Azken astean beherakada handia egin du Gorkak, eta bart hil da. Hernaniko Orbegozo tanatorioan ditu lagun eta senideak gaur eta bihar. Eta agur bat antolatuko zaio hemendik bi astera.
Gaur tanatorioan 16:30-20:00 artean. Bihar 9:30-10:30 artean, Orbegozo funerarian. Ondoren 11:00etan Polloen errausketa.
Beti esaten zigun Gorkak ezin zela etorri antolatzen genituen planetara. Gaixo zelako. Horregatik joan ginen Hernanira bera bisitatzera.
Nahi genuen pentsatu buelta emango zeniola. Oso bizirik zinelako.
Azkenean gaur goizean bere lagun Iranek eman dit berria, atzo gauean hil zen. Joder.
Independenteari hasieratik eskaini dio Gorkak laguntza ikaragarria, eta ausarta. Oso garbi hitz egin du, grazia eta poesiarekin beti, eta hori da gehien eskertu dezakeguna garai hipokrita ustel hauetan.
Eskerrik asko, Gorka.
Agur, lagun, asko gogoratuko gara zurekin.
Gorkaren azken bultzada Mastodon sarean / mastodon.eus/@gorkasetien
Ez zintudan zuzenean ezagutzen, baina Independentean oso presente zeunden beti zure iruzkin eta artikuluekin.
Agur bero eta GOXO bat Gorka!!
Goian bego 🙏
Goitik ziur Independentea eta maitasunaren giza-diseinua bultzatzen jarraituko duzula, bizitzan egin duzun bezala. Eskerrik asko
Doluminak senide eta lagunei. Galera handi bat euskaldun eta Independentezaleontzat.
Lagun maite bat gehiago joan da, geure arteko ez adostasunen gainetik konplizitateari eta maitasunari eusteko gai izan dena.
Agur Gorka
Atsegin eta interes biziz irakurri izan ditut Gorkaren artikulu zein iruzkinak. Oso presente azken hiru urte hauetan, nik aurrez aurre egoteko aukerarik ez izan arren. Mila esker hitz guztiengatik eta besarkada handi bat bere ingurukoei. Jarraituko dugu zu irakurtzen.
Ingurukoak zuregan lagun on
Zure ondoan beti zorion
Bokazioz idazle eta olerkari
Sarri agertzen zinan ameslari
Danagaitik, Gorka, bihotzez esker on!
Doluminak senide eta lagunei. Konplize on bat joan zaigu. Goian bego.
Eztabaida eta ezadostasun ugari izan genituen garai batean, baina hala ere (edo horregatik, agian), orduan eta beharrezkoagoak dira zu bezalakoak gizarte geroz eta grisago hau kolore biziekin zipriztintzen jarraitzeko.
Ez dakit sekula aurrez aurre egonak ginen, baina balio handikoak dira niretzat bere liburu, artikulu eta komentarioak. Agur eta ohore Gorka. Ez haugu ahaztuko.