Ba al dago aterabiderik?
Egunetik egunera argiago daukat Nazio Batuak pentsatuta daudela hiritarrei sinetsarazteko badirela mekanismo eraginkorrak munduan liskarrak eragozteko, baina errealitatea bestelakoa da, beren funtzionatzeko moduarekin liskarrak areagotzen uzten dituztelako.
Pentsatzeko modu hori ez da nire irudimenaren emaitza, oinarri sendoa du, XIX. mendetik aurrera gerrak kapital pribatuekin finantzatzen baitziren, eta, beraz, orduz geroztik negozio handiak ziren.
Azken liskarrei erreparatzen badiegu, hau da, Saharari, Ukrainari edo Palestinari, konturatzen gara Nazio Batuak ez direla gai nazioarteko zuzenbidea irmo defendatzeko. Gauzak horrela, gerra eragiteko teknika hurrengoa da: komunikabide handien oniritziarekin, aurrez aurre dauden aldeen harremanak hondatzen uzten dituzte, gehien sufritzen ari den pertsona-taldea lehertu arte. Horrek kontrako erasoa dakar, Gaza-Palestinan gertatu den bezala, azken urtean Israelgo armadak odol hotzean hildako gazte palestinarren kopurua 200 baino gehiago baitzen. Puntu honetan, zehaztu nahi dut orain arte aipatutako guztiak loturarik ez duela Israelek Hamas erakundearen erasoa aldez aurretik ezagutzearekin ala ez ezagutzearekin, edo aitzakia ezin hobea izan ote den Gazako zerrendan garbiketa etnikoa egiteko edo gai garrantzitsuren bat estaltzeko.
Beraz, galderak askotarikoak izan daitezke: funtzionamendu oneko Nazio Batuen Erakunde bat merezi al dugu? Baiezkoan eta hori horrela bada, zergatik funtzionatzen dute gaizki Nazio Batuek?
Nazio Batuen Erakundea erabiltzen dute beren arma-negozioak sendotzeko
Hasteko, esan behar dugu erakunde horretan bost herrialdek bakarrik dutela beto eskubidea segurtasun kontseiluan: Erresuma Batuak, Txinak, Errusiak, Estatu Batuek eta Frantziak. Beraz, argi dago Nazio Batuek egitura antidemokratikoa dutela. Gainera, bost herrialde horiek munduko arma fabrikatzaile handienak dira.
Oso tristea da esatea, baina herrialde horiek Nazio Batuen Erakundea erabiltzen dute beren arma-negozioak sendotzeko, eta, azkenean, beren interesak pertsonen interesen gainetik jartzen dituzte. Uste dut gurpil zoro honekin amaitzeko modu bakarra horretaz jabetzea dela, eta horretarako ezinbestekoa da herriak bere informazio-iturriak izatea.
Argi dut, Gobernuak zenbat eta handiagoak, eremu handiagoa hartzen dutenak alegia, txarragoak direla ezinbestean.
Hori egitura sozial piramidalen ezinbesteko ezaugarri bat dela, ustelkeri zein agintekerirako berezko joera duelako.
Beraz zenbat eta urrutiagoko eta handiagoak izan gobernuak, zapaltzaile eta bortitzagoak.
Buruaskitasunean oinarrituriko Independentzia eta Burujabetza edonon eta edonoiz!
NBE, “ONU” : 200 estatuak;
munduan:
5.000 nazioak!