‘COVID 19ak 5 urte’ serieko artikulu guztiak esteka honetan
“Covid-19ak bost urte” artikulu saila argitaratu berri du Berria-k (2025, otsaila). Bertan, besteak beste, gaixotasunaren sintomez eta efektuez ari zaizkigu kazetariak. Epidemia nola hedatu zen eta nola kudeatu zen kontatzen digute. Akatsak izan ziren, noski; politikariak ez ziren beti behar zuten alturan izan; gazteen nezesidadeak ez ziren beti kontuan hartu…
Gaitz haundiaz: OMEren iruzurraz, farmazia-industriak perbertitutako zientziaz, txerto esperimentalez… hitzik ere ez.
Ez nuen norabide-aldaketarik espero, ezta deus gaizki egin izanaren aitortzarik ere. Baina bai: zerbait zuzenketa, zerbait ñabardura edo zerbait arrasto berri, boz kritikoei toki pixka bat uztea bederen.
Ematen diren txertoek korona birusetik babestu egiten dutela sinistarazi nahian segitzen dute… Pasatakoak pasa, ez dute dudatan jartzen edo ezezten… ezta, portzierto, argi eta garbi baiezten ere (badaezpada: babestu egiten dira). Korronteak daramatza…
Ez dira inozoak: txerto horien bertute osagarrietan ez dute sinisten
Ez dira inozoak: txerto horien bertute osagarrietan ez dute sinisten. Gaitzak harrapatuta dauzka.
GIORGIO AGAMBEN-i, itxialdian, demonioak agertu zitzaizkion. “Demonioak historian aktuatzen, eta endemoniatuak haiei itsuki jarraitzen, aingeruak betiko urruntzeko alferrikako saioan”.
Endemoniatuak?… Nahasgarri zaigu morroion izaera. Egin zutena egitera zerk eraman zituen, konjeturak egiten ditugu. Kosta zaigu ulertzea.
Endemoniatuak: gaitza arimaraino sartu… agintarien esanei otzan-otzan men eginda populazioa sakrifikatzera irits daitezkeenak.
Ulertze bidean, Jordi Pigem-ek (Tècnica i totalitarisme) ematen digu beste pista bat (berak, aldiz, demonioez ari):
“El propòsit del mal radical no és tan sols l’explotació dels altres, sinó una cosa encara més perversa. El seu principal propòsit no és aprofitar-se dels éssers humans, sinó degradar-los”.
(“Erabateko gaizkiaren xedea ez da besteen esplotazioa bakarrik, zerbait oraindik perbertsoagoa baizik. Bere helburu nagusia ez da gizakiez aprobetxatzea, haiek degradatzea baizik”).
ENDEMONIATUAK: “zibilizazioaren gailurrean” direnak (mundu desmaterializatuaren abangoardian; onenak dira, ideiarik abantzatuenak dituzte), eta… bertan bahituta daudenak.
Erraietaraino sartu dira ixtorian, hil ala bizi sartu: nekez aterako dira.
Endemoniatuek badakite, intimoki jakin, gaizkian ari direla (noski, demonioen eskutik). Ezin dute, baina, esan. Ongiaz betetzen dute ahoa. (Bizioak Bertuteari ordaintzen dion saria omen da hipokrisia.)
Halako batean, Covid-aldiaren hasieran, erabaki bat hartu zuten (lehenago, gillets jaunekin har zezaketen; orain, parke eolikoekin edo gerrarekin har dezakete)… Eliteen aldeko erabakia, beraz… Erabaki hori, behin hartzea nahikoa izaten da. Ez baitu atzera-bueltarik izaten. Gero, joan dijoa, isurian dijoa; behar badu, etsaia akabatzeraino dijoa (Berria-ko kazetari batek, 2021eko abenduan, substantzia pozoitsu haiekin txertatu nahi ez zutenei que les den pasaporte opatu zien).
Erraz aski sartzen dituzte etsaien zakuan deseroso zaizkienak. Denbora berean, baztertuen alde mintzatzen dira
Eurak “ongi” ari direnez gero, nor ari da, ba, gaizki?… Etsai bat fabrikatzen dute: “atzerakoia”. Aurrean Trump, Musk, ultrak paratzen dituzte. Erraz aski, haien zakuan sartzen dituzte errebeldeak, hezigaitzak, periferietako pobreak, deseroso zaizkienak… Eta bai, denbora berean, baztertuen, etorkinen, emakumeen alde mintzatzen dira (horrek behar du, bai, hipokrisia). Izan, Trump-eta ez baina, erresistenteak, buru egiten dietenak, jende txikia… dituzte benetako etsaiak.
Nola egingo dute ba atzera, arma biologikoz herritarren injekzio masibo unibertsala bultzatu zuten berberak eta beraien morroi mediatikoak?
Kontatzen dutena, izkutatzeko eta ez bistaratzeko diseinatua dago beti. Baita EEBB-etako Kongresuaren txostena bera ere, jakina.
“Berriak” ez du ezer berriarenik, gezurra oso kontu zaharra da eta.
Gertatutakoaren larritasunaz ez gara jabetu nahi eta guzti horren ostean dagoenaren benetako izateaz, are gutxiago. Hortik bakarrik ulertzen da hilerriko isiltasun hau eta martxan dagoen sarraski paregabeaz inon ez hitz egitea. Zer esanik ez exterminio gerra honen beste frente batzuetaz, biologiko-sanitarioaz aparte. Usaindu ere ez nahi.
Alderdikrazia ta $i$temaren ‘ezkerrak’…
milesker Pablo
Nik ere uste dut nekez aterako direla muntatu duten ixtoriatik. Haien identitatea dela esan dezakete ia.
“Mundu desmaterializatuaren abangoardian; onenak dira, ideiarik abantzatuenak dituzten” horiek… gogora ekarri didate Euskal Herria Digitalaren inguruko pertsonaiaren bat edo beste. Non sartu dira? Txertoak mingaina jan die? A, ez, sare digitaletatik (hain maite dituztenak) alde egitea erabaki dute eskuindarrak direlako, jajaja.
Gezur berri bat COVID IRAUNKORRA, honen bidez txerto genetikoen eragin kaltegarriak izkutatu nahi dituzte. Ikusi zerrendatu dituzten sintomak eta Karina Acevedoren liburuan agertzen diren gaixotasunak, bere garaian Independentean argitaratuak eta Bizitzatik ere zabalduak.
Berriz ere euskarazko egunkari bat erabilia,birritan. Hau Egunkariarekin egin zigutena baino larriagoa da, makurragoa, umillazioa, bortxaketa. Hobe Berria ere itxiarazia horrela erabilia baino, zalantzarik gabe.
Oraindik gezurra esaten digute, oraindik koldarkeria benetan nazkagarria da, oraindik, entzuten dudanean “COVID iraunkorra daukat” edo “asintomatikoa naiz”, ezin naiz isilik geratu eta esaten diet: serioski sinisten al duzu esaten ari zarena??? Imajinatzen al duzu edozein pailazo medikutxok esango balizu “minbizia duzu, baina asintomatikoa zara”??? Zer pentsatuko zenuke??? Adarra jotzen ari zaizkizula, ezta??? Ba hori, pentsazazu ongi hitz egin aurretik.