Aberri Egunean folklorikoki Amaiur eta independentzia erabili ondoren, Otegik, berriro, espainiar estatu okupatzaile eta faxista zuritu eta haren “demokratizazioan” jartzen du ardatza. Espainolismo hutsa. Ea noiz konturatzen diren jokoa egiten dioten gazte abertzale batzuk!
Oso ongi dago euskal ikur eta erreferentzia nazional historikoak baliatzea eta lehentasuna gure herriaren independentzian kokatzea. Baina hori bera, politika espainolista eta kolaborazionista bat disimulatzeko egitea, aldiz, ez dago ongi.
Hori PNVk, hamarkadetan, bere politika espainolista eta kolaborazionista disimulatzeko, gudari zaharrekin eta EGIrekin egiten duenaren berdina da. Piperpotoak jarri, zipaioak omendu, etsaiaren aurrekontu eta gobernuak babestu,…eta tarteka abertzale itxurak egitea faltsuki.
Ongi dago beste batzuen aurrean nazio askapen planteamenduaren balioa defendatzea. Baina ez, hori zuk zeuk nazio askapen planteamendua baztertu eta aurkari batzuen aurkako errekurtso funtzio hutsez erabiltzea.
Hori, faltsukeria izateaz gain, nazio askapen borroka larriki higatu eta kaltetzen duen ekinbidea da.
Ez du balio beste batzuen aurka, selektiboki, espainolismo salaketak egin, eta gero EH Bilduren eguneroko espainolismoaren aurrean beste aldera begiratu eta are gehiago, ildo espainolista horren osagarri folklorikoa izatea.
Ez du balio musika kontzertu batean “estatu okupatzaileari gerra” oihukatzea eta gero okupatzaileekin elkarbizitza defendatu, okupatzaileen morroi izan eta hilerrietako bakearen apologista gorenak izateak.
Badakit, gazte horietako batzuk zinez abertzaleak zaretela, egiazki zaudetela nazio askapen borroka bultzatzearen alde. Hausnartu egiazki jokatzen ari zareten paperaz.
Espainiar estatu faxistaren erregimenari “demokrazia liberal” deitzea zuriketa latza da. Baina gainera, nazio okupatu gisa, “demokrazia liberala” balitz ere, guretzat atzerritar estatu inperialista da. Vietnamen edo Argelian halako elementu bat etsaiaren agentetzat hartuko zen.
Kaixo eta bejundaizuela INDEPENDIENTEAako partaide guztioi.
Eneko Zestauren idatziaren harira honako gogoeta egin nuen eta gustatuko litzaidake lekutxo bat egingo bazeniote:
EZKER INDEPENDENTISTAKO POLITIKARIAK
ESPAĂ‘OLISMOAREN BIDEAN?
Gogoan ez badut ere zehazki zein urtetan zen (1976-1977), ezker abertzaleak bere ibilbide guztian egindako ponetzia iraultzaileena landu zuen: OTXAGABIA ponentzia.
Dagoeneko urte batzu pasatu dira. Hildako, torturatutako, ihes egindako eta espetxeratutako ugari izan dira harrez gero.
Bere garaian esan genuen hori egiteko gai bagara laixter lortuko dugu gure herriaren ASKATASUNA. Baina…, beti dago bainaren bat; zeinek eta zertarako landu zuen ponentzia hori!.
Besteak beste, 1977ko martxoaren 8an, Nikolas Mendizabal “Zaharra” eta Xebas Goikoetxea hilik suertatu ziren eta Fran Aldanondo “Ondarru” hankan zauritu ondoren atxilotua Itsasoko errepidean, handik pasatuko zirela jakitun ziren guardiazibilek jarri zuten kontrol batean. Jose Bernardo Badiola “Txirrita” mugan tirokatu zuten guardiazibilek eta desagertuta egon zen hainbat denboran…; denak momentu horretan ETA politikomilitarreko militanteak ziren, eta kasualitatez komando bereziak taldekoak, polimilien kontroletik kanpo zeuden jende doma ezina… Ibarra bahitu zuen komandoak txiripaz pasatu zuen muga, mugalariek aurrez zerbaiten susmoa zutelako ibilbidea zertxobait desbideratzearen zorionez. Guzti honetan PONENTZIA iraultzaile hau landu zuten polimilietako zuzendaritzako politikariak militante hauek egin beharreko pausuen jakitun ziren eta susmo guztiak genituen norbait etsaiari informazio zuzena ematen ari zela. Militante askok uko egi zion mugaz hemendik militante lana egiteari, gauza arraroak gertatzen ari zirela susmatzen zutelako. Garai hartan jakin genuen polilimilietako bi militante espainiako gobernuak emandako “salvoconducto” batekin zebiltzela Hegoaldean eztakit zertan. Ponentziaren egileetako batek Madrilekin harreman zuzena zuela ere jakin genuen. Gero Euskadiko Ezkerra sortu zuten eta denok dakigu non bukatu zuen OTXAGABIA PONENTZIAk eta horren bultzatzaileek. Adinean aurrera egin dut, baina, zenbait gauza ez da sekula ahazten. Nire oroitzapenean pasarte gehiago ere ba dira, baina, ez naiz luzatuko.
