españolismoa

Ezker independentistako politikariak españolismoaren bidean?

OTXAGABIA ponentziatik urte batzu pasatu dira. Hildako, torturatutako, ihes egindako eta espetxeratutako ugari izan dira harrez gero.

1

Maximo Aierbe Mujika

Jubilatua. Auzolaneko musikaria. Ataun

Kaixo eta bejundaizuela INDEPENDIENTEAako partaide guztioi.
Eneko Zestauren idatziaren harira honako gogoeta egin nuen eta gustatuko litzaidake lekutxo bat egingo bazeniote:

Ezker independentistako politikariak españolismoaren bidean?

Gogoan ez badut ere zehazki zein urtetan zen (1976-1977), ezker abertzaleak bere ibilbide guztian egindako ponentzia iraultzaileena landu zuen: OTXAGABIA ponentzia.

Dagoeneko urte batzu pasatu dira. Hildako, torturatutako, ihes egindako eta espetxeratutako ugari izan dira harrez gero.

Bere garaian esan genuen hori egiteko gai bagara laixter lortuko dugu gure herriaren ASKATASUNA. Baina…, beti dago bainaren bat; zeinek eta zertarako landu zuen ponentzia hori!

Aizu, Arnaldo: gure herria nahikoa ez eta historikoki mundu osoan genozidioa besterik erein ez dutenak salbatzeko asmoa ez duzu bada izango? 

Besteak beste, 1977ko martxoaren 8an, Nikolas Mendizabal “Zaharra” eta Xebas Goikoetxea hilik suertatu ziren eta Fran Aldanondo “Ondarru” hankan zauritu ondoren atxilotua Itsasoko errepidean, handik pasatuko zirela jakitun ziren guardiazibilek jarri zuten kontrol batean. Jose Bernardo Badiola “Txirrita” mugan tirokatu zuten guardiazibilek eta desagertuta egon zen hainbat denboran…; denak momentu horretan ETA politikomilitarreko militanteak ziren, eta kasualitatez komando bereziak taldekoak, polimilien kontroletik kanpo zeuden jende doma ezina… Ibarra bahitu zuen komandoak txiripaz pasatu zuen muga, mugalariek aurrez zerbaiten susmoa zutelako ibilbidea zertxobait desbideratzearen zorionez. Guzti honetan PONENTZIA iraultzaile hau landu zuten polimilietako zuzendaritzako politikariak militante hauek egin beharreko pausuen jakitun ziren eta susmo guztiak genituen norbait etsaiari informazio zuzena ematen ari zela. Militante askok uko egin zion mugaz hemendik militante lana egiteari, gauza arraroak gertatzen ari zirela susmatzen zutelako. Garai hartan jakin genuen polimilietako bi militante espainiako gobernuak emandako “salvoconducto” batekin zebiltzela Hegoaldean eztakit zertan. Ponentziaren egileetako batek Madrilekin harreman zuzena zuela ere jakin genuen. Gero Euskadiko Ezkerra sortu zuten eta denok dakigu non bukatu zuen OTXAGABIA PONENTZIAk eta horren bultzatzaileek. Adinean aurrera egin dut, baina zenbait gauza ez da sekula ahazten. Nire oroitzapenean pasarte gehiago ere ba dira, baina ez naiz luzatuko.

Atzeak erakusten du aurreak nola dantzatu, dio esaera batek.

Joan zen igandean, 2021.eko abenduak 19, Garan Pablo Iglesiasen iritzi artikuluan irakurri nuen Arnaldo Otegi espainia demokratizatzeko asmotan dabilela, eta egia izango da, ez bait dut Arnaldorengandik kontrako iritzirik ez entzun, ez irakurri. Aizu, Arnaldo, gure herria nahikoa ez eta historikoki mundu osoan genozidioa besterik erein ez dutenak salbatzeko asmoa ez duzu bada izango? Zuk oraindik ere OTXAGABIAnoa izaten jarraitzen ote duzu pasatu duguna pasatuta gero ere?

Sorturen izenean Arkaitz Rodrigez eta Bilduren Izenean Arnaldo Otegiren 2021-10-18an egindako adierazpenak entzun eta irakurrita, honako burutazioa etorri zitzaidan eta hauxe idatzi nuen hurrengo egunean:

“Oso gauza jakina dugu euskaldunok hiltzera kondenatutako herria garela, baina, ez dakigu ze arrazoi dela medio iraun dugun gaur arte. Egia esan, 1958an PNV, yankien jarrerarekin bat eginez, Francoren errejimena onartzeko jarrerari aurre eginez, zenbait militantek hartu zuten bideari jarraituz, ETAren jardunaldiak EUSKAL HERRIAk beste ehun bat urteko arnasa gutxienez hartu duela aitortu ordez, men egiten ari gara gu benetan hil nahi gaituen etsaiaren aurrean. Nik ez dut nahi eta behar gu hiltzera kondenatzen gaituen jendearekin inongo bizikidetzarik.

España delako estatu genozidarik izan ez balitz, ETArik ez zatekeen izango, eta, ondorioz, biktimarik ere ez.

España delako estatu genozidarik izan ez balitz, ETArik ez zatekeen izango

Hurrengo pausoa PNVri botoetan irabaztea izango da, eta, horretarako independentziari uko egin eta PNVko espainolen lekua hartuko dugu. Bide honi jarraituz, gu ere laixter gara “vascos renegados” taldeko espainolak.

