Gezurra badirudi ere, sineskeria aro berritu bat bizi dugu. Gezurra dirudiela diot, Zientziak argitutako garai loriatsua omen den honetan, gizateriaren iragan osoa jakinduria ukaezinaren jabetza harrotik begiratzen dugulako. Hala hezi gaituzte.
Sineskeria berriek, dogma fanatikoek bezala, guztion atxikimendua behar dute. Orain klima aldaketa modan ezarri digutenetik, temati dabiltza ukazionisten bila aditu zein jarraitzaileak. Badirudi aldaketa klimatikoa zalantzatien edo ukazionisten errua dela, haiek konbentzitu ezean apokalipsiak aurrera egingo duela ezinbestean.
Eta benetan ez dut ulertzen non dagoen errua, neu behintzat geroz eta mesfidatiagoa naizelako jasotzen ditugun “informazioez”. Kobidaren ondorioa da neurri handi batean, agian adinak ere badu zerikusirik, gortzen, itsutzen eta gogortzen joaten garen bezala, agian sinesteko giharra uzkurtzen doakigu.
Kobidianoentzat, fedegabeek neurri salbatzaileen baliogabetzea eragin dezakete. Baina klima katastrofistentzat zer axola sinistu ala ez sinistu?
Baina garrantzitsuena deritzodana da, nik horretan sinistu ala ez, ez dela ezer aldatzen, beste guztion sinesmenak bezala, klimari bost. Erlijoentzat, fedegabeek jainkoa mindu dezakete eta asaldatu, haren mendekuak denok kaltetuko gintuelarik, horregatik behar da gurtze ariketa publiko eta bateratua. Kobidianoentzat, fedegabeek neurri salbatzaileen baliogabetzea eragin dezakete. Baina klima katastrofistentzat zer axola sinistu ala ez sinistu, gure eragin pertsonala alde batera ala bestera hutsaren hurrengoa baldin bada?
Eskatzen, exijitzen ari zaiguna (h)agintarienganako fedea da. Kobidarekin eta erlijio guztietan bezala. Hagintariak, zientzialariak, dirudun eta boteredunak oro har dira kalte hori larriagotu edo arindu dezaketenak, guri geratzen zaiguna hoiei ‘like’ak edo ‘dislike’ak ematea da eta deituak garenean kirol hintxak bezala haien alde garruleatzera irtetea.
Neroni bost axola edota “hamaika”) hik eta nik klima-aldaketan “sinistea” edo ez “sinistea”.
Hain baita gauza EBIDENTEA!
Beste gauza bat klima-aldaketaz bilatzea betiko aprobetxategiak…
Baina hori betidanik gertatu da gizadian.
Baina beste hark esan zuenez….EPOUR SE MUOVE!
Hik Edo nik “sinestu” ala ez “sinistu” Edo ezin “sinistu”… Bost axola (edota hamaika).
Tira,
Klima-aldaketarena munduko tontorrak ere badakigu, SAPIENS-SAPIENS gizakiak…
Zeren zinez “inbezila” izan behar da norbere buruari “sabio-sabio” deitzeko!
Eskerrak GURE genomaren zati dexente bat neandertalarena daukagun.
NBE-ari dagokionez, txarrena ez da “inutila” dela, baizik eta elite oligarkikoa, OMS bezala, kasu.
Baina okerrena da geuk (guk GERAUOK) finantzatzen dugula.
Hau da, tontoak garena (SAPIENS-SAPIENS, sabio-sabio tuntunenak!)
Eskerrak NEANDERTALAREN grnoma zati bat kontserbatzen dugula.
Izan da, halere, tamainako zentzugabekeria rik GURE aldian.
Adibidez Franco generalak bere buruari “GENERALISIMO” deitzea (gramatikaz ere akatsa, izenari adjektibo bat ezartzea.)
Tira, inozo hutsa izan behar… Edo maltzur hutsa!
