1.459 POSTUTAN EUROPAKO HIZKUNTZAK, ETA 459 POSTUTAN EUSKARA?
Elkarretaratzea egiteko deia egin dugu: 2025eko ekainaren 12an, ostegunean, 18:30ean, Nafarroako Parlamentuaren aurrean.
Nafarroako Gobernuak zehaztu du zer lanpostutan baloratu daitekeen hizkuntzak jakitea: Apirilaren 30eko 41/2025 Foru Dekretuan, argitaratu baitzen maiatzaren 8ko Nafarroako Aldizkari Ofizialean. Bertan ikusten denez, 1.459 postutan balora daiteke soilik ingelesa, alemana edo frantsesa baina EZ euskara, eta 459 postutan balora daiteke soilik euskara baina EZ ingelesa, alemana edo frantsesa.
Eta, bistan da, espainiera nahitaezkoa da kasu guztietan.
Iraingarria da, Nafarroan, lanpostu batean ingelesa, alemana eta frantsesa baloratu ahal izatea baina ez euskara, hau da, Nafarroako hizkuntza. Eta 1.459 lanpostutan jokatu dezake horrela Nafarroako Gobernuak.
Ongi iruditzen ez bazaizu, zatoz ekainaren 12an Nafarroako Parlamentuaren aurrera.
EUSKARAREN DEFENTSARAKO SAREA
2025-06-02
