Niretzat futbolean gertatu denak informazio mamitsua dakarkigu gizartean gertatzen ari denaz. Emakumeak yang esparruak edo norbere esparru maskulinoak konkistatzen ditugu futbolean irabaziz, harriak jasoz, enpresak zuzenduz… eta ez dakit zelako beste yang balentria ugari lortuz.
Beharbada burutu gabe dagoena, futbolaren kontu honek dakarkigularik, gizonek, eta baita emakumeek ere, gure yin esparruak edo esparru femenino propioak konkistatzea izan daiteke. Esaterako sentsibilitatea, samurtasuna, norbere buruarekiko eta norbere gorputz sakratuarekiko errespetua eta, hedaduraz, ingurukoekiko eta haien gorputz sakratuekiko errespetua….. Badirudi egiteko hau oraindik nahiko berde daukagula.
Era berean, norbanakoak gure polo biak, yin eta yang poloak, integratzera deituak gaudela ematen du, ez bata ez bestea gutxietsi gabe…
Beraz, jarrai dezagun gutako bakoitzak, bai gizonak eta bai emakumeak, hau guztia integratzen, bakoitzak tokatzen zaiona garatzen eta konkistatzen, bizitza hobe bat zain baitaukagu, elkar askoz hobeto ulertzeko: potentzia handiagoarekin bizitzea, bai, baina harmonian, maitasunez eta errespetuz, mesedez. Beste era batera esanda, yang poloa bai, baina yin poloarekin batera, mesedez.
/ eme
Ainoa Astiazaran Bilbao
Psikologoa, Giza biografia, ama. Sodupe
Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >
Eskerrik asko zure ikuspuntuagatik Ainoa. Aferak Elosun arrapatuko bagintuen solasaldi interesgarriagoetan sartuko ginatekeen, ez medioetan bezela.
Total ados Ainhoa
Baiii!
Ginergiarekin ! !
Bakarrik yang polo, arazo potolo
Hobe garatu pixkat ying, elkar errespetuakin
Nik ere asko gogoratzen dut Elosun bizitako magia, aberastasuna, solasaldien ikusmira zabal eta sakona, bizi-poza, sua, sormena, talentuen partekatzea, bizitzaren sinpletasuneko potentzia, bakoitzaren altxorrak partekatzeko gogoa, binkuloekin hazteko aukera…
Sorioneku gu!!!. Besarkada bat baraualdi kideok!
Txar guztia zerbait on, on gutzia zerbait txar. Gim eta Jan.
Bai, ze era berean futbolaren inguruan pertsona asko emozioak adierazteko askeak sentitzen dira: poza, amorrua, maitasuna adieraztea elkarri, hauskortasuna erakustea… ondo legoke erraztasun hori modu orekatuan beste esparru guztietara zabaltzea.
Eskerrik asko Aino, beti be, zeure ekarpenagatik
Zeinen ongi, egoki, azaldu duzun! Esker anitz Ainoa Maitea!