Energiaren lerroetan dena trazatuta dago?
LEY LERROAK
Izan zaitez zeu izenburuko galderari erantzuten diona. Izan ere, joan den abuztuaren 4an, 14an eta 20an Giza-gorputza eremu energetiko gisa aztertu beharra izenburuarekin argitara eman zen edukiaren jarraipena den honetan (Bizi-lerroak seriean), gaian gehiago sakondu nahi baduzu, hona aukera, oraindik ere gizakiaren dimentsio pertsonala, gorputza eta arima ezagutzeko bidean baikaude gizaterian, eta, zer esanik ez, bizi garen eremuan edo lekuan gertatzen den guztia ez dugu nahikoa ezagutzen. Honen harira, argitara eman berri da Lerroa, dena tratzatuta dago Ramón Valeroren liburua eta aurreko egunetako idatziak liburuaren epilogoan, Bizi-lerroak izenburuarekin, argitaratu dira.
Liburu horretan Ley lerroak ezagutzera ematen dira. Antzinatik ezagutzen diren lerro horien inguruko ikerketa ugari egin dira, baina argitalpen honekin haietaz egiten den erabilera ezagutzera ematen da. Energiek gugan sortzen dutena, lerroen bitartez higidura duena, lurrazalean zein ionosfera bitartean dabil. Osasun on baterako baliagarriak diren bezala, kaltea ere eragiten dutela aipatu genuen aurreko idatzietan; geopatiez jardun genuen, hain zuzen ere. Gizarteak horien berririk ez duen bitartean, osasunaren desoreka sortzen duten eragile nagusietako batzuk dira (gaixotze prozesua deitzen dena sortuz), eta boterean dauden kontrolzaleek badakite — jakintza hau ezagutzen eta erabiltzen dute –. Antzinaroan bibrazio energetiko horiek nabaritzen zituztela dudarik ez dago, eta haien erabilera kontzientea egiten zutela ere bai. Osasun on eta orekatua bilatzeko erabiltzen zituzten nagusiki; horretaz ere dudarik ez dago.
Zer dira Ley lerroak? Inoiz haien berri izan ez baduzu, gai liluragarri baterako sarrera izango da. Eta, ezagutzen badituzu, presta zaitez lotura harrigarriak aurkitzeko lerro ikusezin hauen eta gure historia moldatzen duten botere- eta erlijio-dinamiken artean.
Hemen aipatuko dena argazki eta froga sendoek babestutako ikerketa batetik emana dator, urtetako azterketa baten emaitza da. Azterketa honek agerian uzten du nola norbait ari den ustiatzen Ley lerroen bidez dabilen energia. Informatzeaz gain, fenomeno misteriotsu honi buruz jakin uste zenuen guztiari aurre egiteko balioko dizu horrek.
Energiaren inguruko gure ezagutza urria bada ere, antzinan ezagutza hau erabili zutela jakinda eta Giza-gorputza eremu energetiko gisa aztertu beharra izenburupean aztertu duguna osatzeko, oso irakurgai gomendagarria bezain interesgarria da Lerroa, dena trazatuta dago ikerketa-lana (gazteleraz eta euskaraz eskura dezakezuna). Benetan energiaren erabilera okerrak egiten direla jakitean, galdera bat datorkit burura: gure izatearentzako onuragarria den erabilera egiterik ba al dago?
Gaur egun ez gara horren jakitun eta gutxi batzuek gure kontra erabil dezakete bibrazioa. Jakin beharra dugu lerro horietatik jasotzen dugunak alterazioak eragin ditzakeela, gure osasun-orekan eraginez, hain zuzen ere.
Antzinaroan altxatutako megalitoen iberiar penintsulako mapa ikusten badugu, oso deigarria da Montserrat eta Orce guneak lotzen dituen Ley lerroaren ibilbidean ez dela topatu horrelako megalitorik. Benetan, pentsatzera bultza gaitzakeen informazioa da. Lerro horretan ez da ezer agertzen… ala ez da ezer identifikatu jendeak ez dezan jakin zein tokitan bizi den? Auskalo.
Montserratetik Orcera doan lursaila estua baina luzea da eta lur-eremu zabal bat hartzen du, 900 kilometro karratu ingurukoa, hau da, 126.000 futbol-zelai inguru.
