Kontrol mentala

Kontrolpeko eraispena

Ustez osasuna babesteko erakundeek ezarritako neurriek kalte ugari sortzen dute egunero. Ebidentzia sendoak inposaketa hauen eraginkortasuna kolokan jartzen duen bitartean, nire galdera ondokoa da: zein da neurrion benetako helburua?

10

Idoia Hierro

Dantzaria eta antzezlea. Donostia

Parkean egin ohi dudan paseoan, txakurrari begira nengoen bitartean, bat-batean emakume bat ikusi nuen erorita, arnasestuka eta minaren imintzioak egiten. Jazoera kezkagarri horretan bazen, hala ere, azpinormaltasun berrian bitxia eta duela hilabete batzuk guztiz arrunta zen zerbait: andreak ez zeukan musukorik. Haren inguruan lauzpabost ertzain ikusi nituen. Ertzainentzat zirudienez pertsona hark mozala jantz zezan zen lehentasuna: ”musukoa jantzi behar duzu, dena errazagoa izango da eta”. Aldi berean, ertzainok bertatik igarotzen ziren ibiltariak uxatzen ari ziren: “hau ez da zuen lana, aldegin hemendik“ erantzunez gure laguntzeko eskaintzari. Beltzez jantzitako gizonen inbasio baten ustekabeko testigantza susmatzen hasi nintzenean, neuralizagailuaren txinparta jaso baino lehen bertatik aldegitea erabaki nuen sakonki kezkaturik eta haserre.

Etxerako bidean gizarte eredu honek nigandik espero zuena ni ez kezkatzea zela susmatu nuen, are gehiago haserretu nintzelarik. Horrekin batera kamera batekin irteten naizen bakoitzean zerbait gertatzen dela berretsi nuen.

Ordu bat igaro ondoren korrika egitera atera nintzen eta hara non ertzain berdinak belarretan etzanda eta musukoa jantzita zeukan beste pertsona bat inguratuz ikusi nituen. Distatzia (segurtasun-distantzia solidarioa izaki) mantenduz, aurreko egoera deserosoa ekiditeko eta anbulantzia gertu ote zegoen egiaztatzeko, inguruetatik ibili nintzen.

Ia ziurtasun osoz musukoak eragindako bi zorabialdiek gogora ekarri ninduten 2001eko irailaren 11ko dorre bikien ustezko atentatua. World Trade Center-eko dorreen suntsipenaren bidez nazioarteko ikusleek oharkabean eraispen kontrolatua asimilatu al zuten? Atentatuen narratibaren ageriko kontraesanak estali edo erakutsi nahi al ziren? Ez al dira disonantzia eta trauma gogamena kontrolatzeko tekniken oinarriak?

Izan ere, ofizialki onartutako MK Ultra proiektua edo CIAren kontrol mentalerako programa bezala izendatua dena, 1950ko hamarkadan abiarazi zen 1973. urtean bertan behera utzi arte. Programa honek legez kanpoko ekintza bat baino gehiago burutu zituen, adibidez, EEBBetako eta Kanadako biztanle batzuk gogoz kontra hartu eta esperimentuak egin zizkieten. MK Ultrak hainbat metodologi erabili zituen subjektuen egoera mentala aldatzeko, hala nola, LSD bezalako drogak, hipnosia, sentimen-gabezia, tortura era ugari eta ahozko zein sexu gehiegikeriak.  MK Ultra 149 azpiproiektuk osatu zuten, CIA-k 44 college eta unibertsitate, eritetxeak, espetxeak, botika-konpainiak, ikerketetara bideratutako fundazioak… kontratatu zituen. Guztira 80 erakundek eta 185 ikerlari pribatuk parte-hartu zuten. CIAk MK Ultra zeharka finantzatu zuenez, parte-hartzen zuten pertsona askok ez zuten agentzia atzean zutela jakin. Gaur egun ofizialki onartua den programa hau hain luze iraun eta hainbeste oharkabeko partaide eduki zituela jakinda, non dago horrelako eta antzeko proiektuak gure egunetan martxan daudela baztertzeko froga? baliteke covid-19-a MK Ultraren eguneraketa bat izareke?

Egunero pairatzen dugu neurri kontraesankor eta erasokorren eragina / Argazkia: Idoia Hierro

Egun berean bi aldiz poliziaren lehentasuna itotzeko zorian daudenak musukoa jantzita edukitzea zela ikusteak hausnarketa bat egitera eraman ninduen: inork laguntza behar duenean gizarte honen egituren lehentasuna araudia hertsiki eta salbuespenik gabe betetzea bada, araudia bera gaixotasun sakon baten islada litzateke, gu guztiok itotzen gaituena eta birusekin harreman oso eskasa duena. Izan ere hipoxia eta hiperkapnia hala nola alergiak eta beste arazoak musuko bat janztearen ondorio kaltegarri ezagunak dira.

Duela egun batzuk, Donostiatik ibiltzen nengoenean hirugarren aldiz poliziez inguraturiko eta itxuraz zorabiatutako hirugarren pertsona batekin topatu nintzen. Duela gutxi argitaratu den ikerketa batek musukoen eraginkortasuna ez dela esanguratsua erakutsi duenean, nola izenda dezakegu gure kaleetan gertatzen ari dena? istripua? jazarpena? ala kontrolpeko eraispena?  

Artikulu hau itxi aurretik hirugarren pertsona bat aurkitu dut erorita / Argazkia: Idoia Hierro

10 erantzun “Kontrolpeko eraispena” bidalketan

  1. Argi dago kalean edozein egoeran musukoa eramateko obligazioa absurdoa eta injustua dela, umiliagarriaz gain. Pentsatu daiteke neurri horren helburua pertsonen duintasuna eta nortasuna deuseztatzea dela, suntsiketa psikologiko modura. Eta azken finean, gu guztiok otzandu eta arkume bihurtu.

