Bertsolaritza

Tabua hausten: milesker Amets Arzallus !

Lau minutu eskaseko agerraldi hunkigarrian, Covid pasaporteak sortzen duen jendarte zati baten bazterketa agerian utzi du lehenik. Adibide adierazgarri gisa, egun horretan, paserik ez zutelakoan, Asteasuko saiora sartu ezinik egon diren bertsozaleak gogoratu ditu

5

Jasone Iroz

Kazetaritza–Komunikazioa. Natura maitalea. Hendaia

Asteasuko plazan, pasa den abenduaren 26an, 13-13 epaiketari ez! izenburupean antolatu bertso saioan, Amaia Agirre gai emaileak Covid gaiaz aritzeko luzatu dion aukera baliatu du Amets Arzallusek, euskal kulturgintzan tabua hausteko eta gai korapilatsu bezain minberatsuaz ikuspuntu ausarta emateko.

Lau minutu eskaseko agerraldi hunkigarrian, Covid pasaporteak sortzen duen jendarte zati baten bazterketa agerian utzi du lehenik. Adibide adierazgarri gisa, egun horretan, paserik ez zutelakoan, Asteasuko saiora sartu ezinik egon diren bertsozaleak gogoratu ditu, horiekiko sentitzen duen ezerosotasuna eta elkartasuna adieraziz.

Txertoaren obligazioaren tabuaz, euskalgintzan sortu den epaitegi aretoetako giro goibelaz eta, akusatuen aulki deserosoan, mikro aurrean jartzearen beldurraz sortu ditu ondoko errimak.

Burua ere entregatzea ez al da gehitxo izango?

Hamaika sasiepailek ez txertatuei jarri dizkieten egoista edo insolidario bezalako etiketak itsatsi ditu ere agerraldian, epaien ordez, ezberdin pentsatzen duten jendeekiko errespetua eskatuz.

Bukatzeko, big farmari konfiantza osoa ematen diotenak eta gurea bezalako herrietan arbasoengandik jasotako aspaldiko ohitura eta artatzeko modu naturalekiko interesa dutenak bi bandotan jarri ditu bertsulari handiak. Gure gorputza inongo dudarik gabe entregatzea exijitzen diguten horiei burua ere entregatzea ez al da gehitxo izango? galdera sakon bezain zabalarekin bukatuz agerraldi zirraragarria.

Burua, bihotza eta arima, farmako-fandango baten truke entregatu nahi ez ditugun herrikide askoren izenean, milesker Amets, bihotzez. Milesker krisi sasisanitario hunen ondorio larriak, anitzak, oholtzaren argian jarririk, tabu pizu hori leherturik, eta gogoeta honi enfoke ezberdina, kritikoa, ezinbestekoa emanik …

Omikron aldaeraz harago, mikrofonoaren kalanbreak sor dezala herri huntan gogoeta kutsatze intzidentzia tasarik altuena!

(Euskadi Irratiarentzat egin kronika baten egokitzapena)

Hemen Amets Arzallusen bertsoak:

Ni medikuntza fakultatera ez bait ninduten igorri
Neri ez galdetu zenbat zelula ta zenbat globulu gorri
Baina halere bazterketarik ez diot opa iñori
Zer nahi esanka hor ibili naiz pase inposatu horri
Ta azkenean beste aldean aurkitzen zara zerori
Orain txertorik ez daukatenak, saiora ezin etorri

Ta horrek ez nau eroso uzten, bidea hain zait alanbre
Baina, txertoa tabu izanda, mikroa dena kalanbre
Ni adibidez batere gabe etorri naiz gaur suabe
Eta ez esan neri egoismo eta insolidaridade
Hemen ahal duna egiten du nornahik bakoitza bere hautu jabe
Eta ahal bada bizi gaitezen besteak juzgatu gabe

Bakoitzak bere iritzia du, bere lur ta bere bando
Ni arbasoez gogoratzen naiz; zer ote zuten esango
Jakituria zabal bat zuten eta kriterio frango
Orain ez orratz, ez sendabelar, dena farmako-fandango
Entregatua dugu gorputza; lepo, soin, beso ta zango
Burua ere entregatzea ez al da gehitxo izango?

