Azpian doa HerriBiltzak zabaldu duen agiria:
Frantses Estatuko agintariek euskara zapaltzen dute
Bernat Etxepare lizeoko ikasleek zapalkuntza hori ez dugula onartu behar diote, eta zapalkuntza horren parean Euskal Herriak bere hizkuntza babestu behar duela aldarrikatzen dute.
Ikasle hauek joan den ostiralean burutu zuten mobilizazio egunarekin Herribiltzako kideok bat egin ginuen, eta arrastirian, Ipar eta Hego Euskal Herriko bost euskaltzalek ekintza bat burutu ginuen. Baionako Suprefeturaren horman, frantses Estatuko agintariei zuzendutako mezua idatzi ginuen: “Geldi euskara zapaltzea”.
Beranduago, Baionako Herriko Etxearen ondoan, poliziek ekintza horretan parte hartu zuen Gorka Roca Torre atxilotu zuten eta Baionako komisaldegira eraman zuten. 24 orduz bertan atxiki ondoren larunbat arrastirian askatu zuten.
Larunbat goizean, Baionako suprefeta bera komisaldegira plenta pausatzera joan zen.
Hori dela eta, Gorka auziperatu dute eta irailaren 10ean Baionan epaituko dute.
Atxiloketa eta epaiketa bidegabe hauek salatzen ditugu, eta ikasleekin batera “Geldi euskara zapaltzea” frantses Estatuko agintariei adierazten segituko dugu.
2024ko maiatzaren 19an
HerriBiltza
