Donostiako Udalak Antigua auzoko La Sirena aterpetxea irekitzeari uko egin zionez, herritarren harrera sarea berriro jarri da martxan, Donostian zehar, baina baita beste leku batzuetan ere, jende askok bizi duen egoera tamalgarria salatzeko. Hori dela eta, gaua Gipuzkoa plazan emango dugu berriro, aldundiaren etxabean. Gogoan izan beharra dute pertsona horiei auzoka banatzen zaizkiela afariak, baina horietako askok kalean eman behar dutela gaua.
Ezin dut ahaztu hainbat arrazoirengatik azken lau urte hauetan kalean lo egiten duten 5 pertsona hil direla. Azken gertakaria duela aste batzuk gertatu zen Bilbon. Tokiko agintariek gaua leku jakin batean igarotzea debekatu zutenez, gaua pasatzeko, gazte bat hondakinen kontainer batean sartu zen, gero aipatutako edukiontzia zabor-kamioi batek jaso zuen, azkenean gaztearen gorpua Zabalgarbiko erraustegian hilik agertu zen. Zoritxarrez, ez da zirkunstantzia tamalgarri hauetan hil den gazte bakarra, 2006an beste gazte bat antzeko egoeran hil baitzen.
