Idazki honen bitartez, datorren asteazkenean, abenduak 6, Iltzarben (Olloko Bailara, Nafarroa Garaia) 10:30etatik aurrera Erresilientzia energetiko eta laborala gaia lantzeko Gune Irekiaren formatupean ospatuko ditugun Hausnarketa, musika eta gastronomia jardunaldi landatar eta autogestionatuei buruz bi kontu aipatu nahi ditut.
Lehenik, Euskalerria Irratian iragan ostiralean egin zidaten “elkarrizketa” hartan esateko denborarik izan ez nuena (denbora gehiago izan baininduten entzutezko publizidadea pairatzen ezeri buruz hizketan baino): Euskal Herriko edozein txokotako (edo urrutiagoko) lagunak ongi etorriak izango zarete jardunaldietan eta, baita, nahi izanez gero, bezperatik etxean ere (gelak eta metroak soberan daude, lotarako beharrezkoa dena ekartzearekin aski).
Bigarrenik, egun horretan EGIOGI LAGUNAK waxap taldean (egiazki, “waxap komunitate” izendatua den horietakoa da, alegia, Andoni ta biok bidalitako mezuak soilik jasotzen direlarik bertan) igorriko dudana Independenteako lagunekin ere partekatzeko probestuko dut. Hortxe doa:
Abenduak 6 den honetan
gauza bi nahi dizkizuegu erran.
Lehenik, ahantzi ohi baitugu, sarritan,
bi direla, era berean, zapaltzaile zuzenen estatuak benetan:
Utikan! Utz! Putz! Dena Ifrentzuz [abestikulua: https://independentea.eus/ifrentzuz/ ].
Bigarrenik, jai egun inposatua izaki,
gaurkoan gehienok*
(* Oharra: gogoan zauzkagu, lubakietako Patxi; gonbita, hementxe: utzi kartazal danak jausten, egin daitezela hoixe, erori; atera bedi lur azpitik lagun dugun hori, ahal izan dezan gurekin etorri, eraikiaz askatasunerantz Zubi –no te Rías-).
indar-denbora-duintasuna salgai jarri beharko ez dugula kontuan izaki,
10:30etatik aurrera Iltzarben egongo garela [kartela: https://drive.google.com/file/d/1kD-yMcxKFprhOOstG1tiq0vvPA5N2fSv/view?usp=sharing]
Sentitzen, hausnartzen, partekatzen.
Aizkoraz, eztiki.
Eta bertan Egiogia [info +: https://drive.google.com/file/d/1WLd0YkvENvXllGD3oGhn-XRUsHaSwrZA/view?usp=sharing] dastatzeko aukera izango dugula.
Ez gurea ez beste inongo herrirena ez den
Estatu Constituziorik ospatzeko asmorik ez baitugu, noski,
baina bai gure bideari ekin eta bizitzak konposatzeko konprenitu beharrekoak
ikusten hasi izana,
kontuaren korapiloa koskan kokatuz,
eta apurka askatuz,
poliki,
emeki.
🍞🔥🖤
Andoni eta Haizea
PD: ostirala 8an ere ez dugu deus ospatzeko, hortaz, gogorik baduzu ogia jateko, idatzi 616170897ra (Haizea), turboteknologiaren alderdi baikor bakanetako hau bitarteko.
Besterik ez oraingoz. Bertan elkar ikusteko itxaropenez, agur bero bat guztiei.
Abenduaren 8a, AMA GUZTIEN eguna,AMA BIRJINA, birjina ARATZ ulertuz, AMA GUZTIAK baikara ARATZak; umea erditu dugunak, baita ANTZUAK garenak ere. Maite zaituztet, guztiak.
Aaa. Ulertzen dut, BAdaukagula zer ERRESKATATUOSPATU esan nahi duzula. Kontu horren berririk ez nuen…
Eskerrik asko, Maite, argizpibide hori oparitzeagatik!
Ahalko bazenit info + bidali, eskertuko nizuke (616170897 edo urrohaizea@gmail.com).
Bestenaz, inbestigatzekeetan gordeko, halakoren batean ekiteko.
Ondo izan!