herriBiltza

Aberri Eguna + esplotazioaren aurkako eguna = Maiatzak 1

Egun horretan Donibane Garazin ekitaldi bat eginen dugu; eztabaida, Herri Jantegia, bertsolerkiak eta ereitearekin.

2

Haizea Urtasun Rosano

Burujabetza kolektiboen aldekoa. Zuhatzu.

Hara hemen herriBiltzak Aberri Egunari buruz hartutako erabakia agertzen duen agiria:

Euzko Alderdi Jeltzaleak (Jeltzale = Jaungoikoa Eta Lege zaharra zale), lehen Aberri Eguna 1932an ospatu zuen, Pazko igandez, politika eta erlijioa uztartuz.

Pazko igandeak erlijioarekin duen loturagatik, Aberria beste egun batez ospatzea nahiago dugu.

Bestalde, gure ustez, Aberri Eguna nazionala izan behar da eta langileen esplotazio eza aldarrikatu behar du.

Gauzak hola, Aberri Eguna maiatzaren batean ospatzera deitzen dugu eta egun horretan Donibane Garazin ekitaldi bat eginen dugu.

Hala ere, Aberri Egunaren karietara GKS-k apirilaren 8an Baigorrin eta Jardun-ek apirilaren 9an Gernikan eginen dituzten ekitaldietan parte hartzera deitzen dugu.

herriBiltza

Gipuzkoan, 2023ko apirilean

www.herribiltza.eus

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Aberri Eguna + esplotazioaren aurkako eguna = Maiatzak 1” bidalketan

  1. Herri Jantegiarena oso ontsa, Haizea ama eta sukaldaria.

    Baina sartu zaizue buruan BAZKO/eguna erlijio katolikoari datorrela, eta ez da horrela, alajaina,

    Vaticano eta Yawheren aurreko ospakizuna dinagu,

    BAZKO, etimologikoki,

    *BOROA/ASKO edo ASKI erran nahi du.
    Nekez aurki dezakegu data hoberik Aberri Egunerako,,

  2. Aupa Josu!

    Jakin badakigu, kristauak ez ziren aitzinako euskaldunek udaberria ospatzeko egunak ilargiaren arabera finkatzen zituztela eta ospakizun horiek kristauek eraldatu eta berenganatu zituztela. Gauzak hola, Pazko Igandea kristautasunaren jai egun garrantzitsuena da. Kristauek, egun horretan Jesusen piztuera ospatzen dute, eta politika eta erlijioa uztartuz, Euzko Alderdi Jeltzaleak (Jeltzale = Jaungoikoa Eta Lege zaharra zale) Aberri Egunaren ospakizuna Pazko igandez finkatu zuen, berpiztearen ikurra bereganatuz (EAJ berak gaur egun dionez).

    Bat gatoz kristautasunaren aitzinako ospakizun horiek berreskuratu nahi dituztenekin, eta bide horretan herriBiltzak joan den martxoaren 19an udaberriko festa egin zuen (https://independentea.eus/asteburu-bikainaren-ondotik-hitzordu-berriak-apirilaren-1-eta-15ean/).

    Baina gure ustez, komeni da Aberria beste egun batez ospatzea, eta Aberria eta langileen esplotazioa bateraezinak direnez, Aberria maiatzaren lehenean ospatzea oso egokia iruditzen zaigu.

Utzi iruzkina, izen eta abizenez

Azken artikuluak