Atzeak erakusten du aurreak nola dantzatu dio esaera batek.
Joan zen igandean, 2021.eko abenduak 19, Garan Pablo Iglesiasen iritzi artikuluan irakurri nuen Arnaldo Otegi espainia demokratizatzeko asmotan dabilela, eta egia izango da, ez bait dut Arnaldorengandik kontrako iritzirik ez entzun, ez irakurri. Aizu, Arnaldo, gure herria nahikoa ez eta historikoki mundu osoan genozidioa besterik erein ez dutenak salbatzeko asmoa ez duzu bada izango? Zuk oraindik ere OTXAGABIAnoa izaten jarraitzen ote duzu pasatu duguna pasatuta gero ere?
Sorturen izenean Arkaitz Rodrigez eta Bilduren Izenean Arnaldo Otegiren 2021-10-18an egindako adierazpenak entzun eta irakurrita, honako burutazioa etorri zitzaidan eta hauxe idatzi nuen hurrengo egunean:
“Oso gauza jakina dugu euskaldunok hiltzera kondenatutako herria garela, baina, ez dakigu ze arrazoi dela medio iraun dugun gaur arte. Egia esan, 1958an PNV, yankien jarrerarekin bat eginez, Francoren errejimena onartzeko jarrerari aurre eginez, zenbait militantek hartu zuten bideari jarraituz, ETAren jardunaldiak EUSKAL HERRIAk beste ehun bat urteko arnasa gutxienez hartu duela aitortu ordez, men egiten ari gara gu benetan hil nahi gaituen etsaiaren aurrean. Nik ez dut nahi eta behar gu hiltzera kondenatzen gaituen jendearekin inongo bizikidetzarik.
España delako estatu genozidarik izan ez balitz, ETArik ez zatekeen izango, eta, ondorioz, biktimarik ere ez.
Hurrengo pausoa PNVri botoetan irabaztea izango da, eta, horretarako independentziari uko egin eta PNVko espainolen lekua hartuko dugu. Bide honi jarraituz, gu ere laixter gara “vascos renegados” taldeko espainolak.
Hori bai, beti esango digute gure politikoek EUSKALERRIAren onagatik dela; nahiz eta egunez egun begi bistakoa izango den gure herria hiltzen ari dela; eta gu izango gara gure hizkuntza arbuiatuko dugun azken euskaldunak.
Gure EUSKAL HERRIA ezin dugu politikari txatxu batzuen esku bakarrik utzi!”
OTXAGABIA ponentziaren bigarren zatia hasten ote da? Txabi Etxebarrietari zor diogun Ezker abertzalea izena gutxi da, nonbait, Euskalerriak askatasuna lortzeko eta zerbait iraultzaileagoa den izen bat erabili behar dugu: EZKER INDEPENDENTISTA.
Gogoratzen al dugu non amaitu zuten etaberrikoek, sestakoek eta, nola ez, polimiliek? Denak espainian. Komunista, troskista, maoista eta ez dakit zer “ista”, baina, denak espainian demokrazia eraikitzea zuten helburu. Gure herriari kalte izugarria egin dion historia errepikatu behar al dugu? Burgosko epaiketa garaian Mario Onaindiari babesa eman zioten asko eta askok galdetu zioten beren buruari zertan aritu ziren. Bai, ez ziren pertsona bat defenditzen ari, Herri oso baten defentsan ari ziren.
Txema Montero, bere garaian jendeak iaia jainkotzat hartu zuen ezker abertzaleko buruzagi eta politikaria datorkit burura idazten ari naizen momentu honetan; ez dakit zenbat jendek jakingo duen PNVek ezker abertzalean infiltratutako satorra zela! Zer pentsatu behar dugu politikarietaz? Eta ez naiz soilik ari beste alderdietako politikarietaz, gure politikarietaz ari naiz. Aspaldi ikusi eta ikasi nuen politikaria ez dela fidatzeko pertsona. Nire iritzi bat botako dut; kapitalismoak duen zerbitzaririk onena politikaria da, aldiz, sozialismoaren etsairik haundiena ere, politikaria da. Honen arrazoia, boterea eta erregeak bezala bizitzean datzala pentsatzen dut. Aspil ona maite duen jendearekin egiten dugu topo, behin eta berriro.
