Behin, herri bat bere segurtasuna arriskuan jartzen zuen proiektu baten aurka matxinatu zen. Proiektua zentral nuklearra zen eta lekua Lemoiz, Bizkaia, Euskal Herria zen. Herri ausart hura kalera atera zen, eta ez ziren gelditu halako munstroa etetea lortu arte.
Baina sistemak eboluzionatu egin du, eta jendea lokartuz joan da, anestesiatuz, erosotasun, konfort eta ongizate-itxura irudipen batean. Hamster bat bere gurpilean bezalakoxeak gara. Gurpilaren materiala begiratzen dugu eta harengatik borrokatzen, denak urrezko gurpila duenaren inbidiaz eta latorrizko gureez lotsaturik.
Eta horrela ez ditugu kaiolako barroteak ikusten. Eta barroteak ikusten dituena kexatu eta kexatu egiten da, baina bere gurpilean jarraitzen du, jaten ematen dionak janaririk gabe utz ez dezan; izan ere, gurpilean korrika ez bazabiltza, ez duzu hamster funtzioa betetzen, eta orduan ez diezu balio: zure amaiera da.
agian sinetsarazi dizute ezin zarela aske izan
Ez al litzateke hobe barroteak karraskatzen saiatzea eta ihes egitea? Zer da, ezinezkoa? Saiatu zara? Agian barrote horiek irudipen hutsa dira, agian sinetsarazi dizute ezin zarela aske izan, eta kaiola zeharkatu besterik ez duzu egin behar, agian. Edo agian ez, eta agian beste hezur mordo bat izango zara, kexatu zena bezalakoa, besterik ez.
Baina zu saiatu egin zinen, behintzat.
Lepoa jokatuko nuke, bihar esango balute zentral nuklear bat jarriko dutela herri honetan, inolako aurkakotasunik aurkitu gabe jarriko luketela, baita bere garaian ezetz esan zutenen oniritziarekin ere. Urrutira joan gabe, gertatu da, NATO EZ-tik NATO BAI-ra, eta kaiolako gurpilari begira jarraitzen dugu denok. Kaiolara begiratzen dugun eta esna gaudenok gurpilari begira daudenen urrats bat aurretik gaude, baina barroteak arrisku bizian zeharkatzen saiatzeko urratsa eman behar dugu.
Errezeta intsumisioa, desobedientzia eta mobilizazioa izan daitezke. Eltzekari on batek osagai bat baino gehiago behar ditu prestatu ahal izateko.
Arraioa! Gurpila herdoiltzen ari zait; antidepresibo bat hartuko dut.
“preso hartu dutenen lehen obligazioa IHES EGITEA da”
halexe planteatu genuen lehen unetik bertatik Zamoran preso geudenok 1970an.
eta Kartzelako Zuzendaria bera ere bat zetorren “printzipio” horrekin…
eta bere lehen obligazioa presoek ihes egitea zela!
eta zer gertatu zan orduan?
guk kasik ihes egin geniola Zuzendariari, eta berau kantzelatik kanporatu egin zutela zigor gisa…
baino OTAN omnipotente, omnimodo eta ubikuoa zeinek kanpora dezake?
hortxe gakoa
AEB dekadendeta erortzen danean, nonbait.
Hortaz, biba Errusia eta Txina naiz Inpernuko deabrua!
Sasoia da jada tio SAM erauzteko munduko kartzela honetatik. Amin.
Josu, Txina? Errusia?, benetan? Edo broma moduko erretorika erabili besterik ez duzu egin, agian. Kartzela eredu batetik(AEB) beste kartzela eredu batera jauzi egitea ez dut uste gure zeregina denik. Portzierto, M *ama *eme *ume (Erika Lagoma-Estitxu Fernandez) liburuan hasiera berri baterako gako batzuk aurki daitezke, nahi izatera.
Erika-Estitxuren liburua ez diat ezagutzen.
Nire ustez, Gorka, mundu hüntako lehenbiziko eginbeharra tio SAM horri bere tankeetatik jaitsiaraztea dok.
Bitartean mundu kartzela honetan ez zegok zereginik, are gutxiago tio SAM zahartzen eta dekadentzian denean erremediorik gabe.
Orduan are arriskutsuagoak darelako haren azken ostikadak. Ez duk bukatuko sekula ere orain agertu den III Mundu Gerra Beroa.
AEBko Putre-hego luzeen azpian datza ezkutaturik Mundu Elite Boteretsu Mendebaldekoa, zeinek 2030-Agenda esklabista xedetzat duen ongi markatuta.
Horregatik aipatzen ditut INPERNUKO DEABRU diren Errusia eta Txina, zeren une honetan Tio SAM mundu honetatik erauztea baita xede berebizikoa, hark gu guztiok erauz gaitzan baino lehen…
Beraz, inpernukoekin aliantza taktikoa izan daiteke egokia, baldin geure estrategia argi eta garbi bazeukeagu.
Zer iduritzen bertzela?
Baliteke, Josu, baliteke aliantza taktiko horren beharra izatea baina ez dut batere garbi, benetan diotsut.
Gure esku ez baitago halako aliantza bat gauzatzea, baina bertzela kontutan hartzekoa litzatekeela uste diat, betiere Txina ez baldin badugu hartzen erreferentzia sanotzat (ezta gaur egungo Errusia ere)
Baina berebizikoa deritzot tio SAM arriskutsua trokara eramatea hainbat arinen.
Egungo politika-geoestragikoez EH-Hegoako hüntan dihardutenen artean adituena, ene aburuz, LANTZEN plataforma digitala da, zeinen eleduna Adrian Zelaia baita.
Badá Adrianen analisi politikoak dioenez, gaur egungo egoera politikoa ez duk duela 10-15 urtekoa bera.
Haren arabera, (Azpeitian emon duen hitzaldia entzun diat), duela hamarkada bat, Errusian eta Txinan, Korporazio Multinazionalek agintzen zuten bi herrialde horietan, Mendebaldeko Korporazioak zirela nagusi.
Baina Putin eta Shi-Pin boterera iristean, politika hori zeharo aldatu dutela. Korporazioei boterea murriztu ahala, ia zeharo kendu diete, eta magnate zenbait (ados ez zeuden guztiak) kartzelaratu.
Hortik Gerra Hotza zena orain III. Mundu Gerra Bero bihurtzea Ukrainan, Itsaso Barean eta oraintsu Ipar Afrika Mendebaldekoan (jada hasita OTANek Arabeen aurka)
Hau guztia kontutan hartzekoa dala uste diat, zeinekin egin asmatzeko aliantza taktikoak.