Ulergarria da diozuna, Asier, erlijio jainkotiarra izan edo erlijio laiko zientifista izan, azkenean eliteak gure beldurraren esnetik bizi dira. Haiek dira gure beharra dutenak dominazioa gauzatzeko baina haien beharra gure behar bihurtu dute eta aspaldi da pentsatzen dudala ez dakigula zer gertatzen zaigun. Ez edukitzeko bildurrez bizi den jendarte bat osatzen dugu eta beldur hori, nezesidade horiek oso ongi planifikatuak daudelakoan nago, izan herritar xume, izan herriaren izenean hitzegiten duen ordezkari sozialdemokrata, horregatik ez du inortxok ere hitzegin nahi desazkundeaz, horregatik asaldatzen gara gauzen prezioekin etc… Hain gaude beldurrez ehunduak pozoin kimiko ekoizpena bera gurtzen dugula. Larrialdi klimatikoarena gu larritzeko, politikari profesionalen euskarriak bermatzeko eta elite ase ezina gizentzeko erabiltzen dute. Herritarrok, neguko hotzaren beldur, oinarrizko sexualitateaz umezuhurtz eta desklasatuta ustez zorion-bidean. Nondik hasi monolitoa kraskatzen?
Ongi izan, Asier.
Agian zuzenketak egiteko tarterik hartu ez eta akats larri bat egin dut aurreko iruzkinean. Planifikazio zehatz batetaz mintzatu naizenean ez nuen esan nahi herritarrok edo ordezkari sozialdemokratak planifikazioaren ideologo garenik, irrist egin dit buruak, barkauko didazutelakoan nago.
Eta noiz izan da aldaketa gabeko klima?
Dudarik gabe, (H)agintariak eta Zientzia Zientifikoaren apaizak beren pulpituetatik prestatzen ari zaizkigun larrialdi guztiak ondo eramateko eta modu arrazional eta seguruan aurre egiteko, komuneko papera elementu garrantzitsua da.
Animo denoi!
Nobel saridun den John Clauser eta 1500 zientzilarik hau sinatu dute.
Zientzia kontrastatzea da.
https://cienciaysaludnatural.com/premio-nobel-john-clauser-asegura-que-no-existe-una-emergencia-climatica/
Bai Josu, ebidentea da klima aldatzen ari dela, orduoro, baina zalantzak sortzen dizkit horren gaineko errelatoak, zergaitiak, konponbideak,…eta batez ere arazo ekologikoa hortara mugatzeak.
Gorka, bai, manolitoa kraskatzeko ordua da, edo agian kraskatua dago jada eta denon artean eusten diogu gogotsu.
Ongi izan zeu ere Gorka, laister arte.
Aldaketa klimatikoarena kapital handiek erabiltzen dute merkatu gehienak bereganatzeko. Hari beldurrari esker sinestarazten gaituzte teknologia berriak (sostenibleak haien ustez) martxan jarri behar direla. Abetzain tradizionala suntsitu eta elikagaiak produzitzeko beste teknika hipermodernoak erabiltzea proposatzen dute, soilik haiek egin ahal duten inbertsioekin noski behar, horrela, elikagai-merkatua kontrolatzeko xedearekin. Beste alorretan, digitalizaioa erabiltzen dute kontsumo-produktuen merkatua haien eskuetan ere uzteko. Konbustible fosilak demonizatu eta horrela izorratu herrialde pobreen garapen ekonomikoa. Black Rock eta bere gisakoek horretan dabiltza, monopolizazio-prozesu hau lideratzen. Hau ez da ekologia kontua; beti bezala, dominio eta diru kontua da. Eta gure politikoek diruaren aztarna hori baino ez dute segitzen, ia denek.
Gogora datorkit gai konplexu honi lotuta, Greta Thunberg eta Fridays For Future. Gogoratzen?
Hau irakurri genuen interes handiz, 2019 bueltan, puri-purian zebilenean neskaren ingurukoa:
https://www.theartofannihilation.com/the-manufacturing-of-greta-thunberg-for-consent-the-political-economy-of-the-non-profit-industrial-complex/
Manipulazio mediatiko itzela azalareatzen zuen, gerora gobernuek korporazio handi batzuei itzelezko dirutza publikoa ematea txalogarri bihurtuko zuena.
Beste hau agertu zait ere (Greta without script/gidoia irakurri gabe):
https://www.youtube.com/watch?v=sohBiFEHl7s&t=9s. Nola tratatua izan da Greta? Zein dabil hura benetan/bihotzez laguntzen?
Marias Garizubietak dioenak duela hilabete pare bat BECen eratu duten Food4Future ekarri dit gogora. BFAk, Bilboko Udalak, Eusko Jaurlaritzak eta beste hauek guztiek sustatua: https://www.expofoodtech.com/partners/supporting-partners-expofoodtech.
Argia-n artikulu ugari eman zizkioten gaiari, esaterako Jenofa Behokoirigoinek, kazetarien akritikokeriaz kezkatuta, sinatutako hauxe (distopia, soluzio gisa?): https://www.argia.eus/argia-astekaria/2828/analisia