Igandean, irailaren 24an, hirugarren elkarretaratzea egingo da Zelatunen inguruko zentral eolikoen proiektuen aurka. 2000. urtean egun berean burutu zen elkarretaratzea, irailaren 24an.
2009. urtean, aldiz, maiatzaren 17an izan zen. Aurtengo deialdia Sañu bizirik-ek egin du eta eguerdiko 13:00ean izango da, Gipuzkoako Mendi Federazioaren babesarekin. Zelatun ikur bilakatzen ari da zentral eolikoen aurkako borroka honetan. Jendetza handiak bildu izan dira egun horietan, bertako erromeria eguna tarteko.
Pasa den irailaren 14an, Urolan eta Aramaion zentral eolikoak ezarri nahi dituen Statkraft enpresa salatu zuten Norvegian 150 maputxe komunitatek.
Pilmayken lurraldeko maputxe Williche komunitateek salaketa bat aurkeztu zuten Oslon Statkraft multinazionalaren aurka, beren giza eskubideak eta lurraldea eraso ditzaketelakoan.
Sañu Bizirik Uztarria.eus-en: Igandean Zelatunen elkarretaratzeko deia egin du Sañu Bizirikek
