Bihar, asteazkena hilak 29, Donostian hitzaldia emango dute Baztango ERDIZ BIZIRIK eta Zizurkilgo ANDATZA-EZKELTZU BIZIRIK taldeek, arratsaldeko 7etan Groseko Okendo Kultur Etxean. Hitzaldi honetan, Erdiz Bizirik taldeko Antton Laurnaga eta Maria Goienetxe kideek Baztango Erdizko mendi-lurretan (Saioa mendialdean) Magnesitas de Navarraren harrobi-meategi berria zabaltzearen ondorio larriak azalduko dituzte. Haiekin batera, Zizurkilgo Ezkeltzu mendian Green Capital enpresak eraiki asmo duen zentral eolikoak kaltetutako abeltzain eta Andatza-Ezkeltzu Bizirik taldeko Ttale Lizarraga eta Ainhoa Gil kideek gure ingurune aski hondatuan eragiten duen proiektu hori bertan behera uzteko dauden arrazoien eta egiten ari diren borrokaren berri emango digute.
Hori dela eta, landa eremuaren defentsan egingo den hitzaldi honetara biltzeko eta zuen inguruan deialdi honen berri emateko gonbita egiten dizuegu.
(Antolatzaileekin harremanetan jartzeko telefono bat: 695715510).
