Kaixo lagun; bihar astelehena martxoak 14 Caracasera noa dokumentuak instituzio ezberdinetara eraman eta instituzioren batean audientzia edo aurrez aurrekoa lortu guran. Venezuelako lehendakaritza, lehendakaritza ordea, kanpo harremanetarako ministeritza, arartekotza eta abar bisitatuko diut… Ondorengo egun hauetan aurrera pausurik ez badago, aste hau amaitu baino lehen, berriro ere Caracasen dagoen Espainiako Kontsulatu Orokorraren aurrean gose greba berrian hasteko oso aukera asko daude… Espainiako Estatuari nire nortasun juridikoa eskatzen zaio, hau da, pasaportea.
Pasaporteaz
eskubidedun
pertsona juridikoa
izan naiteke
Pasaporteaz eskubidedun pertsona juridikoa izan naiteke eta 13 urteko nire semeari dagozkion eskubideak ere transmititu ahalko nizkioke; nola nire seme izatearren dagozkion eskubideak eman, ni lehendabizi pertsona juridiko gisa onartzen ez banaute? Era berean, bada ere Venezuelako bidea bezala izendatu dezakegun beste bidea; “Errefuxiatu Izaera” onartu zidatenez, Izaera horrek beharko lukeen babesa eta laguntza emanez Venezuelako Nortasun Agiria izatera bideratuz; eta bide hau gaur egun bete ezinezko eskakizunekin blokeaturik dago; bainan borondate ona jarriaz desblokeatuko balute nortasun juridikoa lortzeko bide izango genuke…
Egoera honekin amaitu beharra dago; 9 urte linboan, nortasunik gabe, eskubiderik gabe, babesik gabe, bermerik gabe … Nire semea eta bikotekidea Euskal Herrian migrazio egoera irregularrean eskubideak urraturik… Horregaitik adi egoteko deia egiten dizuet; aste honetako lehen egunetan gauzak ez badira aldatzen, astea amaitu baino lehen Espainiar instituzio baten aurrian gose greban egoteko aukera aunitz daude… Zuen elkartasuna, babesa eta zabalkundea eskertuko dut!
Asier Guridi Zaloña
Euskal iheslari politikoa
