Sare komunala

Euskal Herrian eta munduan demokrazia komunala saretzen

Demokrazia Komunalari buruzko Nazioarteko II. Kongresuaren egoitza Txile izango da, 2022ko urriaren 21, 22 eta 23an.

1

Itxaso Viñe

Errekaleor auzo asketik. Gasteiz

Pasa den otsailaren 5ean, Demokrazia Komunalaren inguruko sarea osatzeko Euskal Herriko lehenengo asanblada burutu zen Errekaleor Auzo Askean. Bertan, euskal lurraldeetako herri ezberdinetatik etorritako hamaika pertsona batu ziren.

Bilera hau urrian Donostia-Hernanin egindako Demokrazia Komunalari buruzko Nazioarteko I. Kongresuaren ondorengoa izan zen. Urriko egun hauetan 350 pertsonak baino gehiagok parte hartu zuen bertan garatutako 40tik gora ekitaldietan. Lan kolektibo honetatik, gutxienez 90 txosten politiko atera ziren, eta han egindako hitzaldi eta eztabaidetan parte hartu zuten hizlarien kopurua ehunetik gertu egon zen. Topaketa honetako ondorio nagusia izan zen Demokrazia Komunalaren aldeko Nazioarteko Sarea osatzea, honek zortzi herrialdetako pertsonez osatutako talde eragilea izanda. Herrialde hauek Brasil, Kurdistan, Argentina, Italia, Venezuela, Països Catalans, Txile eta Euskal Herria dira, hain zuzen ere.

Demokrazia Komunalari buruzko Nazioarteko II. Kongresuaren egoitza Txile izango da, 2022ko urriaren 21, 22 eta 23an garatuko dutelarik. Honen parte izango da Euskal Herrian sortzen ari den sarea. Aurtengo helburua lurralde ezberdinetako sareak osatzea eta nazioarteko koordinazioa sustatzea baita. Nazioarteko sareak maila lokalean garatzen ari diren ekimenak laguntzeko, sarea sustatzeko txosten-zirriborro bat argitaratu berri du eta honetaz gain, urriko kongresura bitartean, hurrengo bateratzeak planteatzen ditu: ekainean, nazioarteko jardunaldia online, eta irailean sareko kide diren herrialde bakoitzean nazio topaketak.

Hori dela eta, otsailaren hasieran Gasteizko Auzo Askatuan burututako lehenengo bileraren helburu nagusia Euskal Herriko sarea eraikitzea izan zen. Honetan ez zen hartu erabaki irmorik sarearen forma edota honek landuko dituen edukiei buruz. Hala ere, oso interesgarritzat jo zuten ikuspegi komunalarekin bat egiten duten pertsonen artean saretze bat bultzatzea eta bide batez, honen inguruko edukiak, prozesuak eta eztabaidak garatzea.

Honetarako beste bi asanblada daude antolatuta. Hurrengoa martxoaren 19an arratsaldeko lauretan Donibane Garaziko Gaztetxean izango da. Hirugarrena eta azkena, aldiz, Nafarroa Garaian egingo dute maiatzaren erdialdean. Bilkura hauen ondoren, ekaina aldera sarearen izaera eta forma iragartzea espero dute. Bitartean, Demokrazia Komunalaren Nazioarteko Sarearekin lotura organikoa mantenduko du Euskal Herriak.

Bide hau elkarrekin egitera gonbidatu nahi dituzte sarearen ideiarekin konektatu eta identifika daitezkeen pertsona eta mugimendu guztiak.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Euskal Herrian eta munduan demokrazia komunala saretzen” bidalketan

  1. Hemen eta honetan bada planteamendu interesgarriaz harago ezinbestekotzat hartu behar genukeen ekimena, agian.

Utzi iruzkina

Azken artikuluak