Europako Parlamenturako hauteskundeak egin berriak ditugu. Estatu espainiarrean % 50 baino gehiago abstenitu egin da eta Portugalen %65 inguru. Eta zer gertatzen da? Abstentzioa hauteskundeetan kontatzen da eta, praktikan, bozkaleen esku uzten du erabakia, nahiz eta abstenitzeko arrazoia protesta izan… Abstentzioak ez dio kalterik egiten, adibidez, legebiltzarkide bat duen alderdi politiko bati, baina boto zuriak, aldiz, kalte egiten dio alderdi txikiari berari. Beste aukera bat da boto baliogabea ematea.
Kolonbian, erroldatutako pertsonen % 51k zuri bozkatzen badute, hauteskundeak errepikatu egiten dira. Berriz ere gauza bera gertatzen bada (alegia, %51k boto zuria ematea), berriro errepikatzen dira, eta, berriz ere gauza bera gertatzen bada, hauteskunde-sistema pitzatu egiten da. Espainiako Estatuan agian gauza bera gertatuko da.
Beste aukera bat da programa zehaztuko duen alderdi politiko bat babestea.
Eguzkilore, Nafarroan, ez da Europako Parlamentura aurkezten, eta programa eta proiektu zehatzak ditu. Gure programa osatzen duten puntu batzuen laburpen labur bat aurkeztuko dizuet.
Eguzkilorek balioa ematen dio haurtzaroari, gizakiaren garapenaren garairik garrantzitsuena baita. Funtsezkotzat jotzen dugu, adibidez, Administrazioak haurren prebentzioa babestea, Osasun Sailak ospitalean edo etxean erditzeko aukera bermatzea, haurraren hiru urtera arte Administrazioak borondatezko eszedentzia ordaintzea, irakasle bakoitzeko ikasgeletako ratioak murriztea…
Multinazional farmazeutikoen kontrolpean ez dauden profesionalak nahi ditugu
Erabaki politikoak osasun arloko profesional independenteen aholkularitzan oinarritzea nahi dugu, multinazional farmazeutikoen kontrolpean ez dauden profesionalak nahi ditugu, pazientearen baimena errespetatzen dutenak, Nurenbergeko Kodean edo Oviedoko Hitzarmenean jasotzen den bezala.
Etxebizitzaren gaiari dagokionez, espekulaziorik gabeko alokairu-pisuak ateratzeko modu bat litzateke hauxe: gobernuek etxebizitzak erostea herritarrek inbertitzen dituzten bonuen bidez, inbertitzaileek etekin bat ateratzea eta Gobernuak etxebizitzak modu eskuragarrian eskaintzea, gazteek etekina atera ahal izan dezaten.
Batzarreek aginduko dute udalerrietan, eta errespetatu egingo da komunalak auzotarrenak direla
Zuzeneko demokrazia: erroldatuen % 5ek herritarrei galdetzeko aukera dute. Kontsultak erroldaren % 51ren babesa lortzen badu, Legebiltzarrak eta Jaurlaritzak aplikatzen dute.
Eta gure proiektuan jasotako funtsezko aspektu bat: Eguzkilore desegin egingo da Nafarroan udal ordezkariek eta alkate independenteek osatutako parlamentu bat lortzen denean. Batzarreek aginduko dute udalerrietan, eta errespetatu egingo da komunalak auzotarrenak direla.
Javier Pérez Cueva
Eguzkiloreko koordinatzailea
Horixe, $$multinazional farmazeutikoen kontrolpean ez dauden profesionalak behar ditugu!