Onartu berria da Madrilgo Diputatuen Kongresuan, LOSU delakoa (Ley Orgánica del Sistema Universitario). Orain Senatura pasako da behin betiko aprobatzeko.
Legearen edukia eta eragina edozein delarik, ezin uka euskal gizarte eta errealitatearekiko kanpotarra dela. Horregatik uste dugu beharrezkoa dela Euskal Erkidego Autonomoko unibertsitateetarako lege propio bat egitea, estatuak emandako autonomiaren aukera baliatuz, indarrean dagoen “Iztueta legea” osotuko duena, adibidez, aski finantzaturiko irakasle propio irudi berriak sortuz, eta oraingo prekarietatea amaitu eta karrera profesional argia antolatuz.
Eta garrantzitsuagoa dena: euskal unibertsitate sistema propioa zehaztu eta egokitu beharko du, komunitate unibertsitarioaren parte hartzea ez ezik gizartea osoarena ere bermatuz.
Lege berriak kontuan izan beharko ditu ez bakarrik gaur egun produktibitatearen oinarri liberaletan oinarritutako eredu nagusia, merkatua eta internalizazioa, baizik eta euskal lurraldetasunaren arazoa, euskal nortasuna eta haren sustraiak, memoria, kultura, balioak, hizkuntza eta balore ondarea.
Antton Azkargorta eta José Luis Herrero
UPVtik kaleratutako irakaslea
