Teknologiaren aurrerapen bortitzaren, energiaren garestitzearen eta materialen krisiaren aurrean, zer egingo dugu? Nola eragingo dio gure mugikortasunari petrolioaren eskuragarritasun ezak? Prest al gaude soldata baten truke heriotzaren hastapenetaraino lan egiteko? Osotasunean bizitzeko, geure arteko harremanak zaintzeko eta maite dugun horretan aritzeko astirik izan gabe? Beharbada hobe: gutxiago lekualdatzea, hemen eta orain bizitzea, eta gure denbora geure bizitzak zentzuz betetzen dituen horretan ematea.
Gai hauei eta beste batzuei helduko diegu Hausnarketa, musika eta gastronomia jardunaldi landatar eta autogestionatuetan, abenduaren 6an, asteazkena, Iltzarben (Olloko Bailara, Nafarroa Garaia), 10:30etik aurrera.
10:30 Harrera
11:00 Hausnarketarako gune irekia (Open Space)
14:00 Bakari autogestionatua (ekarri eta partekatu osasungarriak diren elikagaiak)
16:00 Jarraipena…
19:00 Marmeemanaldia (Jam Sesion)
Interesa duen oro ongi etorria!
Izen-ematea (ez derrigorrezkoa, baina bai eskertzekoa): gigiltzarbe@gmail.com edo 616170897 (Haizea)
Eneko Imanol Vázquez Elizari eta Haizea Urtasun Rosano
Euskaraz izango da ala gazteleraz?
Gune Irekiko filosofiari jarraiki, bakoitzak sentitzen duen bezala hitz egitea da asmoa.
Neure proposamenean, “Artearen arteaz, errexistentzia!” izendatu dudana, jasotako abestiak (Laboa, Su Ta Gar…) euskara hutsean dira, eta hausnarketa ahalik eta parte hartzaile gehienentzako bideragarri egiteko, gaztelera eta frantsesezko itzulpenak jaso ditut.
Beste edozein zalantza, galdetu lasai, Asier, eta ea bertan ikusten garen, Constitución Española egunerako plan politta iruditzen zait!
Plan polita dirudi bai, ea nolakoak datozen egunak eta tartea hartzeko aukera dugun.
Zer moduz ibili zarete?
Ze ekarri eta piztu du topaguneak?
Jakiteko irrikitan!
Esker mila!