Mundua kartzela al da?
Geopolitikan aditu bati berriki entzundakoaren arabera, Saudi Arabia ez da Palestinaren alde lerrokatzen Israelek eraiki nahi duen eta Gazatik – edo Gazatik gertu – igaroko den Ben Gurion kanalean duen interes handiagatik. Gogoratu behar da kanal horrekin, obra amaitzean, Suez-ko ubideaz gain bide berri bat irekiko litzatekeela zetaren ibilbidean. Irekiera horrek eragin komertzial handia izango luke, Israelek Asiako ekialdetik datozen produktuak igarotzeko beste bide bat kontrolatuko lukeelako.
Bestalde, AEBk Israel Rafah-ko lurralde palestinarrean sartzea onartu du. Horrekin, Israelgo armada sionistak eragingo duen sarraskia baieztatzeaz gain, gezurtatu egiten da Netanyahu kartzelara joateko aukera, Rafah-n sartu ondoren bahituak askatzen ez baditu.
Horrez gain, Europar Batasuna botere gorenen menpe egoteak, hau da, korporazio handien edo Amerikako Estatu Batuen menpe egoteak, Palestinaren alde esku ez hartzea ekarri du.
Azaldutako guztiak pentsarazten dit mundua aire zabaleko kartzela handi bat bihurtu dela, elite deituriko talde anker baten nahierara dagoena. Azken hori, nahiz eta orain oso agerikoa ez izan, diru digitalaren martxan jartzearekin nabarmenagoa izango da; izan ere, aukera hori aprobetxatuko dute batzuek, besteak beste kontrol soziala areagotzeko, boterea handitzeko eta kapitalak gehiago kontzentratzeko!