Bai, badakit politika egitea derrigorrezkoa dela, baina noiz ikasiko ote dugu lehenik eta behin politikari bat izan aurretik herriaren zerbitzuan diharduen militante zintzoa izaten!
Bukatzera noa, gaurkoz. Ez diot antz onik ematen gure buruzagiek hartu duten bideari. Ez nuke nahi ezker abertzalean beste zatiketarik, “eszisiorik”, baina, bide hontatik jarraitzen badugu ekidin ezina gertatuko den susmoa dut.
Koronabirusaren gaian ere luzitzen ari zarete Bill Gates eta munduko botereak esandako gezurrak inongo kupidarik gabe gure herriari sinistaraziz. EH baik, behintzat, adierazi du pandemia honen kudeaketaren aurkako iritzia, zuen egunkari etabarrek izkutatu badute ere. Baina, zuek, nonbait, “Inmunidad de rebaño” lortzea duzue helburu, eta, egia esan, erdia lortua duzue dagoeneko: garrantzitsuena lortu ez baduzue ere, inmunitatea; pozik egoteko moduan zaudete; artaldea izatea, behintzat, lortu duzue. Ardi onak bezala portatzen ez denari txakurrak bidaliko dizkiogu guk ere ardi galduak berriro artaldera itzul daitezen?!
Hildako amuarrainaren norabidea hartu duzue, korrontearen alde zoazte igeri, alegia!
Ataunen 2021.eko abenduak 21
Maximo Aierbe Mujika
P.D. idatzi hau zakarrontzira botako duzuen susmo argia dut, baina, zer egingo diogu bada!
Egia esan, duela ia bi urtetik ez dut telebista ikusten, ezta ezer ofizialik ere. Eta harrituta nago Otegiren bideoarekin. Agian pixkanaka ikusten duenak ez du nabaritu, baina nik Otegi oso aldatuta ikusi dut. Jaka eta alkandorarekin, eta orrazkerarekin. Baina inoiz ikusi dudan gauzarik bitxiena alde batera begiratzen ikustea da, irakurtzen ari balitz bezala eta urduri, berak ere esaten duena sinetsiko ez balu bezala.
Zinez interesgarria, mila esker hirurei ekarpenengatik.
Eta haratago eramango dut afera: nire ustez eszisiorako alternatiba ere, agente berberek daukate aurrez diseinatuta eta plazaratzeko prest: berniz borrokalari freskoz mozorrotutako diskurtso berri (edo zahar) bat, talking head berriekin …emaitza berbera lortzeko.
Barne gatazka faltsu bat irudikatu, gazteen eta ez hain gazteen energiak, borondatea, emozioak eta aspirazioak berriro ekintza antzura bideratzeko. Artalde otzana bere kateei lotuta betikotzeko.
Deja vu.
Artalde otzana lortu dute, denen artean: hedabide salduenen, bertoko mertzenarioen hots, ETB-UPVko ZUZENDARITZEN, edota herri-auto-inkisizio barri honen, edota burua hegopean sartu dutenen artean… guztion artean. Horrela bakarrik konpreni baitezakegu Iruña-Velaiko altxora begien aurrean suntsitzea ere!!
Zuek diozuenez, INMUNITATE ARTALDEKOA.
Nik esaten dudanez, IDI MANTSOTU, IRENDUA da euskal populuaz lortu dutena.
eta ZER EGIN IDI MANTSO IRENDU hori ZEZEN bihurtzeko?.
arestiko EHa ZEZEN izan dadin barriro?
Hortxe gakoa.
-bata, ziria satu digutela jabetzea, MAILA OROTAN adarra jo digutela. Baita NEX GENERATION horri ere, leinukoen batzarretara huuurbildu ere egiten ez dan gazteria. ADARRA JO DIETE euren Akademia guztietan. Ez diete erakutsi ez EHren historia, ez pentsaera, ez hizkuntza ere ganoraz (“asignatura” gisa soilik, euskerarekiko batere motibazio barik)
Ziria sartu diote, zinez.
Gakoa da beraiek eta gu guztiok, euskal herritarrok horretaz jabetzea.
eta horretarako EHak kulturaz boteretzea behar dik, gure kultura transmitituz auzolanean, etab… eta populu mantsotua euskal kulturaz ahalduntzea, behingoz, berandu baino lehen..
Zoritxarrez EhBilduk daraman bidetik independentziara iristea oso zaila ikusten dut. Gainera, Kobid ekin inongo eztabaidarik gabe bertsio ofizialekin koalizioa bat egin egin zuen. Hori dela eta, jende batzuen konfidantza galdu dute
Nire ustez, bere garaian Podemosi gertatu zitzaion bezala, minimo batzuk markatu gabe nahiko usteldutako sistema batean sartu direnez, sistemak koalizioa irentsiko du!