Hori bai, beti esango digute gure politikoek EUSKALERRIAren onagatik dela; nahiz eta egunez egun begi bistakoa izango den gure herria hiltzen ari dela; eta gu izango gara gure hizkuntza arbuiatuko dugun azken euskaldunak.

Gure EUSKAL HERRIA ezin dugu politikari txatxu batzuen esku bakarrik utzi!”

OTXAGABIA ponentziaren bigarren zatia hasten ote da? Txabi Etxebarrietari zor diogun Ezker abertzalea izena gutxi da, nonbait, Euskalerriak askatasuna lortzeko, eta zerbait iraultzaileagoa den izen bat erabili behar dugu: EZKER INDEPENDENTISTA.

Gogoratzen al dugu non amaitu zuten etaberrikoek, sestakoek eta, nola ez, polimiliek? Denak espainian. Komunista, troskista, maoista eta ez dakit zer “ista”, baina denek espainian demokrazia eraikitzea zuten helburu. Gure herriari kalte izugarria egin dion historia errepikatu behar al dugu? Burgosko epaiketa garaian Mario Onaindiari babesa eman zioten asko eta askok galdetu zioten beren buruari zertan aritu ziren. Bai, ez ziren pertsona bat defenditzen ari, Herri oso baten defentsan ari ziren.

Txema Montero, bere garaian jendeak ia-ia jainkotzat hartu zuen ezker abertzaleko buruzagi eta politikaria datorkit burura idazten ari naizen momentu honetan; ez dakit zenbat jendek jakingo duen PNVk ezker abertzalean infiltratutako satorra zela! Zer pentsatu behar dugu politikarietaz? Eta ez naiz soilik ari beste alderdietako politikarietaz, gure politikarietaz ari naiz. Aspaldi ikusi eta ikasi nuen politikaria ez dela fidatzeko pertsona. Nire iritzi bat botako dut; kapitalismoak duen zerbitzaririk onena politikaria da, aldiz, sozialismoaren etsairik haundiena ere, politikaria da. Honen arrazoia, boterea eta erregeak bezala bizitzean datzala pentsatzen dut. Aspil ona maite duen jendearekin egiten dugu topo, behin eta berriro.

Ez nuke nahi ezker abertzalean beste zatiketarik, eszisiorik, baina, bide hontatik jarraitzen badugu ekidin ezina gertatuko den susmoa dut

Bai, badakit politika egitea derrigorrezkoa dela, baina noiz ikasiko ote dugu lehenik eta behin politikari bat izan aurretik herriaren zerbitzuan diharduen militante zintzoa izaten!

Bukatzera noa, gaurkoz. Ez diot antz onik ematen gure buruzagiek hartu duten bideari. Ez nuke nahi ezker abertzalean beste zatiketarik, “eszisiorik”, baina, bide hontatik jarraitzen badugu, ekidin ezina gertatuko den susmoa dut.

Koronabirusaren gaian ere luzitzen ari zarete Bill Gates eta munduko botereak esandako gezurrak inongo kupidarik gabe gure herriari sinistaraziz. EH baik, behintzat, adierazi du pandemia honen kudeaketaren aurkako iritzia, zuen egunkari etabarrek izkutatu badute ere. Baina, zuek, nonbait, “Inmunidad de rebaño” lortzea duzue helburu, eta, egia esan, erdia lortua duzue dagoeneko: garrantzitsuena lortu ez baduzue ere, inmunitatea; pozik egoteko moduan zaudete; artaldea izatea, behintzat, lortu duzue. Ardi onak bezala portatzen ez denari txakurrak bidaliko dizkiogu guk ere ardi galduak berriro artaldera itzul daitezen?!

Hildako amuarrainaren norabidea hartu duzue, korrontearen alde zoazte igeri, alegia!

Ataunen 2021.eko abenduak 21
Maximo Aierbe Mujika

P.D. idatzi hau zakarrontzira botako duzuen susmo argia dut, baina, zer egingo diogu bada!

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Ezker independentistako politikariak españolismoaren bidean?” bidalketan

  1. “artaldearen inmunitatea behintzat lortu duzue”

    hala da

    eta orain EH ospetsua (Bagaudak zein Ezgaudak) IDI MANTSO bihurtu gaituk, den-dena irentsiz eta irentsiz

    lar dan beste

    gure EHa eta GAZTEDIA uzkurra proboka dezagun, erranez, ZIRIA JO ETA POPATIK EMEN DEUTSUE!
    Gazte uzkurrei ere bai, zuen Akademiek ez dizute ezertxo irakatsi: ez gure historia, ez kultura, ezta gure atbasoen pentsaera (euskera bera ere “asignatura gisa” soil-soilik.
    ADARRA JO dizute,
    baita gu danoi ere, eta arrazoiz iseka eginen gure auzoek: kar-kar-kar zuok munduko inokulatuenak, zuok sekulako Iruña-Veleia altxorra suntsitzen utzi duzuenok, kae-kar-kar…

    Zezenduko edo Akertuko al gaituk azkenean ardi otsan edota idi mantsotuok, eta BAGAUDAK! esan barriro?

Utzi iruzkina, izen eta abizenez

Azken artikuluak