Jon Eyherabide Hilabetea bukatu aitzin, Gatuzain argitaletxearekin batera, “Hamalau” izeneko liburu-diska kaleratuko dugu. Xabier Sagasta marrazkilariak eta Musde Pillikez raplariak lagundu dugu milurteko ipuin baten azalberritzea. Horra lehen kantua:
Non ezartzen dituk jasaten ahal ditukanaren mugak? Izerditan immunitate komunaren dantza, estresazko azidosiaren kontra irria, biok kontra kontra berreskuratzen ari gira guria.
Izan gaitezen artearen arteaz herrisistentzian den herri, maiatzaren leheneko oinordekook segi dezagun izorratzen, mozorroarekin edo gabe, dauden marrazo oro!
Ideia ustel, biral, konspiratzaile edo negazionistak, zurrunbiloaren begian nork ditu zigilatzen? Haizebegi batetik ditut uxatzen. Iruña-Veleian izan nahi nintzen arkeologo, bata xuriko maisu asko faltsutzelogo. Ez panika, PNVkoek erakutsi teknika, nola erabiltzen den pala mekanika.
Negazionista gehitu ene akatsen listan, koronazirko ta bere tele-mago-artista, interneten pitokeriz luzea da lista. Eskuin muturrak mugiarazten panpin konplotista, nik nahiago ene umeekin izan konpotista.
Izerdi nigar odolezkoa, ta ondotik kakazkoa. Zuzenean bihotzean bota aizkora, ganoraz bestenaz “Reset”era goaz, Covid 19.84. bihurtu baitute dute egiazkoa.
Jasan diagu kapitalaren eraso frontala, ordutik hautua diagu esklabo ala izaitea auzokoaren zipaio ergela. Onarpenaren eraikuntzan BFM patetiko, larrialdi egoera geratzen betiko. QR kodigoa txerta nahi digute giza arrastian, baina horra intsumituon abestia.
Okupatzaileetaz izan nahi nintzen independente, bainan etxean ere izan behar disidente.