Eta ba al dakizu zer ez dugun aurkitu Neolitikoaz geroztik jende asko bizi den eremu batean egon arren? Ez dago trikuharririk, menhirrik edo hilobi megalitikorik.
Iberiar penintsulako Sortaldean (Levante) megalitorik ez egotea, zehazki Montserrat (Katalunia barnealdean) eta Orce (Granada iparraldean) arteko lerroan, berezia da kontuan hartzen badugu eskualde hori labar-arte adierazpenetan aberatsenetakoa dela. Hori azaltzeko, ofizialtasunetik hipotesi hauek eman dira:
- Eskualde horretako historiaurreko gizarteek adierazpen kultural eta erritual desberdinak garatu ahal izan zituztela, labar-artean oinarrituta, megalitoak eraiki beharrean. Levanteko artea, ehiza-eszenak, dantzak, erritualak eta jarduera komunitarioak irudikatzen dituena, bakarra da Europako testuinguruan, eta espiritualtasunarekiko eta gizarte-antolamenduarekiko ikuspegi desberdina iradokitzen du. Zentzu horretan, Sortaldeko biztanleek harpe eta haitzuloetako irudikapen grafikoa sinbolismo eta oroimen kolektibo gisa lehenetsi zezaketen, harrizko monumentuak eraiki beharrean.
- Beste azalpen bat eskualdeko baldintza geologiko eta ekologikoekin lotuta dago. Litekeena da megalitoak egiteko harri mota egokia eremu horretan erraz ez aurkitzea eta material iragankorragoak edo erritu-praktikak aukeratuko zituztela.
- Ikuspegi kronologikotik, desoreka egon liteke iberiar penintsulako megalitoen gorakadaren (Neolitoa eta Kalkolitoa) eta eremu espezifiko horren okupazioaren artean, eta horrek mugatu egingo luke tradizio arkitektoniko horiek hartzea. Era berean, badirudi Montserrat eta Orce arteko eskualdea ez datorrela bat fenomeno megalitikoa beste eremu batzuetan hedatzea ahalbidetu zuten komunikazio- edo truke-ibilbide nagusiekin, hala nola kostalde atlantikoan edo penintsulako hegoaldean ematen dena.
- Azkenik, ezin da baztertu eskualde horretan megalitoak egon izana, baina ez dira kontserbatu higadura-prozesuen edo ondorengo giza-jardueraren ondorioz. Izan ere, hain agerikoak ez diren edo hondatuta dauden egiturak identifikatzeko, berariazko ikerketak egin behar dira.
Argi dago botere publikoa ez dagoela batere prest garai bateko iberiar aztarnak eta, zehazki, Levante ingurukoak ikertzeko.
Ohikoak ez diren gaiak daude tartean, hala nola musika errituala, numerologia, energia telurikoak edo erromesaldia. Irakurlearen jakinduria kulturala elikatzeaz gain, liburuan jorratzen diren gaien artean, interesgarria izatea eragitearren, bereziki Jimmy Savile pertsonaiak erakutsitako aurpegi ezkutuaren aipamena egin liteke. Pertsonaia horren kasua, salaketak izan bazituen ere, sistemak ingeniaritza sozialerako dituen modu ugarietako bat identifikatzeko balioko digun adibidea da. Jimmy Savile, bai Britainia Handian, bai Europan zehar, komunikabideetan oso ezaguna zen pertsonaia izan zen, eta manipulazio-bizitza bat eta pertsonekiko abusua garatu zituen — printzipioz lagundu nahi zituen pertsonen kontrako abusua –, hori guztia erritual bidez eta bere Ley lerro propioaren gainean kokaturik dauden tokietan burutua. Argi dago energiaren erabilera — abusu-egoera pairatzen duen pertsonaren energia-bibrazioaz baliatzeko asmoz — baten helburuarekin egin zela dena. Eta, jakina, ez zen ezer egin salaketak egon ziren arren.
Gure inguruan gertatzen denaz kontziente izateak gure garunaren osasun-oreka pizten du, eta, zalantzarik gabe, bizi garen tokiko ezaugarriak antzinatik ezagutzen diren bezala, gaur egungo gure ezagutza kontzientearen parte izan beharko litzateke. Beraz, egia eta argia behar dituen garaia bizi dugun honetan, hemen aipatutakoa gogoeta pizteko izan dadila.
