Tunel Proiektua Aginagan

Martxoaren 5ean Txokoalde auzo kaltetuko bizilaguna den Usurbilgo ingurumen zinegotziarekin ingurune kaltetura bisita

Tunel-proiektuaren informazio publikoa abenduaren 21ean berriro hasiko duela iragarri du Jaurlaritzak.

1

Mikel Alvarez Forcada

Azpiegitura handien aurkako ekintzailea. Donostia

AGINAGAKO ALEGAZIOAK: AZKEN BERRIA ETA PROPOSAMENA

1) AZKEN BERRIA: Jaurlaritzak Aginagako Tunela Eraikitzeko Proiektuaren INFORMAZIO PUBLIKOA  abenduaren 21ean berriro hasiko duela iragarri du.

2) ALEGAZIOAK EGIN DITUZTEN TALDE ETA PERTSONEI PROPOSAMENA: Martxoaren 5ean (edo zehazteko beste data batean) Txokoalde auzo kaltetuko bizilaguna den Usurbilgo ingurumen zinegotziarekin ingurune kaltetura bisita bat egiteko.

Kaixo!

Informazio honen bidez, azken asteotan hainbat alegazio jaso dituen Aginagako Tunela eraikitzeko Proiektuaren inguruan berri eman eta alegazioak aurkeztu dituzten talde eta pertsona guztei proposamen bat helarazi nahi diegu:

1) AZKEN BERRIA: Jaurlaritzak abenduaren 21ean proiektuaren INFORMAZIO PUBLIKOA BERRIRO HASIKO DUELA iragarri du: Garraio sailetik telefonoz jakinarazi dutenez, datorren abenduaren 21ean EAEko boletin ofizialean (BOPV) erresoluzio berri bat argitaratuko omen dute, informazio publikoa berriro hasteko aginduz (30 egun balioduneko epea otsailaren 2ra arte luzatuko da beraz). Hortaz, informazio publikoaren epea luzatzeko bigarren agindua litzateke hori: gogoratuko duzuenez, urriaren 7an hasi zuten  informazio publikoa eta azaroaren 22an amaitzekoa zen, baina azaroaren erdialdera epe hori abenduaren 28ra bitarte luzatzeko agindu zuten, dokumentazioa falta zela onartuta; eta orain, bigarren aldiz hasiko omen dute prozesua… Zer txapuza darabilte esku artean?

2) ALEGAZIOAK EGIN DITUZTEN TALDE ETA PERTSONEI PROPOSAMENA:

Martxoak 5ean (edo zehazteko beste data batean) Txokoalde auzo kaltetuko bizilaguna den Usurbilgo ingurumen zinegotziarekin ingurune kaltetura bisita bat egiteko. Aginagako tunela eraikitzeko proiektuak kalteturiko ingurunera bisita bat antolatzeko  proposamena egiten dizuegu. Goiz bateko ibilaldian, egitasmo horrek Txokoalde auzoan, Irisasiko baso-eremuan eta  Oriako Itsasadarreko Olaberrietako faduran eragiten dituen ondorioak bertatik bertara ezagutzeko eta gai honen inguruan iritziak trukatzeko aukera emango luke. Alde horretatik, aipagarria da proiektuari egindako alegazioetan gai eta  ikuspegi ezberdinak planteatu direla: proiektua bertan behera utz dezaten eskatzeko hainbat taldek eta pertsonak egindako alegazioekin batera, proiektuaren kalteak gutxitzeko asmoz alegazioak egin dituzte Usurbilgo Udalak nahiz Txokoaldeko auzo elkarteak. Ikuspegi ezberdin horiek ez dira oztopo elkarrekin ibilaldi informatibo hori egiteko, obra horrek eragingo dituen kalteen inguruan kezka berdintsua partekatzen dugunez.  

BISITA HORI MARTXOAK 5 IGANDE GOIZEAN EGITEA PROPOSATZEN DA.

ZER IRUDITZEN ZAIZUE?

ZUENTZAT DATA EGOKIA AL DA?

BESTELA, ZEIN DATA PROPOSATZEN DUZUE?

IZAN ERE, DATA DENONTZAT EGOKIA IZAN DADIN, ZEIN EGUNETAN EGINGO DUGUN DENBORAZ ZEHAZTEA BEHARREZKOA DA.

Beraz, proposamen honen inguruan zuen erantzunaren zain, baita bestelako proposamenik egin nahi baduzue ere, harremanetan jar zaitezte:

Emaila: mikeltxikizio2@gmail.com / Tlfnoa: 695715510

Agur eta eskerrik asko.         

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Martxoaren 5ean Txokoalde auzo kaltetuko bizilaguna den Usurbilgo ingurumen zinegotziarekin ingurune kaltetura bisita” bidalketan

  1. Izan ere, Mikel, funtsezkoa baita Sistema Kapitalistaren hazkude-eredu makroari aurre gitea, planetako gizakion endekapenezko akabua ez badugu nahi.
    Beste aukera eztanda nukearra duk; aukera biak ala biak, oso daitezkeenak.

    Hortaz, elkartasuna nire aldetik Aginagako tunelari aurre egiteari dagokionez.

Utzi iruzkina, izen eta abizenez

Azken artikuluak