Erditze-jaiotzeko azken fasea den kanporaketa da oxitozina hormonaren edo, Michel Odent obstetra frantziarrak izendatu zuen bezala, maitasunaren hormonaren gailurrik handiena eman daitekeen klimaxa, adrenalina desaktibatuta baldin badago, jakina, bi hormonak antagonikoak baitira, hau da, bata igotzen bada bestea beherantz doa eta alderantziz, bata jaisten bada bestea igotzen da. Hormona hauek eta beraien arteko antagonismoa erditzean eta jaiotzean agertzen dira, baita gure bikotekidearekin gorputz-topaketan sexu-harremanak ditugunean ere. Egoera bietan hormona berberak daude jokoan. Bestela esanda, erditzeko azken fasea den kanporaketan dago emakume baten orgasmoaren gailurrik handiena.
Ez da kasualitatea belaunaldi eta belaunaldietan emakumeak une horretan lokarrarazi izana; are gehiago, gehienetan emakumeak gara anestesiatzeko eta sentipen horietatik deskonektatzeko eskatzen dugunak…
Zerbait basatiki orgasmikoa bada, hori erditzea da. Garrantzitsua da hori jakitea, belaunaldi askotan ahaztuz joan garena hurrengo belaunaldiak gogoratzen eta aktibatzen joan daitezen; izan ere, erditze-jaiotze bakoitzean MAITASUN eta POTENTZIA uholde itzel bat dago eskuragarri erditzen den emakume bakoitzarentzat eta jaiotzen den haur bakoitzarentzat.
/ © Jodi Hall Photography
Ainoa Astiazaran Bilbao
Psikologoa, Giza biografia, ama. Sodupe
Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >
Honen harira
/ Oihane Hane
EMAKUMEAREN ZAPALKUNTZA
Esan dizkidatenak
/ xot
SORTU ETA HAZI
Funtsezkoa, patriarkatua gainditzeko ere!
Gai honi buruz Casilda Rodigáñezek eta Ana Cachafeirok idatzitako liburu oso interesgarri batean gauza batzuk kontatzen dituzte eta uteroa aipatzen dute orgasmo eragile bezala eta horrekin batera agindu eta dogma patriarkalek nola lortu duten utero horren uzkurdura eta orgasmoetarako baliogabetzea, badakizu, minez erdituko zara sententzia biblikoa. Gai potentea eta azaleratu beharrekoa. Casilda idazle nekaezina da gai honekin.
Benetan interesgarriak dira, edonorentzat, Gorkak aipatutako lanak:
“La represión del deseo materno y la génesis del estado de sumisión inconsciente” ( https://traficantes.net/libros/la-represi%C3%B3n-del-deseo-materno-y-la-g%C3%A9nesis-del-estado-de-sumisi%C3%B3n-inconsciente )
eta
“El asalto al Hades. La rebelión de Edipo” ( hementxe PDFan: file:///C:/Users/Usuario/Downloads/El%20Asalto%20al%20Hades%20Casilda%20Rodriga%C3%B1ez%20Bustos.pdf )
Halaxe da, Ihintza, eta Casildaren webean testu eta irudi gehiago dago, denak oso interesgarriak. Zuk aipatutako biak izugarri interesgarriak dira, lasai eta sakon irakurri ezkero bizitzare ikuspegia errotik aldatzen dizuten horietakoak. Esanguratsua da: “génesis del estado de sumisión inconsciente” esaldia.
Institutuetan landuko ez diran beste liburu garrantzitsu batzuk gehituko ditut etorkizuna eralda dezagun Independentearen bitartez.
Michel Odent obstetraren:
– El bebé es un mamífero.
– Las funciones de los orgasmos.
Imajinatzen duzue Casilda eta Michel Odent lantzen dituzten institutuak dituen gizartea? Sortu beharko dugu…