Amets Arzazllus

Amets Arzallus, ziztatugabeko txapelduna

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

5 erantzun “Tabua hausten: milesker Amets Arzallus !” bidalketan

  1. Eragin oso ona du kultur munduan ospe handia duten jendeak gizateriaren aurkako eraso horrek dakarren aberrazioaren aurka jartzea.
    Planeta osoan gero eta protesta gehiago egiten ari dira.
    Kanadako hiriburua blokeatuta dago, hamabi egun baitaramatza eta herrialde horretako presidentea ebakuatu eta leku sekretu batean ezkutatu dute, bere alderdiko diputatuek exekutiboaren politika tiranikoa salatzen hasi diren bitartean. Kontuz domino efektuarekin.

    Nahiz eta 2030 Agendaren agindupean dauden eugenistek itsu-itsuan sinesten duten beren plana gauzatuko dutela, beren sikarioei ematen jarraitu ahal izateko erabiltzen dituzten diru-kopuru astronomikoak direla eta, zalantzarik gabe, ez dabiltza eroso zapatetan harri batzuk jarrita.

    Garrantzi handiko gertaera bat garatzen ari da Davosko mafiaren eta haren esbirroen aurkako prozesuaren bidez.
    Reiner Fuellmich abokatua buru dela, nazioarteko herri-auzitegi batek bi eguneko saioa egin du abokatu eta epaile profesionalen nazioarteko talde batek parte hartzeko.
    Besteak beste, Vanguard, Black Rock, Klaus Schwab, Soros, Bill Gates, Rothschild familia, eta hainbat estatubururen aurkako karguak aurkezten ari dira.
    300 zientzialariek txosten eraisle bat egin dute eta dozenaka biktimak lekukotza emango dute.

    Desinformazio masiboko komunikabideen isiltasunaren aurrean, mundu mailan eta bakoitzak bere tokitik, komunikazio-ahalegin bat egin beharko genuke eta gertakari horren zabalkundea gure erantzunaren erdigunean jarri. Jende guzi honek egindako lana izugarria da eta arriskuak oso larriak.
    Herriaren aldarria behar dute orain, akusatuak desenmaskaratu ahal izateko. Hori da eugenistek gehien beldurtzen dutena.

    https://rumble.com/vu6hlc-reiner-fuellmich-sadresse-au-grand-jour..html?fbclid=IwAR0z2_o311KL0_LXrKw0t0dI6vQz8gygAktOxpPoxHYGGUVexMcgdoEHXmE

  2. Hau teloia altxatzen ari denaren itxura hartzen ari da, eta teloi atzean direnak oharkabean harrapatzen ari ez ote garen… Lehen bait lehen presaz ez ote diren eskuak altxatzen hasi, guztiok beraien esku zikinduak ikus ez ditzagun. Eta korrika hasi ez ote diren, eguna baino lehen.

  3. Zorionez, Mikel Alzuarti esker covid pasaporte barik Bilbon bertso hunkigarriak entzun genduzan.

  4. Halere, 2.019an Davosen bildu zen ELITEA txit boteretsua da.
    Eta arriskutsua: Black Rock finantzari, Gates and cía EUGENISTAK,jendea akatzea gura dutenak,
    gaixotasun batetaz baliatu zirenak beren negozioan muntatzeko… Horixe duk beren “Etika maila”

    Eta horiexek dituk 2.030-Agenda.egitasmoaren atzean daudenak.
    Eta, zeren jada hasita
    dago gauzatzen. Agenda hori: beha hemen Iberdrola, Petronor, BVVA lurren jabetzen eta enpresa txiki guztiak irensten.

Utzi iruzkina, izen eta abizenez

Azken artikuluak