Kaixo! AHTren obrak Lezetxikiko koban eragindako txikizioari buruz espeleologo talde batek zabaldu duen salaketa dela eta, 2010 urteko apirilaren 2an AHTren aurkarien artean trukatutako mezu bat aipagarria da. Bertan txikizio horren inguruan orduan jakin genuenaz hitzegiten da.
Honela genion:
AHTren Karraskaingo tunelaren obran, Arrasasaten, topo egin duten lurrazpiko galeria handiari buruz trukatu dituzuen mezuak irakurri ditut eta gauza batzuk komentatu nahi dizkizuet:
- Karraskaingo Tunela “Arrasate-Elorrio” zatian dago.
- “Arrasate-Elorrio” Proiektu Konstruktiboaren dokumentuan (behin Angiozarko Mila-k CD bat pasa zidan), kapitulu batean informazio zehatza dakar AHTaren Karraskaingo tunelak nola Leze-Txikiko koban zuzuenean interferitzen duen: Besaide espeleologia taldeak eginiko Leze-Txikiko kobaren perfil bat erreproduzitzen du Proiektu Konstruktiboak, eta bertan erakusten du argi eta garbi nola LezeTxikiko kobaren sarrerarik 281 metrora barnealdean, AHTren tunela leze-zuloko galeriako sala handi-handi baten barrenetik igarotzen den. Marrazkia argia da eta ikusgarria. Kobaren perfila ederki agertzen du eta horrekin batera AHTren tunela.
- Litekeena da beraz aurkitu duten galeria LezeTxikikoa izatea (nahiz eta, agian, beste bat izan daitekeen, sistema karstikoen konplexutasuna kontuan hartuta). Jakingarria da, gainera, AHTren egitasmoak hasieran LezeTxikiko sarreran dagoen yacimiento prehistorikoa zuzenean kaltetzen zuela, eta horren aurrean 1998an alegazioak aurkeztu zituela Unibertsitateko Prehistoria / arkeologia irakasle batek (LezeTxikin azken urteetan indusketa arkeologikoak zuzendu dituenak, Arrizabalaga). Alegazio horri erantzunez, Fomentok trazadoa 200 metro desplazatu zuen mendi barrenera. Ondorioz, kobaren sarreratik 281 metrora kaltetzen du orain AHTk Lezetxikiko galeria…
Beraz, txikizio hori gertatuko zen jakinaren gainean egin zuten AHTren obra.
Izugarri beltza