  2. Juan Ignacio Perez Iglesias, EHU Euskal Herriko Unibertsitatean Fisiologia katedraduna da, eta Kultura Zientifikoko Katedraren zuzendaria: «Bizitza aldatu behar badut, azal iezadazu zergatik»

    Kultura zientifikoa hauspotzen jardun du beti, eta izurriak agerian utzi du horren garrantzia: gizarte osoaren ahotan jarri ditu ezagutza sortzeko prozesuak, ikuskizun ere bihurtu dira hainbatetan, eta begirada kritikoa zolitu behar da.

    https://www.berria.eus/paperekoa/1913/004/001/2020-12-29/bizitza-aldatu-behar-badut-azal-iezadazu-zergatik.htm

  3. Hemendik aurrera, urtero, pandemia gainditu ostean eta hilabete batzuetan musukoa derrigortzea proposatu zuen mediku talde batek telebista kate bateko programa ezagun batean

  4. Gure osasuna mota guztietako bermeekin zaintzen digute.
    Airez erasotsen digute produktu ezezagunen zutabe lodiak askatzen dituzte hegazkinekin, perretxikoak bezala hazi diren 5G antenekin txikituko gaituzte, gure CO2 arnaskarazi egiten digute germenez zinkindutako muturrekoekin, eskuetako azala erretzen digute erre beharreko alkohol-lozioekin, gure jarduera geldiaraziko duten neurri errepresibo gehiagoarekin beldurtzen gaituzte, hiriak perimetroki ixten dute konzentrazio-esparruak bihurtuz txertoekin noiz agertuko diren bitartean zain erregimen naziaren irudi eta antzekotasunari azken irtenbidea deitu zioten horretan ere modu berean jokatu zuena.
    Herri orok du merezi duen klase politikoa eta ez beti horri aurre egiteko baliabiderik.

  5. Jo pe, Odlok. Nigeriara bizitzera joan beharko duzu, edo zer?

    Egoera iluna eta geroa beltza…5G, alkoola eskuak garbitzeko, muturrekoak geure CO2 arnasaraziz…Dena antolatuta dago aurretik, nazi alu horiek, “gure” aurka, gaixoa ni, kottaua, eskuak loturik…esklabuni…eta herria lotan, otzan, etxan, tan tan…
    Aizu, zenbat mugikor dituzu etxean? Zenbat aldiz eman diozu baimena (zenbat aldiz egunean) Facebok-en, Instagramen, GPSen…eta halakoei?
    Nazkatzen hasia naiz haenbertze etsipen eta biktimismo…Has ezazu bada bizi berria mendian, borda franko badago hutsik Leitzalarrean, ur freskoa atarian.

  6. Lesakarra, bistan da zu eta ni gu ez garelako.
    James Gorbett-ek azaltzen duen bezala historia hontan zein aldetan gutako bakoitza gaude?
    Nik argi eta garbi adierazi nuen Nazio Batuen Erakundeak berak aitortutako defentsa legitimoa erabiltzeko eskubidea nire herria partzialki edo erabar suntsitua izateko arriskuan badago.

    Zu aldiz, gizarteko behartsu eta zaurgarrienak pobrezia are handiagoa bultzatzearen konplizea zara. Herri baten suntsiketaz jabetua non bariduri ongi informatua zaudela herri honen aurka higatzeko erabiltzen ari diren tresnei buruz.

    Ez dut bizitza berri bat hasi behar, ikusita zure liderrak lanean aurreratu direla nirea aldatzeko. Herri gisa behar duguna da zuei aurre egin eta jakin ezazue ez zaizuela hain erreza izango gure gainetik pasatzea nahiz eta oraingoz bariduri plana ongi ateratzen ari zaizuela. Ez dugu onartuko, ez gugatik, ez gure artean hazten ari diren hurrengo belaunaldiengatik.

  7. Hara bada, badugu igerle profeta berria: James Corbett omen (ez Gorbett), kazetaria, eta honek “jakin omen duenez” (omen, amen), jende asko hilko omen da ezarritako “itxialdiak” dela medio. Eta gainera albo-kalteak…
    Bai, ezagutzen ditut kasu franko…gaixotasun larria berandu diagnostikatu diote, erietxe osoa dantzan zegoelako pandemia madarikatu honengatik.
    Eta zuek, zer? Pandemia dagoenik ukatzen? Beraz, zure logika berari jarraiki, Odlok, zuek ere albo-kalte horien “konplizeak”?

  8. Lasai, nirekin ados ez zaudelako, nik ez zaitut “etsai”, Odlok.
    Bizitza ez da: zuk marra ezarri zuk diozun tokian eta zure aldean ez dagona, zure aurka dago, etsai, konplize.
    Etsaiak egiteko makina ederra asmatu duzu, mutikoa.
    (Eta esaidazu gauzatxo bat: marra ezarri duzu, edo zirekin edo zure aurka…eta “herria”, zuk salbatu asmo duzun “herria”, marra horren zein aldetan dago?).

  9. Ongi Lesakarra, ez naiz zure jokoan sartuko, nire asmoa ez da zurekin betiereko eztabaida luzatzea bistan denez ez baitu ezer ematen eta emankorragoa iruditzen zait denbora hori argitaratzen ari diren lanetan nire aletxoa ematen ematea.

Utzi iruzkina

Azken artikuluak