Israelgo lehen ministro Netanyahuk iragarri duenez, sionismoak Gazaren aurkako “infernuzko plan” bat darabil esku artean, elektrizitatea, ura, elikagaiak eta funtsezko ondasunak erabat blokeatzea eta bonbardaketei masiboki berrekitea lekarrena.
Netanyahuk muturreko neurriekin mehatxatu du, Hamasek atxilo gehiago askatzen ez baditu; sionismoak su-etena etengabe urratu duenean eta 100 palestinar baino gehiago hil dituen bitartean.
Sionismoak hasierako akordioa errespeta dezan eskatu du Hamasek, su-etenaren bigarren fasean Gazatik erabat erretiratzea eskatzen zuena. Sionismoak ez du hori bete nahi, eta AEBren babesa dauka, hark milaka milioi dolarreko laguntza militarra ematea onartu baitu.
Palestinarekiko elkartasunaren eta sionismoaren erabateko arbuioaren adierazpen globalek ez dute, oraingoz, ondorio politiko-militar larririk sionismoarentzat.
Alabaina, sionismoak erasoaldia areagotzeko ahalmen militarra duen arren, eta Inperioak eta bere kanitxeek ematen dioten zigorgabetasun guztiarekin ere, Hamasek atxiloak dauzka oraindik, eta, bake-plan edo akordio iraunkorrik gabe, ez du erraz amore emango.
