mekanismoen makinaria oso bat daukalako eta mantentzeko diseinatuta dagoelako, Estatu-arrazoia indarrez ezartzeko botere faktikoa delako. Indarkeriaren pribilegioa izateaz gainera, maiz indarra erabiltzeko beharrik ere gabe, nahikoa zaiolako soilik baliabide estrategikoak edo bitalak kontrolatzearekin.
Praktikan gure bizimoduei eragiten dieten erabaki potoloenak oso urrun hartzen dituzte, gure biziak hutsaren hurrengoa ajola dienek, eta erabakia dut ez gehiago parte hartzea berez antidemokratikoak eta gure beharren eta interesen aurkakoak diren egitura formaletan.
Zinismoa eta gezurra. Bai, epe laburrean badirudi EHbilduren traidore horiei ondo doakiela. Epe luzera, lehenago hartzen da gezurtia herrena baino. Zirku politiko elektoralean beste bat besterik ez dira, jendea konturatzea besterik ez da falta. Eta egingo du!
Ahaztu egin zait goiko iruzkinerako esteka jartzea.
https://www.naiz.eus/es/hemeroteca/gara/editions/2024-10-04/hemeroteca_articles/eh-bildu-acuerda-con-el-gobierno-de-sanchez-acabar-con-la-ley-mordaza