“Elefante txuria, azpiegitura alferrikako, suntsitzaile eta inposatuak irudikatzen dituen nazioarteko ikurra da, antzinako Thailandiako elefante txuriek bezala, sortu beharko lituzketen balizko mozkinek baino mantenu gastu gehiago eragiten dituztenak, ustezko onuradunen hondamendia eraginez. AHTa Euskal Herriko elefante txuririk handiena da, 12.000 milioi euro baino gehiagoko kostua du diru publikoarekin finantzatuta, eta enpresa-eliteei baino ez die mesede egiten. Espainiako Estatuko gainerako lineek bezala, Euskal Y-ak eta Nafarroako korridoreak ere ez dute eraikuntza gastuen kostua berreskuratuko, eta, gainera, txartelaren prezioarekin ere ez dute zerbitzua bera ordainduko, eta horrek hipoteka iraunkorra eragingo die datozen belaunaldiei.
Testuinguru honetan, iraina da erakundeek AHTan funts publikoak xahutzen jarraitu nahi izatea, eta are gehiago inbertitzeko askoz gehiago falta denean, orain arte gastatu dena baino (% 58 Euskal Y-aren kasuan eta % 96 Nafarroako korridorearen kasuan, AIREFen datuen arabera). Salatu behar dugu 2021eko Estatuko aurrekontu orokorretan, EAEra bideratutako 570 milioi euroetatik, AHTari 294 esleitzen zaizkiola, hau da, % 51,5. Nafarroari dagokionez, aurrekontuan jasotako 87 milioi euroetatik 62 milioi AHTra doaz, hau da, % 62,67. Salatu nahi dugu, halaber, EAEko zein Nafarroako gobernu autonomikoen burugogorkeria, Covid 19 berreraikuntzarako Europako funtsen zati handi bat behin eta berriz eskatuz obra hori finantzatzeko.
AHTarekin jarraitzeak ez badu inolako justifikaziorik edozein garaitan, are gutxiago azken ehun urteetako krisirik handienaren erdian, biztanleriaren % 15a baino gehiago pobrezia gorrian bizi delako, langabezia-tasak etengabe igotzen ari direlako, oinarrizko sektoreetan murrizketak daudelako, ospitaleak kolapsotik gertu daudelako, zahar-egoitzak gainezka daudelako, ostalaritza eta kultura bezalako sektore ekonomikoak egoera jasanezinean daudelako eta inoiz baino etorkizun kezkagarriagoa dugulako.
AHTko lanekin aurrera egiteak hondorik gabeko putzu batean gehiago hondoratzen jarraitzea dakar. Orain Arduratik arduragabekeria handi honen erdian gutxieneko zuhurtzia baino ez dugu eskatzen. Obra hori berehala geldiaraztea eskatzen dugu, eta funtsak sistema publikoa indartzera bideratzea, bizi-baldintza duinei eusteko, herritar guztientzako enplegua, osasuna, irakaskuntza, pentsioak, etxebizitza, gizarte-zerbitzuak eta kalitatezko zaintzak ziurtatuz. Azken batean, bizitza politikaren erdigunean jar dadila. Horregatik guztiagatik, Orain Ardurak, alferrikako proiektu handi eta inposatuen aurkako nazioarteko egunaren astean, dei egiten dugu [bihar] abenduak12, larunbata, eguerdiko 12:00etan ondorengo hiriburuetan egingo diren mobilizazioetara joatera:
Iruñea: manifestazioa Diputazio Jauregitik (Carlos III) Gobernuaren Ordezkaritzaraino.
Bilbo: elkarretaratzea Eusko Jaurlaritzaren egoitzaren aurrean.
AHTAREN DIRUA GASTU SOZIALENTZAT”
Kontu handiz ibili behar dugu beti helburu estraegikoaren barruan edozein masa-mugimendu barneratzeko. Bildu eta gorde ditzakegun orotako baliabideak helburu estrategikoaren menpe egon behar dira eta ez alderantziz. Helburu estrategikoaren mesedetan borroka sektorial guziek bat egin beharko luketen.
Borroka sektorialen alde egiteak arrisku handia du borroka horiek loturarik ez izateko, helburu estrategikoaren menpe ez egoteko eta helburu isolatu bihurtzeak.
Oinarri estrategikorik ez dagonean horiek kontsumitu eta desagertzen dira gorago beste suntsipen batek harrapatuta amaitzeko, gure kasuan eta gaur egun, astintzen gaituen inperialismo franko-espainiarrak.