Eusko Jaurlaritzaren dimentsio zitala

Eusko Jaurlaritzak, Urkullu jauna lehendakari zela eta Gotzone Sagardui andrea Osasun sailburu zela, covid pasaportea ezarri zuen 2021eko abenduaren 14an, baina 2021eko azaroaren 23an Alerten Ponentziak txosten bat aurkeztu zuen Osasun Sistema Nazionaleko Lurralde arteko Kontseiluan, eta txosten horren konklusioak ziren, besteak beste, «ez dagoela ebidentziarik neurri horrek Sars-Cov-2aren transmisioa gutxitzeko eraginik duenik” eta neurri horrek “txertatuta egotea eta immunizatuta egotea berdintzen dituela, eta hori ez dator errealitatearekin bat”.

Informazio hori izanda ere (herritarroi jakinarazi ez zitzaigun informazioa), Eusko Jaurlaritzak, Urkullu jaunaren dekretu bidez, eta txosten horri jaramonik egin gabe, covid pasaportea inposatu zion euskal gizarteari, eta Osasun Publikoaren eta Adikzioen Zuzendaritzaren txosten batez baliatu zen; txosten horrek adierazten zuen “datu zientifiko ugari zeudela baieztatzeko gaixotasunaren transmisio komunitarioari aurre egiteko neurri posible bat zela”.

Administrazio Sanitarioak aurkezten dituen txostenek ez dute inolako zorroztasun zientifikorik

Lehenik eta behin, esan beharra dago EAEko Administrazio Sanitarioak aurkezten dituen txostenek ez dutela inolako zorroztasun zientifikorik; izan ere, inoiz ez dute landa-datuekin ikerketarik egiten. Usteak baino ez dituzte jasotzen, ez errealitate ukigarriak. Hala gertatu zen EAEko Justizia Auzitegi Nagusiak datuak eskatu zizkionean, hartuko zituen neurriak proportzionalak zirela justifikatzeko, eta ez ziren gai izan, proportzionaltasuna ebaluatzeko konpromisoa hartuz, daturik emateko, Auzitegiari informazio hori ezkutatzera ere iritsi zirelarik. Euskal Administrazioak txosten bat egin zuenean ere, EAEko ostalaritzarako osasun publikoko neurri berezien beharrari buruz, Sars-Cov-2aren transmisioa prebenitzeko, berdin jokatu zuten. Txosten horrek ere landa-daturik gabeko usteak baino ez ditu jasotzen, eta, hurrengo idazki batean, suposizio horiek beren datu ofizialekin kontrastatuko ditut.

Eusko Jaurlaritzak behin eta berriz esan zigun pandemian zehar neurriak oinarri zientifikoarekin hartzen zirela. Beraz, zera galde diezaiokegu Lehendakari jaunari: zein da arrazoia zientziari kasurik ez egiteko, Alerten Ponentziak zehatz-mehatz esaten duenean ez dela covid pasaportea ezarri behar? Zein da euskal herritarroi informazio zientifiko hori ezkutatu izanaren arrazoia? Ez al duzu prebarikazio deliturik egin?

Egin zuten beste ekintza bat, ez egin behar ez dena, baina bai hipokrisiaz betea, covidak hildakoak oroitzea izan zen. Eta ez gogoratu izanagatik, baizik eta oroitzapen horretan zahar-egoitzetan hildakoen kopuru handiarengatik autokritika minimo bat ere ez egiteagatik. Urkullu jauna, ez al duzu kritika-zantzu txikienik ere egin behar, euskal herritarren ordezkari nagusi gisa, egindako kudeaketaren egokitasunari buruz?

Covidagatik hildakoak gogoratzea positiboa bada ere, lehendakari jaunari esango nioke zintzoa izan beharko lukeela, eta ez lituzkeela hildakoak modu selektiboan erabili beharko. Izan ere, hildakoak, zoritxarrez, denak berdinak dira, eta, horregatik, gogorarazten dizut, Lehendakari jauna, zeure datu propioekin, itxaron-zerrendetan hildakoak (pandemian osasun-zerbitzu publikoak artatu ez dituelako) 2.492 pertsona inguru direla 2020an, covidarekin edo covidagatik hildako 3.091 pertsonekiko % 80. 2021ean, aldiz, 2.235 izan ziren itxaron-zerrendan hildakoak, covidarekin edo covidagatik hildako 1.973 pertsonen % 113,28. Horregatik, Urkullu jauna, zintzotasun pixka bat gehiago, eta ez itzazu kategoria bateko edo besteko hildakoak diskriminatu; hildako guztiak dira hildako, eta -berriro errepikatzen dut- zoritxarrez.

bizitza bakoitza salbatzen saiatu behar omen zen, nahiz eta ikusi dugun txosten zientifikoak ezkutatzera iritsi direla

Zer esan Gotzone Sagardui andre demagogoari buruz? Omenaldi horretan esan digu aplikatutako murrizketak defendatzen dituela, bizitza bakoitza salbatzen saiatu behar baitzen, nahiz eta ikusi dugun, covid pasaportearekin bezala, txosten zientifikoak ezkutatzera iritsi direla. Eta zuzenean galdetzen diot Gotzone Sagardui andreari: orduan, ez al zenuen itxaron-zerrendetan hildako pertsona horien bizitza salbatzen saiatu behar? Gotzone Sagardui andrea, zure ezgaitasuna hain da handia, ezen, zure zientziarik batere gabeko baina antidemokrazia dosi handiko neurriak justifikatzeko, zure kudeaketa justifikatu nahi izateraino iristen baitzara, nola eta covidagatik hildakoei egindako omenaldi baten bidez.

non zeundeten txosten hori ezkutatu zutenean, diktadura-kutsuko pasaporte bat ezartzeko, populazioaren zati bat estigmatizatzeko erabili zena?

Honengatik guztiagatik, Eusko Jaurlaritzako jaun-andreok, lehenik eta behin dimisioa eman beharko zenukete. Eta Gasteizko Parlamentuko oposizioko legebiltzarkideei galdetzen diet: non zeundeten, Iñigo Urkullu jaunak eta Gotzone Sagardui andreak Alerten Ponentziaren txosten hori ezkutatu zutenean, diktadura-kutsuko pasaporte bat ezartzeko, populazioaren zati bat estigmatizatzeko erabili zena? Omenaldi horretan gogoan izan al duzue covidagatik/covidarekin hildakoen eta itxaron-zerrendengatik hildakoen kopuru bera egon dela? Covidagatik/covidarekin hil diren eta txertatuta zeudenen inguruko gutxieneko autokritikarik egin al duzue?

Eusko Jaurlaritzak eta Eusko Legebiltzarreko arku parlamentario osoak autokritika egin beharko lukete, eta ganbera desegin; izan ere, egin dutenagatik, politikan aritzeko inhabilitatu egin beharko lituzkete gutxienez, eta beraietako batzuek beren erantzukizunei aurre egin beharko liekete, euskal gizartearen aurrean.