/ Zigor Garro
Gizarte berri bat eraiki nahi dugu, bizikidetza unibertsalerako modu berri bat, non herriek beren burua gobernatzen duten, eliterik gabe, inposaketarik gabe, inolako gorputz armaturik gabe, ondo antolatuta.
Apirilaren 23an eta 30ean hitzaldiak egingo dira Goizuetan, Nafarroan.
Egungo kaos egoera honi etekina ateratzen dihardutenek, pentsamendu bakarreko totalitarismo globalista politiko eta ekonomikoek, komunikabide manipulatzaileek, eta Big Pharmako atzapar dogmatikoek, erabateko kontrolpera makurtutako gizarte beldurtu, itsu eta esklabu berri batera eraman nahi gaituzte.
Munduko Ordena Berriaren diseinatzaileek ingenieritza soziala erabili dute hiritarrek normopatak bezala joka dezaten, alegia, modu pasibo eta akritikoan normaltasun berria onartu eta defenda dezaten. Gaur egun normopatia gaixotasun kolektibotzat har badaiteke, gure indibidualtasuna landu, benetako informazioa lortzeaz arduratu eta pentsamendu kritikoa sustatzeari ekin behar diogu, men egin barik ondo diseinatutako anormaltasun honi.