* * *
Lerroa, dena tratzatuta dago liburua euskaraz (jatorrizkoa gazteleraz idatzita dago) irakurri nahi duenak hemen eskura dezake.
Liburuaren azala eta kontrazala:
R. Valerok, prehistoriaz eta megalitoez ezer gutxi jakiteaz gain, nahi duena esan dezake baina gizon honen informazioak filtratzen jakin behar dugu guk: kontu batzuetan jakitun handia bada ere besteetan sineskeriak zabaltzen ere aritu da, eta azken horretan ez du arretarik merezi. Adibidez defendatu izan du pandemian gaixotasuna eragin zutela airean nahita zabaldutako hodei toxiko misteriotsu batzuen bidez (gezurra, eta berak badaki gezurra dela).
Hartara, orekaren eta arrazoibidearen beharra aldarrikatu nahi dut. Informazioa tentuz eta zentzuz manejatu beharra. Aho bizarrik gabe, begi kritikoa lanean jarri beharra. Guztia ez dago trazatuta ez, hutsune handiena geure buruen ezagutzan daukagulako. Errazegia baita atribuzioak egitea, zer eta norbere arduratik libratzeko, norbere askatasunaz jabetu behar ez izateko.
Nork ez dauka lagunen bat bere arazoak lurrari edo zeruari leporatzen dizkiona, zeinak konponbidean jartzea bere esku dagoelarik? Hor dauzkagu, nola ez, horrekin negozioa egiten dutenak ere, hurkoen ezjakintasuna baliatuz (salatzeko modukoa).
Halaber, hemen ezin da kontzientziaren eta sugestioaren botere indartsua aipatu gabe utzi. Hori gabe zure esku ez dauden indarrengan daukazun fedearen menpe zaude, eta antsietatearen eta indefentsioaren morroi zara, biziaren zelebrazioa eta harreman harmoniatsuak hondatzera iristeraino. Kontakatilu desinformatzaileei esker errealitatearekin erlazio sanoa galdu dutenen kasuak ditugu gertu, ondorio latzak ekarri dituztenak, arrazoia eta borondatea bizitzaren alde erabiltzeari uko egin diotelako, beren umeak ere iluntasunezko mundu murriztu batera arrastatuz, lainoei/irrati-uhinei/iturriko urari/edozeri beldur, beren buruaren jabetza galtzeraino. Ez bedi horretarako izan 🙏
Lasai oso gera zaitezke, nik egilearen liburua euskaratu aurretik horren berri izan nuen, frogan jarri dut, nire ebidentziak ditut. Ikerketa luze baten ondorioz datu berdinak lortzeko aukera izan dut Valero ezagutu aurretik.
Eguraldi aldaketarena AEMET-ek argitaratu du, esanez munduko 50 herrialdetan eraldaketa klimatiko artifiziala egiten dela; kimikoak ofizialki zabaltzen direla ukaezina da; beste kontu bat da jendea jakitun den ala ez. 1979an BOE aldizkarian PIP egitasmoa martxan jartzeko araudia duzu ere; BOEn ugariak dira Gobernuak bere buruari klima artifizialki eraldatzeko egozten dizkion arauak. Ez da izkutuko ezer. Valerok, nik bezala, dagoena ezagutzera emateko bidea hartuta dugu -zuk diozun bezala hutsunea gure buruen ezagutzan dago; askok ez dute jakin nahi, eta egia aurkeztutakoan, aurrekoaren sinismena ez aldatzearren, hasierako ezagutza mantentzen dute; horri disonantzia kongnitiboa deritzaio-, ez du ebidentziarik gabekoa argitara eman, eta jaso duena zuk zeuk froga bidean jartzeko aukera duzu ere; hori egitekotan disonantzia kognitiboaz jabetzeko aukera izango duzu, eta gainera, ebidentziak zure kabuz aztertzeko aukera ere.
Gaian jarri duzun interesa poztekoa da eta idatzi duzuna eskertzekoa ere, gaur egun eztabaida ekiditzeko joera baitago eta testuan idatzitakoa kiritikatzean, guztiak egiara gehiago urbiltzen gaitu.
