Irakurlearentzako OHARRA: COVID txertoak hartu badituzu, ez jarraitu irakurtzen eta are gutxiago ikusi azpian dagoen bideoa. Jakin-mina badaukazu eta zientziazalea bazara, artikulua irakurri ondoren gorde bi ordu Karina Acevedo-Whitehouseren bideoa ikusteko. Osasun langilea bazara, gertatzen ari diren arazoen azalpen ugari jasoko dituzu. Osasun elitekoa bazara, hau da, ospitaleko zerbitzu-burutik osasun-sailbururaino dauden aginte mailen 3/4etakoa bazara, bideo osoa ikusi ondoren bi aukera dituzu: bata, damutzea eta azken bost urteetako irabaziak gaixo-elkarte bati ematea, Long Covid delakoarenei adibidez edo, bestela, beti bezala jarraitzea Bigfarmaren kontura bidaiatzen, gainsariak kobratzen edo — ze demontre! — RNAm txerto berrien 110.000 milioi dolarreko etekinetatik gehiago ateratzeko aukera aprobetxatzen.
Baina goazen harira.
galdetu zuten nola izan daitekeen Covid txertoarekin inokulatutako askok arazorik ez edukitzea oraintxe. Horren inguruko azalpen ugari eman dira
Elosun izan ginen azken aldian, Distopia baten kronika liburuaren aurkezpenaren ondorengo solasaldian, batek galdetu zuen nola izan daitekeen Covid txertoarekin inokulatutako askok arazorik ez edukitzea oraintxe. Horren inguruko azalpen ugari eman dira: txerto geniko horrek — hasieran — behar zituen hotz neurriak bete ez izana, mota batzuetako txertoek ez zutela RNAm oinarririk, txerto lote desberdinen konposaketan aurkitutako aldeak (konposaketa desberdina zuten), inokulatutako pertsonaren beraren berezitasunak,… Badaude honen inguruko ikerketak eta, adibidez, txertatutako pertsonekin Japonian egindako ikerketa batean, aurkitu zuten Pfizer txertoaren lote zehatz batzuekin inokulatutako pertsona guztiak hil egin zirela; beste lote batzuekin inokulatutakoak, aldiz, ez. Norbaitek aipatu zuen horrek loteria bat zirudiela. Eta bai, horrela izan da.
Liburuaren aurkezpen hartatik astebetera, Karina Acevedo-Whitehousek hitzaldi bat eman zuen Pontevedran (Galiza) RNAm txertoei buruz. Jarraian hitzaldiaren laburpentxo bat egingo dut. Hasieran, ikerlariak aitortu zuen nekatuta dagoela pandemiaz hitz egin beharraz (ni ere bai, batzuetan) eta berdin gertatzen dela gizartean; hori egia da. Baina, RNAm teknologian oinarritutako ehunka txerto genetiko onartze bidean daudenez, ezin dela mutu geratu dio Acevedo irakasleak, datozkigun arriskuez ohartarazi behar gaituela eta ozenki salatu. Izan ere, hain larria izan da gertatutakoa, non eta oso prest eta adi egon behar dugun etorkizunerako Bigfarmak dituen interesen aurrean. Goian aipatu dut zenbat milioiko irabaziak kalkulatzen dituzten irabazietan.
nekatuta gaude pandemiaz hitz egin beharraz, baina ehunka txerto genetiko onartze bidean daude eta ezin gara mutu geratu
Txerto genetikoek eragiten dituzten kateak eta haien arrazoi fisiopatologikoak Acevedoren liburuan edo jada argitaratutako nire artikuluetan azalduta daudenez, aurtengo berriei so egingo diet. Batetik, Karina Acevedo-Whitehousek dio Pfizerren eta Modernaren txertoetan DNA aurkitu dela (guztietan ez; batzuetan, orain arte pentsatu dugun moduan). Horrek zer esan nahi du? Bada, gure genoman sartzeko eta hura aldatzeko aukerak handiagoak direla, eta hori minbizi bizkorretan ikusi da. Turbominbizietan, tumorearen zeluletan txerto genetikoak (eta ez Covid infekzioak) sortutako Spike edo arantza proteinak aurkitu dira. Bestetik, mundu mailan, antzutasun indizeak handitu dira eta horren arrazoia gure ugalketa aparatuan ikusi da, txerto genetikoarekin emakumeen obulutegietako folikuluak (obuluak sortzen dituztenak) desagertzen direlako eta, gizonezkoen kasuan, espermatozoideen geneetan txerto genetikoaren genoma sartu delako, Acevedo-Whitehouse burutzen ari den ikerketa batean ikusi denez. Hori oraindik publikatu gabe dago, baina adieraziko luke aukera dagoela txertatuen aldaketa genetikoak seme-alabei transmititzeko. Egia esan, niri neuri, ikara eragiten dit bai gizonen eta bai emakumeen ugalketa aparatuarekin gertatzen ari denak. Elosun horri buruz galdetu zidatenez, hor utziko dut aipamena.
Karina Acevedo-Whitehousek bere hitzaldia bukatu zuen RNAm autoerreplikatzailearen arrisku ikaragarriaz ohartaraziz, baina, nire harridurarako, esan zuen Europan (!!!) onartu dela gizakiekin entsegu kliniko bat egitea, AEBn RNAm-n oinarritutako ikerketa guztiei dirulaguntzak kendu zaizkienean. 1998tik aurrera erabili izan da RNAm autoerreplikatzailea animalietan egindako entseguetan, baina, Acevedok dioenez, ez da haren ondorioen inguruko ikerketarik egin. Beraz, zeren zain daude osasun bakarra kontzeptuaren jarraitzaileak? Abereek eta gizakiok gaixotasun eta infekzio berdinak baldin baditugu, berdin gertatuko da terapia genikoarekin, ezta? Hori erantzuteke dago.
Hitzaldiaren ondorengo galderetan, Karina Acevedo-Whitehouse saiatu zen entzule batzuen beldurrak apaltzen, txertatuek ekar lezaketen “kutsatze” arriskua dela-eta, gogora ekarriz hori ia ezinezkoa dela. Benetako aditu baten zintzotasunez eta zehaztasunez azaldu zuen hori guztia.
Gehiago ikasi nahi baduzue, klika ezazue azpiko loturan:
Plataformas vacunales y terapéuticas de ARN: ¿Seguras y efectivas?
Dra. Karina Acevedo Whitehouse
Iruzkinetan esango didazue irakurlearentzako oharrak egokiak ziren ala ez. Mila esker.
Suposatzen dut eusko ezker proyankiaren laguna den neuyorreko alkateak zerbait egingo duela ez gaitzaten laborategi kuia moduan erabili.