Distopia baten kronika liburuak 2025eko udazkenean ikusi zuen argia. Angel Bidaurrazaga EHUko irakasle eta medikuntzan doktoreak 2022tik gaur arte Independentean argitaraturiko artikuluak biltzen ditu liburuak. 2020an ezarri ziguten krisi sanitarioaren errepaso eta analisia egiten du egileak artikuluz artikulu, deklaratutako osasun-larrialditik abiatuta, egoera sozial, ekonomiko eta politiko orokorragoaren erradiografia gisa ere balio duen kontaketan, bizi izan ditugun azken urteetako gertaera funtsezkoenak harilkatuz.
Iruzur pandemikoaren gaia euskaraz jorratzen hasi zen lehenengoetakoa izan zen Angel, euskarazko lehen mediku-ahots publiko burujabea honi dagokionez, kontuan hartzen badugu hedabide ezagunetan irakurri eta entzuten genituen ahotsek ezkutuan utzitako ezinbesteko ikuspuntuak ematen hasi zela. Hori egiteko duintasuna izan zuen lehenetako bat izan zen eta, horri esker, euskaldunoi arnas poxi bat hartzeko aukera itzuli ahal izan zigun aurreneko sendagilea. Euskal hedabideek blokean egin zuten hautu haren ondorioz isilpean geratu zirenei ahotsa emateko sortu zen hain zuzen ere Independentea, esan zitekeenaren eremua zabaltzeko, baita — iruzurra zela-eta — bazterrean utzitako euskaldunok saretzen hasteko elkargune izateko ere. Pixkanaka, uste baino gehiago ginela ohartu ginen eta, segur aski, horregatik iraun dugu gaur arte.
Gertaera haietatik urte batzuk pasatu direnean, bilana edo balantzea egiteko garaian gaude eta Angelen liburuak horretarako bidea ematen du. Aurrera begira akats berberak errepika ez ditzagun, behar dugun herri- eta osasun-eredua azter dezagun, gobidatuta zaudete guztiok oraingoan Nafarroa Beherean egingo ditugun aurkezpen-solasaldietara, arratseko 19:30etik aurrera, martxoaren 13an (ostirala) Larzabaleko Ezpeletenia ostatuan eta martxoaren 14an (larunbata) Ortzaizeko Menta kafe-liburu dendan.
Larzabaleko solasaldiaren ondoren, Ezpeletenian bertan afaltzen geratzeko aukera egongo da. Asteburua borobildu nahi duenak, Ortzaizeko saioaz gain, larunbatean Maskarada izango du Idauzen (Zuberoa) eta igandean Libertimendua Hazparnen (Lapurdi). Plan bikaina!
Distopia baten kronika Ordizian, Gasteizen eta Bergaran aurkeztu dute dagoeneko. Orain Larzabale eta Ortzaizeren txanda da. Aurreagoko hitzordu bat apirilaren 10ean Oreretan izango da.