Interesa duzulakoan, hemen duzu informazioa adierazita eta irakurri berri duzun artikuluaren aurreko beste lauren jarraipena da, eta horiek ere irakurri dituzulakoan, bai eta ondorengo batekin osatuko da. Aurretik beste hau ere baliozkoa izango zaizu zure etxeko argazkiak aztertuta: https://independentea.eus/esaten-digutena-hizkuntzaren-beste-erabilera-ezkutu-bat-da/.
Zuk siniskerian jartzen duzunaren kontrako informazioaren ebidentziak ez dira argitaratu, eta ondo legoke kontrakoak topatuko bagenitu. Idatzi honetan, LERROA izenburukoan, esaten denaren kontrakoa idatzita topatzea denon poztasunerako litzateke, horrek adieraziko luke norbaitek TRAZATUTA dagoenaren beste lan ona egin edo topatu duela adieraziko luke, trazu berri bat eginez. Horregatik aukeratu da trazatuta kontzeptua goiko testuan, zuk zure iritziarekin kontrakoa trazatzen baituzu, baina ebidentziarik ez baduzu topatzen, gogoan izan boteretsuek disonantzia kognitiboaz baliatuta, zu menpeko egin zaituztela. Ebidentziarik ez baduzu, sinismen mailan jarri behar duzu kritikatzen duzuna, baina ebidentziarik ez. Liburua irakurritakoan iritzi bera baduzu, ondo, baina zaila egingo zaizu ebidentziak zure kabuz egiaztatzen hasitakoan. Baina lasai, horrek egiara gerturatzen gaitu guztiok.
Kontakatiluak ez dira pobreak, ez dira ausartak, ez dira egia bilatzen dutenak, boterean daudenak eta boterearen zereginak jarraitzen dituztenak dira. Konspirazioak egiteko boterea eta diru asko behar da, beraz, zuk diozunarekin ados, kontakatilu sinistun horiek botereak ematen dizkioten alde bateko eta besteko “elikagaiak”, ebidentziarik gabe hornituak gainera, kaltetuak izaten dira, mendeko izan direlako, bere osasuna beste norbaiten esku uzten dutelako, gobernua izan edo dena konponduko duen guru baten atzetik ibiltzeagatik… Datuak emateagatik eta egiaren bidea bilatzeagatik ez duzu inoiz kontakatilu bat topatuko, zin egiten dizut Valero ez dagoela horretan, eta zuk diozun hori, jarraitu baduzu, errektifikatzen lehena izan da, ebidentzia aztertu eta gezurra den bakoitzean, horretan dihardu bere denbora gehiena. Egi bilatze lana kosto handikoa da, baina egia da.
…/…
Nire lekukotza: Aitortu beharra daukat lekukoa naizela; iragarpena zenean ekaitzak txingorra eta/edo harri arriskua zekarrela, nire bizilagunak zilar-ioduroa (kimikoa) erretzen zuen “txiskeroa” izendatzen zuena erabiliz. “Txiskeroak” galdaratxoa zuen hodi baten egitura zuen.
Nik ere nahi nituzke halako segurtasunak eduki.
Baina BOE horrek berak kontatu zigun pandemia eta birus berri bat zegoela ere, nazkarilla jantzita ekiditen zena, …ordutik ez diot sinesgarritasunik aitortzen.
Uste dut ez garela zalantzaren balioaz jabetzen. Eztabaida eta eskrutinioa da ezagutzaren motorra. Egiazko dirudiena proban jartzera behartzen zaituelako, egia itxurakoa egiatik bereizteko. Kuestionamenduak ezagutza sendotzen du. Ezin bada zalantzan jarri, ez da ezagutza.
Ze zortea ebidentziak eta uste osoko iritziak dituzuenok. Baina ezin duzue jakin, badakizuela uste duzuena.
Eta nik ere nahi nituzke halako segurtasunak eduki… baina egiatxo probisionalekin egin behar aurrera, beti errebisioan…
“Ze zortea ebidentziak eta uste osoko iritziak dituzuenok. Baina ezin duzue jakin, badakizuela uste duzuena.”
Hau esaldi borobila eta ondorengoa ere ez da makala.